عابر سبيل

[عرق الماس]

المشاركة الأصلية كتبت بواسطة عصام عبد الحميد

(((((((((((((((((((((( بسم الله الرحمن الرحيم )))))))))))))))))))

عابر سبيل وناسى

انى برضه كنت قاسى

والطريق اللى مشيته

كان هوه كل ناسى

هوه عقلى

هوه احساسى

عابر سبيل وناسى

يوم ما أبقى بين أيادى

ربى )))))))))))))))))

مستحيل حا اكون

يومها فاكر )))))))

لا حا أبقى ناسى

انى خنت العهد لما

هوايا خادنى لحد بحر مالوش ارار

لحدفكر تايه من غير قرار

عابر سبيل فى دنيا

فاتتنى من زمان

وبرغم عمرى كله

برضه مش لاقى الامان

عابر سبيل وخايف

لا عمرى يبقى زايف

والصدق فيه يتوه

وبرغم انى شايف

لسايه برضه فيه

عابر سبيل

عابر سبيل با ادور

ع الشىء اللى يغير

الضلمه اللى فحياتى

معقول يجينى بكره

والاقينى ما بقيتش نكره

عابر سبيل يا اهلى

انا ضاع منى عمرى

بقيت عايش وحيد

واليوم مافيش فيه جديد

والحب اصبح عنيد

عابر سبيل فى دنيا

ادتنى كل شىء

رميتها ورحت ماشى

وادينى النهارده با احلم

تجينى تانى مره

ح ابوسها الف نره

واتمرغ فى التراب

وادعى لربى يسامحنى

ويسامح عمرى اللى غاب

ويدينى تانى فرصه

لاجل ما يخف العذاب

عابر سبيل يا ربى

والذنب ايوه ذنبى

مش ذنب حد تانى

الأخ العزيز عصام,,

مشاركة جميلة,,

تسلم يدك..

[حي الضمير]

رائع وابدعت بارك الله فيك
أجزل التحايا والاحترام

[الخنساء]

لاهنت بوح ومشاعر

فالخالق لايغفل ولاينسى خلقه

فالتقرب له شيء مقدس

سلمت ودام حرفك

[عصام عبد الحميد]

الاخوه الاعزاء _ الطائر المهاجر _ داعى الشوق _ عبير الورد_ الخنساء

لم يقصد من كلمه النسيان ان يكون المعنى منه حرفى لكن المعنى المستتر فى لفظ النسيان

هو التجاوز عن الخطأ وغفرانه

شكرا لكم اخوتى الاعزاء لمتابعتكم لكل ما يسطر فى هذا الصرح الكبير

ودمتم جميعا بالف خير

[حوريه]

وفقك الله
وسلمت اناملك
تحياتي وتقديري

[داعي الشوق]

استمتعت بالقراءة
شكرا جزيلاً
تحياتي الطيبه