كل واحد يحط في اللي قبله بيت شعر <<<< للشعراء

[سناعيس]

هههههههههههههههه
الحمدلله جتني الفرصه
تحملي ما يجيك

ياشموخ سدير لو تكثر هروجك=الفطاحل كلهم مايكرهونك
وان سكنتي يالبنيه في بروجك=بالمدافع والقنابل يقصفونك
لويصير سدير كله فوج فوجك=مافزعولك ومن بعيد بيرقبونك
لين يظهر دمك احمر مثل روجك=وان رفعتي رايتك مايرحمونك

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
لاتصدقين عاد وتفزعين أهل سدير ثم عاد أول من يبي يكمخني المدام
لكن عاد هذي فكرتك وتحملي نتايجها
لك كل الود والتقدير يابنت الأصل والعفه

[شوق]

هذي شموخ سدير بنت(ن) لاهلها=فيها جمال الروح زاين وضافي
مايوم مر وراح شفنا زعلها=بشوشةٍ مع قلب أبيض وصافي

[شوق]

يبدو اننا تساقطنا ياسناعيس على شموخ سدير

وتصادمنا على غير قصد

هههههههههه

[سناعيس]

مايخالف كان عندك تأمين مافيه مشكله
والا كل يصلح سيارته هههههههههههه

شموخ سدير

مشكورة فديتج يالغاليه ولاهنتي

,’,’,’,’,’

عساها ابرك الساعات يوم اشوف قدامي

شوق عتيبه تنوّر فطاحلة الشعر تنوير


^___^

[شوق]

سناعيس سيارة اخوي لازم تصلحها

قبل يشوفها وماعليها تأمين أنا ماعرف الورش

<<<< بنت والله ماتعرف وش القير من المكينه هههههه


يسلموووووووو عزوة أبوها على البيت

[شموخ سدير]

مشكوره حبيبت قلبي شووووووووووووووووووق الله لايخليني منتس ياوخيتي ومشكوره ياقلبي على التفاعل

وسناعيس بإذن الواحد الاحد انا ماقدر اكتب فيه لان اللي طلع معي وشفتوه مدري وشو

بس اذا كان شعر وصار بيتين على بعض والله مدري <<<<< ليه ماعلقتوا على البيتين لان ابي رايكم انفع احاول في الشعر والا اخليه لاهله بس هههههههههههه

وسناعيس لازم اتوسط وابعث برقيه لابوي عشان يحط فيك ابيات والله بس خوفي ان احد يزعل والا ان كان سويتها





هلا بعزوة ابوها حياتس الله وانورتي المكان يالغاليه

[سناعيس]

شموخ سدير
أبياتك كبداية ممتازه
بس يبغى لك التزام بالبحر
وحاولي اذا بغيتي تكتبين شعر أن تغنيه بينك وبين نفسك فاذا لم يكون شطر أطول من الشطر الآخر وحدث التناغم فسوف تكون القصيدة صحيحه ويفضل عدم تشابه القافيه بين الصدر والعجز
وترى الشعر وانا خوك ليس صعبا زي ما يتوقعه البعض وما ينقص الشخص هو الثقة بنفسه فقط
وشكلنا بنبتل نهجيك لين تتعلمين وتصيرين انت التي نعلمها الرماية لين ترميننا الله يكفينا الشر ههههههه

أما أنت ياشوق بعد ماصدمتيني لا وسارقة سيارة أخوك بعد
استلمي أجل :

يامرحبا ياشوق يابنت أبوها=انا اشهد انك من خيار الغنادير
بنت على العفه أهلها ربوها=هي من سلايل روق رجال مناعير

الاصل شمر والعزاوي سناعيس=واسمك سليمان السكيبي ولاهنت
زبونها من فوق حر مضمر=لكن اقول ارفق شويه على البنت

[سناعيس]

الله يجزا جزا بالخير=عن كل كلمه يفوه إبها
يقول قوله بلا تشفير=وكبد الحقيقه يصوبها
قافه تميز واحسه غير=وكل المشاعر يذوبها
ماخانه الحرف والتعبير=وكل القوافي يلعبها