ثلاثه والرابع عليك !!!

[ترانيم المطر]

المشاركة الأصلية كتبت بواسطة بعيد المدى

جيتك على متن السحاب المظلي=نفسٍ هواها شم ريحة اثيابك
مشتاق لي عاد كيف انا ذبت كلي=تكفين لو غبت لا تْنسين لأحبابك

قالوا عليله قلت والله تعلقت = العله إنه في ضميري فتني
حبه تمكن داخلي ماتحملت = ......................................

[حمود السكراني]

قالـوا عليلـه قـلـت والله تعلـقـت=العلـه إنـه فـي ضمـيـري فتـنـي
حبـه تمـكـن داخـلـي ماتحمـلـت=تقول لابسني من الحب جني

اتعبتني بالحب ياناعم العود=أركض بثركم وانت مقفي ومنحاش
متى يروف القلب بالترف وتعود=------------------------------

[شجون القصيد]

اتعبـتـنـي بـالـحـب يـانـاعـم الـعــود

أركـض بثركـم وانــت مقـفـي ومنـحـاش

متـى يــروف القـلـب بالـتـرف وتـعـود

مادام قلبــي واردك بالغــــلا كـــــاش


.................


القلب عقبك ماتهنا ولا يوم

ولاعاد له بالكون ياشوق حاجه

لارتاح في زاده ولا التذ بالنوم

...................

[ترانيم المطر]

المشاركة الأصلية كتبت بواسطة شجون القصيد

القلب عقبك ماتهنا ولا يوم

ولاعاد له بالكون ياشوق حاجه

لارتاح في زاده ولا التذ بالنوم

والقلب عارف ضيقته من خراجه

محد يعوضني غيابه إليا غاب = الشوق طاغي والمشاعر سباها
أنشهد إنه حايزن كل الإعجاب=................................................

[حمود السكراني]

مـحـد يعوضـنـي غيـابـه إلـيـا غــاب=الـشـوق طـاغـي والمـشـاعـر سـبـاها
أنشـهـد إنــه حـايـزن كــل الإعـجـاب=سبحان من لم القلوب وحباها

جيتك على الميعاد يدفعني الشوق=مشتاق لك بالحيل ياشوق مشتاق
افتح لنا قلبك ترى القلب محروق=----------------------------------

[ترانيم المطر]

المشاركة الأصلية كتبت بواسطة بعيد المدى

جيتك على الميعاد يدفعني الشوق=مشتاق لك بالحيل ياشوق مشتاق
افتح لنا قلبك ترى القلب محروق=يشتب من بين المعاليق حرااق

يسعدني حضوره ولازم نحييه = وأسج بالقيفان وأقول حياه
مبدع بعزف إحساس محدن يضاهييه=...........................

[حمود السكراني]

يسعدنـي حضـوره ولازم نحييـه=وأسـج بالقيفـان وأقـول حـيـاه
مبدع بعزف إحساس محدن يضاهييه=انا اشهد انه أشغل القلب وحياه

عطني من الاحساس مايطمن القلب=خل المشاعر في هواكم تطمن
دامك مخاويني على سكة الحب=----------------------------------

[ترانيم المطر]

المشاركة الأصلية كتبت بواسطة بعيد المدى

عطني من الاحساس مايطمن القلب=خل المشاعر في هواكم تطمن
دامك مخاويني على سكة الحب=كل المشاعر في عيون تومّن

جاك الطلب واللي تبي منهم جاك = أطلب عسى كل المخاليق تفداك
لا يمهك اللي بالخفا عننا يحاك=.................................................

[حمود السكراني]

جـاك الطلـب واللـي تـبـي منـهـم جــاك=أطـلـب عـسـى كــل المخالـيـق تـفـداك
لا يمـهـك الـلـي بالخـفـا عنـنـا يـحـاك=عسى جميع اللي زعل فدوة ارضاك

بعد العنا فليت عندك شراعي=يابحر خذني في مجاهيل موجك
ماعاد لي في حبهن اي داعي=----------------------------

[ترانيم المطر]

المشاركة الأصلية كتبت بواسطة بعيد المدى

بعد العنا فليت عندك شراعي=يابحر خذني في مجاهيل موجك
ماعاد لي في حبهن اي داعي= أنت الأمل لو بعتني في حراجك

قال جيبي لي عن الفرقا قصيده = كل شعرك عن رحيلن ما نريده
خايف أنه من رحيله ترجينه=.............................................