فلاح ياولد منشار ,, أقرب دوك ..!!

[نجم الإبداع]

المعذره فالاتصال يقطع وقلنا فال خير= صبرك علينا وانتظر بين النجوم الحانيه
ليلك طويل وليلنا ماهوب ياصاحب قصير=والملعبه ولعتها واحسنت بالاعلانيه

[عايض المقاطي]

هلا والله يافلاح..

العذر منكم نقبله ..والحمل في ظهر البعير=أما وقف ولا برك في طرقة البدوانيه
كب الليالي كبها.. من دونها الرب البصير=وجاوب على قد السوال اللي وصلك الآنيه

[نجم الإبداع]

مرحبا بالاخوان جميعا

تسلم ياعايض

واستلم

ماللحمول الجايره بالناس غير اهل النفير= الي في الملقاء زرت يلهب كما البركانيه
البحر موجه يصطفق ماهوب ياعايض غدير=واحس من تحت القناء تتحاطم النيرانيه

[عايض المقاطي]

الله الله,,

بشكيك واردف دعوتي بأم الحجج قدم المدير=الطاير اللي فالفيافي يقنص الغزلانيه
واقول يا طير الهوى ابعيركم كب الهدير=اما اردعه والا أنحره,, وازهم على قحطانيه

[عايض المقاطي]

فلاح تشرفت بهالطاروق معك


صح لسانك


والاخير عندك

[نجم الإبداع]

صح لسانك ياعايض

الشرف لنا طال عمرك

لاعدمتك

محشوم ياعايض ولايحتاج توصلها سدير=انا وياك احلاف وابشر لو تبي علقانيه
شفتك تناور قلت بارمي باللضاء عله يغير=واثرك تحب السلم ياعايض فدتك اعيانيه

[عايض المقاطي]

ههههههه


صح لسانك يافلاح,, وأكيد أني أحب السلم الا مع الارهابيين <<<<

[نجم الإبداع]

هههههههههههه تسلم ياعايض ههههههههه

الحمد لله اني مانا ارهابي

الى اللقاء

لاهنت

بيض الله وجيهكم



صح الله لسانكم

[ابراهيم عبدالحميد]

أجد هنا بين رقيكما و إبداعكما
الراحه و السكينه

متابع لكما