على صباح الله نبي شاعر ويفهم بالنظام ... الطارف سديد يا الفطاحلة

[سناعيس]

بالانتظار
شاعرين لهما وزنهما
الأسمري
الطائر المهاجر
مستمعين
ومستمتعين
ونستفيد
لله دركما

تحياتي

لاهنت يا شايبنا

الميدان يا حميدان

سناعيس

صح بدنك وفكرك

حضورك هو التشريف

.. ووجودك مكسب ..

أخوك محمد

[الطائر المهاجر]

خبرك قديم ولا عرفت اللي يتحكم في الآنام = العبد والصفّار والمعنى على سطح القمر
الفقر مافاد الحرار ولا رفع جوع اليتام = فالوقت للدينار والمعنى على سطح القمر

انته تلف السالفه وانا دروبي للأمام= صحصح يا أبو عمار والمعنى على سطح القمر
البارق اللي لاح ما ظني معه ينشا الغمام=للطايره طيار والمعنى على سطح القمر

[الطائر المهاجر]

بعض الغيوم ولو ترى عجاج من فوقه جهام = ماينفع الاطيار والمعنى على سطح القمر
منشا السحاب اللي تراكم لو صعيب الافتهام = نظرته للأخيار والمعنى على سطح القمر

هههههههههههههههه

طيب طيب يا شايبنا

أسمع

الظاهر انه من على راسك من الطرقة عسام= بندق بدون عيار والمعنى على سطح القمر
الذيب يقنب في الجبل وانته سكنت ام الحمام=لا تحترق بالنار والمعنى على سطح القمر

[الطائر المهاجر]

والا انت اشوفك شايل سيفك وفي الحرب احتدام = تحرب مع الانصار والمعنى على سطح القمر
هرج المفاطح لا يجي اركد وفكر في الكلام = دور على المسيار والمعنى على سطح القمر

يا لأجودي يا ابو شنب ياصاحبي يا ابن العظام=وشبك معي محتار والمعنى على سطح القمر
لو اني احدك على درب الجلد والألتحام= تلعبك الأزيار والمعنى على سطح القمر

صح لسانك مليون يا شايبنا .. حط بيتوك وصح لسانك مقدم

نلتقي في ملعبه اخرى على خير

انشهد انك تشرح الخاطر .. والعب معك ينومس

كفو يالقرم كفيت ووفيت ..

والسموحة .. كان جاء في العلم علم

يعلم الله انك غالي .. حيل حيل

تحياتي لك ولكل من مر من هنا ..

ولو بصمت ..

أخوك محمد الأسمري

[الطائر المهاجر]

لا وين رايح يا رفيق الشعر ماهذا الختام = يافطحل الاشعار والمعنى على سطح القمر
كل العلوم الغانمة منك تمام في تمام = يالعمدة المختار والمعنى على سطح القمر

لاهان راسك يالغالي
ومشكور على اتاحة الفرصة لي للتعلم
طابت اوقاتك بكل خير
تحياتي