عجاج الرياض ..

[نسناس الهوى]

ويلي يابن منشار انصى الديارا = ليما تهلّ المزن عذب الهدارا
وارقب حسين الدلّ بين العذارا = هفهف مع النسناس طيفه وظله

[منيع]

طار الغبار ودق بالهجس طارا=وتواردت بعض الخواطرتبارا
وكل على ليلاه رنع اوتارا=والشعر طاب وطاب بالحيل زجله

[نجم الإبداع]

الله عليكم ياهل قافٍ انارا = مكنون كنه جوهرٍ في محارا
مثل الذهب موزون فيه العيارا= خل الحداثه شمسها مضمحله

[منيع]

الليل روح والعواصف تبارا= تقول كنه عازف لي غتارا
في ديرة مابها دناعه وبارا=الشرع فيها واضح بالسجله

[الطائر المهاجر]

اعصار هز البيت حتى الجدارا = من كثر صدماته حري انهيارا
ماتسمع إلا صوت مدفع بنارا = وحرب ضروس وانية غير عجله

[نسناس الهوى]

ذا دار طير ٍ حايم وله مدارا = يمشي وعجّ الليل ماجا خسارا
ينثر هواه اللي تصدا الغبارا = جزل ٍ ليا منه نوى القاف تله

[الطائر المهاجر]

باسباب سقف للمواتر ستار = شراعٍ بصوت القنبله ما يجارى
يطير نومي جاهل ويش صارا = اخاف هالعاصوف يرمي المظله

[ابو صهيب]

آيه من آيات الولي الصغارى = تذكركم المحشر والايام عجله
انت استعديت لسؤال يحارا = فيه الفهيم ويفطر القلب لاجله

[الطائر المهاجر]

ابو صهيب وبيضة الديك ثارا = لقى المجال وقام ياعظ نهارا
من الغبار انحاش خلف الجدارا= والذكر للي ماعترف يوم بالله

[منيع]

مطوع نجدي طلع من خيارا=يوعظ وهومتلثم بالغتارا
ياشيخ ياللي لك علوم كبارا=وصلت معلومك ولافيه لله