وُدي نعيش آحباب .. ونمـوُت عشّـاق ...

[حرف وشعر]

المشاركة الأصلية كتبت بواسطة عبدالله راشد الثويني

دام النهايه كلـّـها .. [ ضيم ./. وفراق ]=وش له تزيد الطين يازيــن .. بلــّه
عليك ثوب الحزن ، والهمْ ... مالآق=تكفى طلبتك طاري الحـزن .. خلـّـه
العمر لحظه / بعدها تجفْ .. الآريـاق=مابي نعيشه بين [ ليت / ولعلـّـه ]
عند الوليّ ياشوق / تقسيم الآرزاق=من دون عــطفه ؟ دربــنا ماندلـّـه
ياكثر منهو من شقــا دنيـته ، ضااق=وإن ضنْ [ ضنـّـه ] مايجي في محلـّـه
كثر الشقا ماقد حجب ضوُ الإشراق=ماوقـّـف الساعات من زاد .. غلـّـه
مـيـر أبتسم يـاجعل الافراح ، تنساق=وإن ضـقت ؟ ربـك ياغنـاتي يحلـّـه
الـورد .. مايشريه من ينظر الساق=لا شاف شوكـه ؟ عاف طِـيبه ، وملـّه
حذرا تقول العمر .. ماعاد ينطـاق=لا زاد حرّه ، فـِـزْ .. وإنعـم بظلـّــه
وآقـبل على اللي حافظك وسط الآعماق=[ والهمْ ] .. سـيفه طالبك .. لا تسلــّـه
وُدي نعيش آحباب ، ونموت عشـّـاق=لجلك وربي .. مرخص العمر كلـّـه
مابين نظرة حُـبْ ،، همسات ،، وعنـاق=من جـفْ .. ريقه .. بالمحبّـه .. يبلـّــه
الحـُـب [ مجنونه ] سِـما فوق الاخلاق=من لآم مجنون الرموش المظلـّــه ؟
والحـُـب ؟.... أكبر من خرابيش الآوراق=من حبْ .... مايسعى ورى كل زلــّـه
والحُـب؟.... ماينلام به كل .. بوّاق=يفوز به منهو سرق قلب خلـّــه
والحـُـب؟.... فسحه من شقا الوقت ورواق=لا هبْ عاصوف الكدر .. مايفلـّــه
والحـُـب؟.... ماينباع في وسط الاسواق=يجي كذا يانور عيني .. من اللــه
وإنت الوحيد اللي له القلب ، توّاق=طيفك سكن في خافقي وإستحلـّــه
تعال يلي دونك القلب .. ماراق = والهمْ ، سيـفه طالبك .. لا تسلـّــه
وُدي نعيش آحباب .. ونموُت عشـّـاق = لجلك تراني .. مرخـص العمر .. كلـّـه

السمح عبدالله الثويني

تبارك الله علي هذا الحضور الرائع

واقتباسي للقصيده بنصها

كفي عن اي تعليييييق

دمت شامخا

[الطائر المهاجر]

سلمت
وصح لسانك
جزلة من شاعر متجدد الإبداع
لاهنت
تحياتي

[سناعيس]

المشاركة الأصلية كتبت بواسطة عبدالله راشد الثويني

الحـُـب [ مجنونه ] سِـما فوق الاخلاق=من لآم مجنون الرموش المظلـّــه ؟
والحـُـب ؟.... أكبر من خرابيش الآوراق=من حبْ .... مايسعى ورى كل زلــّـه
والحُـب؟.... ماينلام به كل .. بوّاق=يفوز به منهو سرق قلب خلـّــه
والحـُـب؟.... فسحه من شقا الوقت ورواق=لا هبْ عاصوف الكدر .. مايفلـّــه
والحـُـب؟.... ماينباع في وسط الاسواق=يجي كذا يانور عيني .. من اللــه

الله الله
عبدالله الثويني
صح لسانك ولله درك
روعه وجزاله
لاهنت يالغالي

تحياتي

[عبير الورد]

سريت قلبك يم قلبـه وسريـت
شوق الغرام الي لقلبـك تبلـى


ابداااااااااااااااااع يستحق العووووودة
صح لساااااااااااااااانك ملايين
لاهنت يعطيك الف عافية

[عبدالعزيز ابراهيم المنصور]

السمح
الشاعر عبدالله الثويني
نص رائع
سلمت ولاهنت
دمت بخير

[الشريف الشرّقي]

حسبك الله ياعبد الله .. بأي ذنب تقتلنا ؟!

[عبدالله راشد الثويني]

المشاركة الأصلية كتبت بواسطة حي الضمير

صح لسانك شاعرنا الرائع الثويني
قصيده رائعه وابدعت بارك الله فيك
أجزل التحايا والاحترام

صح بدنك ياعزوتي
سعيد بتواجدك
كل الشكر ولا هنت
وتقبـّـل تحيتي

[عبدالله راشد الثويني]

المشاركة الأصلية كتبت بواسطة الطامي

الثويني
صح السانك ملايين
جزلة وطيبة
لاهنت اخي

حياك الله ياعزوتي
وصح بدنك ولا هنت
لا تحرمنا من هالطلـّـه
تحيتي

[عبدالله راشد الثويني]

المشاركة الأصلية كتبت بواسطة محمد بن عمار

السمح صحححححح لسانك وهذي رجاحة من عندي  لولا الرجاء ما صار به بعد وافراق & ولو الأمل ماعاد خل لخله ،،، تحياتي

صح بدنك ياعزوتي
وصح لسانك على هالبيت اللي يعدل قصيده
ولا عدمنا طلـّـتك
تقبـّـل تحيتي

[عبدالله راشد الثويني]

المشاركة الأصلية كتبت بواسطة منيع

ياسلام عليك
ابدعت ياالسمح وكنت اكثر تسامحا في محبتك
تسلم
تحياتي لكم

الإبداع منك وفيك ياعزوتي
ومانحن سوى قطره في بحوركم
تسلم على مرورك ولا هنت
وتقبل تحيتي