العيد جانا وكل عامٍ بنقصان

[الخنساء]

العيد جانا وكـل عـامٍ بنقصـان

الضعف واضح في ذواب الهويـه

والغرب متسلط علينـا بحقـران

كل يوم والثاني نشـوف الأذيـه

جونا بخطه اسمها حـرق قـرآن

من بعد ما سبوا رسـول البريّـه

صح لسانك مليوووووون
قصيدة اجبرتنى للعووووووودة

[عبدالإله]

الله الله على هذه الدرة الثمينة

كل بيت يغريني اكثر من الاخر

صور مفعمه بالحب ومشاعر ملغمة بالحزن وترويض للقافية

فن لا يجيده الا الكبار مثلك يا دكتور

صح لسانك مدد بلا عدد

[الطامي]

الطائر
صح السانك
رائعة جدا
لاهنت اخي

[محمد بن عمار]

	السلام عليكم هلا وغلا / اخوي المهاجر صح لسانك وجاد بيانك لاهنت ولاهان غاليك تحيتي وتقديري محمد بن عمار

[سناعيس]

صح لسانك وبيض الله وجهك يابو عبدالله
لا يهمونك لاغرب ولاغيره وعسى راسك سالم
وَإِذْ يَمْكُرُ بِكَ الَّذِينَ كَفَرُوا لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ…(لأنفال:30)
تحياتي

[عبير الورد]

المشاركة الأصلية كتبت بواسطة الطائر المهاجر

العيد جانا وكل عامٍ بنقصان= الضعف واضح في ذواب الهويه
والغرب متسلط علينا بحقران= كل يوم والثاني نشوف الأذيه
جونا بخطه اسمها حرق قرآن = من بعد ما سبوا رسول البريّه
خلو بطلها قس مشبوه بجنان = يمكن يبي تكريم مثل البقيه
يوم كرموا الرسام في دار الالمان= واعطوه نيشانٍ بفعل الدنيه
ويمكن يبي شهره وذا فيه قولان= فيمكن موجه من عقولٍ غبيه
تبي تجس النبض بديار الايمان = وتبي تسمسر كود تقبض هديه
امن الشيوخ اللي لهم بالأمر شان= ولهم كنوز راهياتٍ عليه
ويوم قبضوا قالوا نقايض بميزان= تلغون مسجد قد نويتوا بنيّه
حول مركز التفجير تعلون الاركان= وانتم ورا التفجير ياليعربيه
وكل الوثائق تثبت بغير بهتان= انهم هل التفجير واهل الرديه
شهادة من بعضهم خير برهان = بالصوت والصوره ولا به مريه
فمن قالوا انه يحمل اسماء عربان= لازال حي وجاهلٍ بالسويه
ومادام حنا بضعف في كل ميدان= تلصق بنا التهمه على ادنى قضيه
ياواثق بالذيب يقرب من الضان= لو هو تبسم فيه خبث الطويه
عدو جدك مانسى كسر صلبان= وتحطيم فارس والجيوش العتيه
وبسط النفوذ بشرقها لين تطوان= والأندلس معها بدوله قويه
بنت حضاره كلها عدل وايمان= وساد الأمان ربوعها والبريه
ومنها خذوا علمٍ بلا اية اثمان= لين وصلوا للمجد في سوء نيه
ثم انكروها يوم ضعفت بجحدان= واستقصدوها بالتهم والأذيه
ما اشره عليهم دام حنا بنقصان= اشره على اللي يرتجيهم رجيه

صح لسااااااااااااااااااانك ملايين
سلمت وسلم منطوقك الجزل
ربي يعطيك العافية

[عبيد دعيع القلادي]

ابو عبدالله

فعلاً هذا واقعنا المرير

وتفرقنا جعلهم يستهزون في ديننا

صح السانك وعتلا شانك

كل عام وانتم بخير وسلامه

[داعي الشوق]

العيد جانا وكـل عـامٍ بنقصـان

الضعف واضح في ذواب الهويـه

صح لسانك

ولاهنت

[عبدالعزيز العمار]

صح لسانك يالطائر وجاد بيانك

وكل عام وانت بخير وصحه وعافيه

تحياتي

[صعبة المنال]

والغرب متسلط علينـا بحقـران
كل يوم والثاني نشـوف الأذيـه

صح لسانك

صعووب