أبوأنس/الشرقي .. والقوافي المشبوهة !!

[ابو زياد]

الله لا يهينك ياسناعيس
بعض مماعندكم
صح بدنك

[ابو زياد]

بين الملز والفوطه =جاني غزال ينطط
جديلته مربوطه=والملح منه يبطط
طويلة ممطوطه=ريحه زباد يعطط
تمشي وهي مبسوطه=تشيلنا وتحطط
فمها كما البلوطه=وشفاهها تتمطط
وخديدها كالقوطه=والزين فيها ملطط
فيها حلا وحنوطه=كنها حلاو مقطط
ابياتي المخلوطه=جتكم بدون مخطط

[سناعيس]

لقد مطمطت قلبي أيها الرائع
لله درك

تحياتي

[ابو أنس]

الجادل الشمحوطه=منها قليبك نطط
وسلوكه المربوطه=ماعت غدت تتمطط
والحب هذي شروطه=حكمه يميل وشطط
امالسعك بسوطه=والا شلعك وحطط
لو شفت راعي الغوطه=جاك البلا يتقطط
به خلطتن مضبوطه=كل الحلا به حطط
من شافه ارخص نوطه=حطط وزاد وخطط
احفى الكفر وجنوطه=وغالي الدراهم بطط

[سناعيس]

أسأل الله الذي جعل حبكما في القلب يبطبط
ان يرحم والديكم ولايهينكم
امتاع الى حد الإقناع

متابع
تحياتي

[من آل البيت]

للرفع

رفع الله قدركم

[سناعيس]

ياسعد وينك وقل لي تكفى=الشريف الشرقي وين دياره
يابو أنس له مدة من اقفى=عساه طيب قل لنا أخباره
الكل منكم للقوافي اضفى=جزل الكلام اللي طفته به ناره
طال الغياب اللي لكم ما اعفى=قلوب بسبب غيابكم محتاره

[محمد عبدالله البدراني]

صحت الالسن جميعا استمتعت بما قراءت


وهاهو سناعيس يعيدها جذعه

فأين ابو انس


حفظكم الله وسدد خطاكم

تحياتي

[ابو أنس]

المشاركة الأصلية كتبت بواسطة سناعيس

ياسعد وينك وقل لي تكفى=الشريف الشرقي وين دياره
يابو أنس له مدة من اقفى=عساه طيب قل لنا أخباره
الكل منكم للقوافي اضفى=جزل الكلام اللي طفته به ناره
طال الغياب اللي لكم ما اعفى=قلوب بسبب غيابكم محتاره

أضفى حضورك ياولد ما أضفى=واحييت عهد(ن) قد خبت انواره
تنشد عن الشرقي او وين اتخفى=حنّا فقدنا طلته واشعاره
ياخوفتي انه قعد يتكفى=قاعد على كيبورده والفاره
يطرد ورا سوق الفلس ماوفّى=يبي سداد الدين والسياره
والى شرا سهم(ن)وقع واتوفى=حتى تردت حالته واخباره
او يمكن انه في الهوى ملتفّى=قد حط له شقّه لجل مسياره
يمشي صباحه للعمل وايلفّى=توقيعه الثاني سبب اعذاره
ان عز به ملفا لقى له ملفى=من وين ما يبغي يلف الطاره
لكن عليه الحق جزل وصلفى=ان ما حضر وابدى لنا وش كاره

[سناعيس]

هههههههههههههه
صح لسانك يابو أنس ولا هنت
اجل مادام الرجال عنده كل الاعذار
الله يكون بعونه وعون الجميع وانت والحاضرين فيكم الخير والبركه
لتكملة هذه القوافي التي آمل ان تستمر

لاهنت

تحياتي