الله يرد المسافر اغنيه وموال

[عبدالله الشويمان]

الاخ الطير المهاجر

نعم هنا الاحاسيس والمشاعر القوية بصدق التعبير

نعم هنا الشعر الجزل الذي يدخل القلب بدون استئذان

صح السانك يا دكتور ابداع منقطع النظير

الله يحفظك

[يزيد النمي]

اتعبني القيـد ليـت القيـد تركيبـه
ان كان افكّـه ولا حسّيـت بالآمـي
ارجع الـيّ تـرى طوّلـت بالغيبـه
ارجع اليّ قبل مـا تكسـب آثامـي
يالله ترد المسافـر بالـف ترحيبـه
افرح بلقياه ينعـش قلبـي الظامـي


آمين
الله يرد المسافر
وصح لسانك يابو عبد الله

قصيده رائعه يابو عبدالله

صح لسانك صح لسانك.

ابداع في ابداع

تقبل خالص الود والتقدير

[عيد بن سعدون]

المشرف القدير شاعر العثمانيت

صح لسانك

والله يرد المسافر يالطائر المهاجر

عيد بن سعدون

[انكسارات النخيل]

لا سافر اللي تحبّـه اكبـر مصيبـه
يبحر بك الهم في وسواس واوهامي
ما تامن الوقت فالأقدار تجـري بـه
ولا تدري اللي تخبي سود الايامـي
واللي مسافر ترى يسلى عن صحيبه
المشكل اللي على جمر الغضى نامي


صح نزفك الرائع سيدي الفاضل

ودمت بهذا الحضور المميز الراقي

كل الود

[حمد العيد]

د/ عثمان



تكتب فتبدع نحظر فيطيب البقاء امام مدك الاخاذ

صح لســـــــــــانك

ودي وتقديري

روض الغلااا

صح لسانك أستاذي ..
هذا غرام والا ( غطو )..؟؟
حلوه ( أرجع إليّ ) .. فبعدك لاعقـــــدٌ أعلــّقـــــه .. على رأي ( نزار)..
المشرف العزيز ..
جميل الإشتياق للغائب .. والأجمل اللقاء به !!
تحيــــــــــــــــاتي وتقديري ,,,,
أخــ(nadeem)ـــــوكــ ,,,,,

[الوهم]

استاذي عثمان

مساء الخير

قرأت وقرأت

وما عرفت وش اقول

رائعة وربي ما يكفي وصفها

صح لسانك وكلك

دمت بخير

امنياتي

المشاركة الأصلية كتبت بواسطة المشرف العام

الله يردّ المسافر طوّل الغيبه = لو هي اسابيع عندي عدّة اعوامي
له وحشةٍ زادت بقلبي لواهيبه= من حرها اوجس النيران بعظامي
البدر لا غاب ماللكون من هيبه= مهما النجوم كثرن باعداد وارقامي
يطول ليلي تناوشني مخاليبه = خوفٍ وهوجاس والكابوس باحلامي
لا سافر اللي تحبّه اكبر مصيبه = يبحر بك الهم في وسواس واوهامي
ما تامن الوقت فالأقدار تجري به= ولا تدري اللي تخبي سود الايامي
واللي مسافر ترى يسلى عن صحيبه= المشكل اللي على جمر الغضى نامي
ولو كل منهم يعيش الوقت تغريبه = احدٍ بكيفه واحد في الغربه الزامي
لا كلمّه من يحبه ما وضح عيبه = يقول مبسوط يخفي جرحه الدامي
فالقلب عند السفر تكشف عذاريبه = ولو هو قويٍّ تحوّل كومة حطامي
وأنا بغربه وحالي صارت صعيبه = يمضي بي الوقت مثلي مثل الايتامي
والاّ كسير يجرّ الصوت ويجيبه = محدٍ سأل عنه من صدقان واقوامي
ينطر حبيبه لعلّ بيوم يدري به= يفهم مشاعره ما يحتاج لافهامي
مسيت بالحب نبع الحب والطيبه= صبحت بالخير مصدر كل الالهامي
اتعبني القيد ليت القيد تركيبه= ان كان افكّه ولا حسّيت بالآمي
ارجع اليّ ترى طوّلت بالغيبه = ارجع اليّ قبل ما تكسب آثامي
يالله ترد المسافر بالف ترحيبه = افرح بلقياه ينعش قلبي الظامي

صح لسانك

يالمشرف العام


قصيده

جزله

لاهنت

والله يرد غاليك

وغالي كل غالي

آمين

تحيتي

[الطائر المهاجر]

شكرا لكم جميعا اخواني واخواتي
على كريم الحضور والتفاعل الرائع
تسلموا جميعا
مع أطيب تحياتي