في عام ميه بعد الالفين...

[حي الضمير]

هههههههههههه خذتني الهواجيس وتحمست مع القصه
رائعه حيل يابوعبدالله وسلم فكرك وقلبك
ومدد صح لسااانك

[فارس القوافي]

هلا بك يالعود

صح لسانك

خيال واسع وحرفنة في الوصول للاهداف المنشودة


لاعدمناك

يعطيك العافية

دمت بخير

[عبير الورد]

المشاركة الأصلية كتبت بواسطة الطائر المهاجر

في رحلةٍ انوي بها دار مشعان = كريم سبلا ما يعرّف جنابه
في اوسط الصمان من قبل شقران = ومن بعد خطٍ ينتهي ف اللهابه
ومن بعد ما عديت حيزا وسوبان = ضيعت دربي ماحسبت لحسابه
وادخل بوادي مابه انسٍ ولا جان = من يدخله مفقود ضاع الرجا به
واشوف لي شايب محرول وعميان= وظهره مقوس تقل قوس الربابه
ابيض جفون ومنخره تقل شكمان = او مثل غار انسد بالشيب بابه
عليه ثوب شاسفٍ تقل قرصان = يموت لو عضه شديد الذيابه
رافد حصاة ومنثني تقل نعسان = وجالس يهيجن ما على القلب جابه
وابدا اتسمع له ونا حيل تعبان = والعصر مقفي خايفٍ من غيابه
يقول : عمري راح في هم واحزان = ومن شاف شيبي قال واحيسفابه
ونا شبابي ضاع مع جملة الضان = ومن عاند التيار يخسر زهابه
لكني ادري وش يجينا من ازمان= لو ان ما اقوله يثير الغرابه
في عام ميه بعد الالفين ..بركان= يدمر اوربا من حريق التهابه
ولا عاد به نفطٍ ببحر وقلبان = ويعيش فيه الناس حزن وكآبه
والخلق يصبح بين جايع وعطشان= والموت يخطف ف العرب في رتابه
وتنشا بجزيرتهم حبيبات رمان= الواحده تشبع جميع القرابه
ويصير منها الرجل في قوة حصان= يعمّر الاف سنين مابه عيابه
ويعطيه ربه قدرة فوق ماكان= يشعق بلا جنحان فوق السحابه
ما يكشفه رادار من صنع الالمان= ولا ياصله صاروخ يثني ركابه
يستعمرون الارض من شرق يابان= حتى اقاصي الغرب سهل وهضابه
واللي يعاديهم فلا شك خسران= مهما سلاحه كان ماله مهابه
حبه وحيده تدمر اوطان واوطان = وتترك بلاد اللي يعادي خرابه
ويسخرون الجن في كل ميدان = فلا فيه داعي للخدم والحجابه
ويحولون الرمل انهار بالوان = وانواع ما تحصى لذيذٍ شرابه
هذا حليب وذا من الكيف صنفان= وهذاك ماءٍ عذب سهل انسيابه
واقرب من الرجال والقلب وجلان= حكيه كبير وصرت اشك بصوابه
واثر الرجل ميت وثوبه له اكفان= ومسجلٍ جنبه يدور بخرابه
مثل العرب في قولهم كان ماكان= واليوم صاروا للحصاني نهابه

الله الله


عرفت بالابداع والتمكن الشعري

صح لساااااااانك ملايين

سلمت وسلم منطوقك الجزل

ربي يعطيك العافية

[نجم الإبداع]

الله الله

صح لسانك وفكرك يابو عبدالله

تقديري

[المحيط الهادي]

ابو عبدالله فالك طيب

صح لسانك

[عبدالعزيز ابراهيم المنصور]

الطائر
نص من بلاد العجائب
صح لسانك فكرة مبتكرة
سلمت ولاهنت
دمت بخير

[الــحـــر]

صح لسانك وبيض الله وجهك
قصيدة جزلة
تحياتي

[حنان الكون]

رائعه جدا صح لسانك
دمت بخير

[صنداح الزلامى]

صح لساااااااااااااااانك واعتلا شاااااااااااااانك


قصيدة معبرة وتحكي شي في داخلك

[هاوي نجد]

صح السانك يالطائر ملايين
كتبت فابدعت ونضمت فامتعت
تقبل مروري وتحياتي