كشكول ابومياس

[ابومياس]

المشاركة الأصلية كتبت بواسطة صعبة المنال

لو قلنا صقيع ما نوفى قليل على الاحساس




رطوووووووووووووووووووووووووووو وووبه صدينا


قول الله يستر لاخر اب الللهاب استوى العنب والتين واحانا قبلهم بعد
انت شفتنى فى الخيمة ليش انت مدير التعليم هههههههههههههههه

اجل جونا مولع نار

ماتقدر تطلع مترين بالشارع

وحر جاف صيفا وبالشتاء الله العالم بالحال

مستنين وقت الفرج وتخف الحرارة شوي

اتخيل نفسي اني هناك يوم الكفشه

[الطائر المهاجر]

اليوم بدأ آب
وفيه تلتصق ..... بالثياب
فهو ليس طباخ التمر ولكنه طباخ الأوادم

[ابومياس]

المشاركة الأصلية كتبت بواسطة الطائر المهاجر

اليوم بدأ آب
وفيه تلتصق ..... بالثياب
فهو ليس طباخ التمر ولكنه طباخ الأوادم

صرنا دجاج مضبي يابو عبدالله

الله يعين بس ويونها

[ابومياس]

موقف لن انساه

قبل اربع سنوات سافرت انا والعائلة الى المغرب طبعا كالعادة في فصل الصيف

مافيه حجز على الخطوط السعودية 0

حجزت على طيران الخليج وكان مخطط سير الرحلة الرياض ابوظبي اقامة ليلة هناك ثم البحرين

ثم كازا - سارت الامور في الذهاب كما هو مخطط له بدون اي مشاكل

ولكن ماحدث كان بالعودة 0 اقلعت الطائرة من هناك الساعة الثامنة صباحا

من مطار محمد الخامس بالدار البيضاء متجهين الى البحرين

كان المقرر ان تتوقف الرحلة لمدة نصف ساعة فقط ثم الاقلاع مرة اخرى 0 الى ابوظبي

ولكن ماحصل انهم في المطار قالوا الطائرة كبيرة وعدد الركاب قليل

لازم نغير الطائرة 0 لطائرة اصغر منها 0 من هنا بدت المشاكل

نزلنا من الطائرة على ساس يعطوننا بطاقات ترانزيت

سالوني عن بطاقة صعود الطائرة قلت لهم بالطائرة قالوا ماراح نعطيك بطاقة ايش درانا انك مسافر

ترانزيت قلت لهم مو مشكلتي ذي مشكلتكم انتم قالوا رح طيب للمقعد اللي انت جالس فيه

وهات لنا البوردنق 0 قلت لهم ما رايح اروح وانا الان ابي المشرف المناوب على المطار

احتد الكلام بيني وبينهم 0 وبد شوي اتصلوا بالمدير المناوب وحظر وقلت له السالفة

قال لي انا اسف وخذ هذي بطاقة الترانزيت 0 قلت له الان لي اكثر من ربع ساعة موقفيني هنا

انا وعائلتي وبالاخير اسف -0 قال ايش بس تبي طلع المدير ولد حبوب

ومهذب قلت الله يسامحكم 0 صعدنا للطائرة ننتظر الاقلاع بعدها اعلن الكبتن على جميع الركاب تفقد العفش

ايش السبب قالوا فيه راكب المفروض انه يطلع وماطلع بالطائرة وعفشة موجود 0

نخاف انه يكون فيه شي 0 قلت شي جميل 0 بس تعطيل 0 بعد ساعتين من الهبوط اقلعت الطائرة بنا الى

ابو ظبي وهناك اخذت لميوزين وذهبت للفندق 0 وموعد الرحلة الساعة الثالثة عصر غدا الى الرياض

المهم الساعة الثانية عشر ظهرا نرتب الحقائب وطلعت الجوازات والتذاكر بس جوازي ماهو فيه

ادور يمين شمال اقلب الجناح فوق تحت مافيه فايده 0 اخر شي قلت للاهل انتم اطلعوا للرياض

