ماجد المهدي تفضل

[الطائر المهاجر]

وترى الشيهان من ثقله جبل ما اهتز مهما جاه = ولو شاف الحبارى ما يطاردها لملاعبها
فقد يكمن وراها صايدٍ يبغيه لو يقرب إلى مرماه= يصيده لحظة نفسه معاها ما يحاسبها

[متعب المتعب]

ترى من لاملك مالن في هذا الوقت واعزاه=ومنهو مالكه يصبح عقيد القوم طيبها
ولو ماضيه مايستر ترى ماله يكون غطاه=ومنهو مااعجبه قولي يبرهن في سبايبها

[ماجد المهدي]

وترى الانسان لو يضحك على غيره بيوم ابلاه = جميع الخلق يا الطائر تسجلها وتكتبها
وحنا نحذر المسعور من هرجه ومن شرواه = ونخدم من بهي طيبه واشعاره نطيبها

[ماجد المهدي]

هلا بمتعب القلب جيت في وقتك

[الطائر المهاجر]

هلا متعب هلا الشيهان هلا بالذيب في مفلاه = هلا باللي يعرف الخلق لو تكثر مذاهبها
تقول المال اقول الكنز رجّال عرف ماطاه = فما سمي الذهب باسمه وهو باقي لطالبها

[الطائر المهاجر]

ونا وياك ياماجد وكل فاهم فحواه = عرفنا خيرها والشر من مشي بمناكبها
اذا من الرجل مشيه عدال ولاحنى لجباه= يعيش العمر في عزه ولا يخشى مقالبها

[متعب المتعب]

صحيح ان الرجل مكسب ولكن وقتنا مبداه=يقول اللي معه يسوى بعين الناس واغلبها
ومنهو يفقد القوه جميع الخلق له تشناه=ولا له في الغلا مركب ولاسكه تناسبها

[الطائر المهاجر]

بنجد الناس لازالت تعرف الذيب والمعزاه = ولاهوب الذهب يرفع حصاني بان غاربها
ولكن ما تبي الضفعه فقير وراضي بلواه= تبي حر اذا من جاع يكفخ ما يلاهبها

[ماجد المهدي]

على كثر الكلام اللي يقوله والذي في فاه = ابد ما يوم يتصدق وهو للكذب غالبها
يجول و في هوى الحساد يلقى من اهو وياه = يعادي عالم الطيبه سموم الحقد شاربها

ولنا لقاء غدا ان شاء الله والحين استأذن لجل علي جامعة وما نمت من الصبح

لا هنتوا

[الطائر المهاجر]

ماقصرت يالغالي
موفق إن شاء الله
وتصبح على خير