قم ياجمل

[داعي الشوق]

صح لسانك يا بو أنس

قصيدة حماسية و بها من الحكمة الشيء الكثير

دائما ما تتحفنا بما هو رائع يا بو أنس

يعطيك العافية

وصح لسانك مع التحية لك و التقدير

،،،،،،،،،،،،

[حي الضمير]

الله يحفظ رائد ويحفظك يابوانس ويحفظ الجميع ان شاءالله
وبيض الله وجهك شاعرنا الكبير أبوانس قصيده من القلب
وابدعت ابدعت حيل يامميز

[عبدالعزيز العمار]

أبو انس ..

صح لسانك وجاد بيانك ...

دائما لاتأتي بغير الجزل يالقرم ..

وعساها عونا له في حياته ان شاء الله ..

تقبل اجمل تحياتي ...

[منصور العبدالله]

قم ياجمل واصمد ترا الحمـل لـو زاد
ما يرتكـي للحمـل غيـر الرواسـي
وما احدن تعزوى وانتخى واندب وشاد
الا بقرم(ن)يعـرف العـلـم قـاسـي
صلب(ن)على ميلات بقعا بـه عنـاد
ما ينثني وان طـاح طـاح متواسـي


ابو انس


لا اجد من ابجديات الاطراء ما يوفيك حقك

ولن ادع تسجيل شرف المرور يفوتنى

فتقبل مرورى المتواضع ياقرم

[مبروك بن ماضي]

حضور متميز ..
لشاعر متميز ..

القدير / ابو انس

سلمت يمينك ..
ودمت رائعاً متألقاً .


تحياتي وتقديري ،

[عدنان كريزم]

صح لسانك يالغلا

ولا هنت

ابوو انس

صح لسااانك وكلك
جزله ومحكمه السبك والحبك
امتعتنا بتوااجدنا بين ثناايا حرفك

لا هنت

اموااااج

[محمد الأحمري]

الله الله الله
حروف تزخرف بماء الذهب
لاهنت ولاهان راسك يا الجزل
ويستاهل الممدوح
ونعم بك وفيه
الله يديم المحبه
سعدت بمروري هنا
تحياتي لكـ

[عبدالله الشويمان]

المشاركة الأصلية كتبت بواسطة ابو أنس

الى الإبن الفاضل.. رائد بن عبدالعزيز العنقري
وقد لمحت فيه علامات الرجوله ومقوماتها .وقد عركته الحياة فأظهرت منه أكثر وأكثر
والمأمول منه كذلك أكثر.
هي تعبير وتذكير وشعور ومشاعر دونتها كما هي في ذهني وان لم تتسلسل أفكارها
وله القبول او الرد.
ولكم المشاركة والتقويم

قم ياجمل واصمد ترا الحمل لو زاد=ما يرتكي للحمل غير الرواسي
وما احدن تعزوى وانتخى واندب وشاد=الا بقرم(ن)يعرف العلم قاسي
صلب(ن)على ميلات بقعا به عناد=ما ينثني وان طاح طاح متواسي
واعرف ترا الدنيا مدارس بلا استاد=من التجارب والعمل والمِراسي
وما مدح احد او قيل له قرم الاولاد=الا الصميدع من عنا الوقت عاسي
وش عاد لوكانت حياتك بها جهاد=كل الحياة اقبالة(ن)وانتكاسي
والقصر لامنه تأسس على عماد=يصبر على مر الزمن والمآسي
وانت الحفيد ولك فخر بين الاحفاد=مادمت وافي بالعهد منت ناسي
اصبر على ميلات الاريا ولو كاد=واستصعب الموقف وشفته عفاسي
وبالك تعادي من يودك ولو حاد=واخطا ومثلك ماهر ودبلوماسي
والله يجيرك من عسيرات الانكاد=ينير دربك من شتات وعماسي

والله يجيرك مـن عسيـرات الانكـاد
ينير دربـك مـن شتـات وعماسـي

آآآآآآآآآآآآمين

الله يا ابو انس

نص راقي ووافي وجزل بمعنى الكلمه..صح السانك يا الغالي..

والله يخليلك احفادك ويخليهم لوالديهم وعين ترجيهم.

لا هنت لا هنت

[النهج المختلف]

الشاعر الرائع أبوأنس صح السانك ,, ,,

وصف جميل وراقي من شاعر جزل ويمتاز بالحكمة ,, ,,

قصيدة رائعة ونصائح قيمة الله يعطيك العافية يامبدع ,, ,,

لاهنت يالغالي ولاهان راسك وفكرك ,, ,,

تحياتي وتقديري ,, ,,