وانا ابغى اروح للبنك لاني رحت اصرف قروش من البنك قلت يمكن انه هناك 0

وصلت الاهل للمطار 0 وانا رجعت 0 دورت الجواز ولكن لم اجده 0

بلغت السفارة والشرطة 0 والسكن ما قدرت احصل سكن لاني مامعي اي اثبات جنسية 0

بعدين السفرة ارسلت فاكس لفندق وسكنوني فيه والصباح بدأت رحلة اجرات استخراج

مذكرة مرور من السفارة ولازم امر على اقسام الامن والجوازات بابوظبي

خلصتها الساعة 3 العصر وذهب للاعلان بالجريدة 0

وجيت السفارة 0 وحصلتهم جاجزين لي بفندق خاص بالسفارة

تعرفت على سكرتير القنصل واخذني معاه الى الفندق 0

وباليل مر على وطلعت انا وياه الى مقهى تعشينا فيه 0 وجلسنا الى الساعة الثانية عشر

وباليوم الثاني ذهبت للسفارة واخذت تذكرة المرور

وذهبت للمطار ماصدقت على الله اني اركب الطائرة 0

ويوم جيت للمطار الا الجوازات باستقبالي

تعال وقع على الاوراق والتعهدات كني اكبر ارهابي والناس يطالعون لي

صرت مشبوه عموما بعد جهد جهيد طلعت من المطار وخذا التذكرة 0

بعد يومين والخارجية تتصل علي تعال محتاجينك 0 بعد اتصال الخارجية كان هناك اوراق بالشنطة

فتحت الشنطة وجو الاهل واخذوا الملابس للغسيل شوي قالوا خذ جوازك وين حصلتوه قالوا بجيب بنطلونك

اثرني يوم رحت للبنك لبست بنطلون ويوم رجعت نزلته حطوه بالشنطة وانا احسب اني لابس بنطلون ثاني 0

ماقهرني بالموضوع الا اني من فندق لفندق اترجاهم يسكنوني وهم يقولون لي وين اثباتك او جوازك وانا

اقول جوازي ضايع وهو معاي بالشنطة 0

[عذبة الطباع]

الله يعظم اجرك
والله شقى وتعب وبالنهايه بجيب البنطلون
ههههههههههههههههههههههههههه
ليه تلبس بنطلون كان خليت ثوبك عليك هههههههههههه
<<الناس وين وانتي وين
تحياتي لك متابعين هذا المتصفح

[صعبة المنال]

جل من لا يسهوا
تخيل لو زوجتك سوت فيك هذا الموقف ايش كنت بتقول لها ؟؟؟
من غير مجامله ما تخاف سرك فى بير ؟؟؟

بس موقف لا تحسد عليه


صعبة

متابعه

[الطائر المهاجر]

"وجو الاهل واخذوا الملابس للغسيل شوي قالوا خذ جوازك وين حصلتوه قالوا بجيب بنطلونك"
الكشكول مهوب للصواريخ ....ولا حتى للأرلنب ، السالفة واذكرها يومي انا وياك في طنجه
فلا الأهل معك ولا يحزنون ، والجواز كانت حاجزته ذيك اللي اخذتها مسيار

[صعبة المنال]

مسيار



صعبة المنال

[ابومياس]

الله يعظم اجرك
والله شقى وتعب وبالنهايه بجيب البنطلون
ههههههههههههههههههههههههههه
ليه تلبس بنطلون كان خليت ثوبك عليك هههههههههههه
<<الناس وين وانتي وين
تحياتي لك متابعين هذا المتصفح

احلى الكلام

يازين مرورك وزيارتك

دمتي بخير وعافية

[ابومياس]

جل من لا يسهوا
تخيل لو زوجتك سوت فيك هذا الموقف ايش كنت بتقول لها ؟؟؟
من غير مجامله ما تخاف سرك فى بير ؟؟؟

بس موقف لا تحسد عليه


صعبة

متابعه

ان شاء الله ان ام سعود ماتسويها

هو موقف تحس انك واحد بدون هوية

لكن هي تجربة 0

دمتي بخير اختي صعبة المنال