من بَعَض رسايلي !!!

[الخنساء]

صح لسانك مليون ولاهنت
ابيات جميلة تترجم الواقع
سلمت ودمت بخير

[عايض ابوشيبه]

الله الله الله يالأكلبي والله إنك صااااااااااادق


من شركة الجوااااال والموبااااايلي

قصيده تحكي الواقع لافض فوك

وصح لسااااااااانك ملايييين

وتقبل تحياتي

سعيد الاكلبي

صح صح صح السااانك

قصيده رااائعه جميله مبدعه

سردت فيها اهم مشكلات المجتمع الاخيره

الاتصالات ومشاكلهاا

الاسهم وويلاته

غلاء الاسعااار وما ترتب عليه

ابدعت

[عيد بن سعدون]

صح لسانك ولاهنت

شاعر جزل وقصيده جزله

اتمنالك التوفيق

اخوك
عيد بن سعدون

[رفيعة الشان]

المشاركة الأصلية كتبت بواسطة سعيد مقبل الأكلبي

خلَّو حياة الناس قاعٍ صفصفا= ماعاد تلقى في الوجيه سمايلي

الله الله
اسلووب جميل شاعرنا
تحاكي هموم المجتمع بطريقة سلسة طريفة
في محاولة لتسليط الضوء عليها
تسلم يمناك شاعرنا على هالقصيدة الوافية
وصح الله لسانك مليون


ولاااااهنت

[محمد عبدالله البدراني]

المشاركة الأصلية كتبت بواسطة سعيد مقبل الأكلبي

خلِّوني ارقى فـالسما بارايلي= والقى وسيلة الاتصال الهايلي
اللي تقوله شَرِكات التقنيه= في هرجها المعسول والمتحايلي
ياربعنا تعاونوا في نهبنا= ياشركة الجوال والموبايلي
هذا المواطن جوّدوه بفطحته= لايفوتكم هذا السمين الحايلي
كلٍ يعشّي في جنوبه ينهشه= القلب مفضوخٍ وحجمه عايلي
باقي مكانينٍ على فقارته= تلقونها خلف السنام المايلي
اقضوا عليه وريحوه من الشقا= لاتطاولونه بالطويل الطايلي
ياكم وطاه من الخساير والعنا= من سوق الاسهم يوم جا متهايلي
ومساهماتٍ في الهوى راحت سوا= طاروا بها لكن ماني قايلي
خلَّو حياة الناس قاعٍ صفصفا= ماعاد تلقى في الوجيه سمايلي
وتجارنا في حقنا ماقصّروا= من حبهم فينا لقينا مايلي
اركوا علينا ميسمٍ ماينطفي= احر من صالي لهيب القايلي
كلٍ علينا قام يرفع سلعته= ويقول ماجا في طرف مخباي لي
والبدو جاهم حقهم في برّهم= الشاه تبكي والبعير يخايلي
يشكون حر الجوع والله ربهم= يالله دخيلك من نعيمٍ زايلي
شيٍ ذكرته يوم جا في خاطري= من بعض الاشيا اللي تعبّي فايلي
والناس مثلي يشتكون من الغلا= هوايل العالم مثل هوايلي
اكتب رسايل في هموم المجتمع= وهذي رساله من بَعَض رسايلي
وان كانها ماجت على حسب الطلب= خلوني احوّل واجيب ارايلي

شاعرنا القدير سعيد بن مقبل الاكلبي سلمه الله


لاوالله الا جت على حسب الطلب واكثر وماقصرت


بيض الله وجهك


اديت رسالة الشاعر الحقيقي تحدثت عن هموم الجميع ومانعايشه فعلا


لله دررررررررررررررررررك


ومليوووون مليوووووووووووووون صح السانك


ويمناك لاعدمناك على هالجزاله يالجزل


ومساهماتٍ في الهوى راحت سوا
طاروا بهـا لكـن مانـي قايلـي
خلَّو حياة النـاس قـاعٍ صفصفـا
ماعاد تلقى في الوجيـه سمايلـي



الله الله الله



لافض فوووووووووووك ياسعيد


ولاعدمناك ايه الشاعر الشاعر



تحيتي وتقديري

[سعد الشقحاء]

صح لسانك
واعتلا شانك
قصيده رائعه

[ام العمده]

سعيد




صح لسانك واعتلاا شانك



لاهان راسك



ابدعت






تحياتي وتقديري

[الطائر المهاجر]

خلَّو حياة النـاس قـاعٍ صفصفـا
ماعاد تلقى في الوجيـه سمايلـي

من جوّع لقطوه تراه بيلحقه= ولا من شبع شافه بنابٍ عايلي
والخلق في دبرة اله بالسماء= فلا تشتكي والظل اقفى مايلي

صح لسانك زفكرك
ولاهان راسك
تحياتي واحترامي

[الأموره]

الاكلبي

صح لسانك ملايين يخوي

سلمت و سلم فكرك

الف شكر لك

دمت برعاية الخالق