الانسان مهما طال عمره إلى الفنى

[سناعيس]

صح لسانك يابو عبدالله
وبيض الله وجهك
جزله من شاعر جزل
لاهنت

تحياتي

[منيع]

مبدع وجزل
رعاك الله بلطفة
تحياتي وتقديري

[حوريه]

ابداع وامتاع

بوح رائع

واحساس جميل

دمت ودااام نبضك
0
0

[عبدالعزيز العمار]

من شان ياصل بعد ما كان في الدنا
.......................ويدعس على عيال الأصل والحمايل
يبطش بسيف العم والعم ف الهنـا
.............................م اهوب داري مركـبٍ بـه تمايـل


احسنت يالطائر وصدقت ياشاعر الحكمه

ابداع يفوق الوصف من شاعر قدير ومتمكن

صح لسانك وفكرك ولاهنت

تحياتي وتقديري

[احمد الجريفاني]

مغايرة يادكتور مادري شلون ذكرتني الشعر الاندلسي والهلالي بنفس الوقت لك الود

[ضاامية الود]

المشاركة الأصلية كتبت بواسطة الطائر المهاجر

الانسان مهما طال عمره إلى الفنى = ولا ينفعه جاهه ولا مال طايل
فكم من فقيرٍ راح ما حصل المنى = وكم من غنيٍ يوم شد الرحايل
فالباقي الله منبت الخير والجنى= وكلٍ بها الدنيا فلا شك زايل
ومن لا اعتبر بالغير بالعقل ما اهتنى= وش فايده من جسم والعقل مايل
تخادع بنا الدنيا وكلٍ لها انحنى = مثل مهرةٍ تغوي بسمر الجدايل
ونطرد وراها كل يبغى بها الغنى = وما فكر انه في سرابه يخايل
ينافق ويكذب ما تحسس من العنا= ميّت ضمير مجاهرٍ بالفعايل
من شان ياصل بعد ما كان في الدنا= ويدعس على عيال الأصل والحمايل
يبطش بسيف العم والعم ف الهنا = ماهوب داري مركبٍ به تمايل
ولا من بدا يغرق يدور عن الضنا = والكل غافي ما يبي للقوايل
يحاول بجهده غير مافاده الجنا= والريح هبت من يمين وشمايل
من لا احتزم برجال بالشر يؤذنا= وما ينفعه من كان للطبل شايل
كذوبٍ بمدحه للحقد دوم يدفنا = ولا من لقى فرصه بدا به يذايل
عليه بضميرٍ حي ما يعرف الغنا = شجاعٍ صدوقٍ ما خبر بالتحايل
اذا من عطاه النصح ينفعه ف الدنا= ويلقى ثوابه يوم تحصى العمايل

انا اشهد الله الله

صح لسانك وفكرك وقلبك ياابو عبدالله


شهدتي فيك مجروحه

تحياتي وتقديري لبوحك

[الـزلـزال]

الطائر المهاجر

نص مميز ومتقن وهادف
من شاعر متميز ورائع في كل مايقدمه لنا
أبدعت وأمتعت طائرنا الراقي المميز
حلق بشعرك ولنا الأستمتاع بحروفه
صح لسانك ملايين ملايين
ولك فائق تحياتي وتقديري

[صعبة المنال]

ينافق ويكذب ما تحسس من العنـا

ميّـت ضميـر مجاهـرٍ بالفعايـل

صح لسانك

صعووب

[بيدي رسنها]

الله الله عليك يالطائر المهاجر .. صح لسانك وسلم عمرك وحرفك .. قمة الابداع عندما يقدم الشاعر درر من النصايح لكي يستفيد منها من يزور هاالطرح الشامخ .. لا خلا ولا عدم شاعرنا القدير .. وكاعادت حرفك الجزل يمتعنا عندما ننظر ونقراء الى جمال مارسم وكتب من معاني .. لاهنت طال عمرك .. تحياتي الطيبة

[الخنساء]

صح لسانك اخى الشاعر الطائر


قصيدة جزلة من شاعر متمكن حكيم

صدقت ولكن من يطبق ذلك

سلمت ودام حرفك