حرب المحاوره بين شعراء الفطاحلة

[الذيب]

يومك عجزت تجاري الشعار الكبار في صفصفة الكلام حولت على (الفقير الى الله ) تهزءه

انت مقدرت عل الحمار حتقدرعل البردعه ؟ (بالمصري طبعاً ) :

[الذيب]

انتم منتم ملاحظين ان سناعيس اليوم كنه بعض الناس قبل امس

[الطائر المهاجر]

وهالحين يوم طلع لك ابو طله طرف السكين رحت تدور سناعيس

ترى في الصفحة الأولى من قسم المحاورة تعليمات ،
اقرها ، وانتبه ، لا تقول ما علمتوني ...

[الذيب]

الله يهديك يامشرفنا كن مافيه الا انا متعدى على التعليمات كلما حطيت لي مشاركة طلعت علي وهددتني جاك الذيب جاك وليده
وبعدين تراي قاري رد ابوطله وانا ميت من الضحك مبسوووووط منه يعني متقبله بكل رحابة صدر :

[الطائر المهاجر]

لا... مهوب تهديد ... لكن اخاف يجي سناعيس ويجلدك مثل ابو طله بكم بيت وانت حيلتك سطر عجل تكتبته
وتحط رجلك .. وبعدين ماخبرت الذيب يخاف !! يعني افهم من هذا انك تستحمل... لابأس ..

[الذيب]

الله يقويكم انا ما ازعل ولا ابي الاعضاء يزعلون مني ككككككككلللللههههههههممممم

الا يا هل الشعر والقاف دشو داخل الساحه=انا ادعيكم واباانخاكم وكل يحضر سلاحه
لقيت الذيب ينبح زايد اليوم في نباحه =عليه احنا نبي نضحك ويرد ان كانه سنافي

[الطائر المهاجر]

الذيب ينوي المحاور بس متغطي = اشوف ياخذ ولكنه رفض يعطي
مثل الأسد في الشبه بالدار مشتطي = عينه على اللي ركض ياطيبه سنافي

[نجم الإبداع]

المشاركة الأصلية كتبت بواسطة ابو طله

الا يا هل الشعر والقاف دشو داخل الساحه=انا ادعيكم واباانخاكم وكل يحضر سلاحه
لقيت الذيب ينبح زايد اليوم في نباحه =عليه احنا نبي نضحك ويرد ان كانه سنافي

هلا والله يابو طله يابو رمعات مزاحه = اشوف البحر هادي ريّح المركب وملاحه
علام الذيب هادن عقب ماعطيتاه تفاحه= توهق في العرين وضاعت افكاره وهو سنافي

[ابو زياد]

ورى بعض العرب قاعد يزرط فالحكي زرطي=اشوف الناس مجتمعه على قاف وهو ورطي
بغى يضرب له خطيط ولكن ضيّع الخطي =توقع لا تغيرها الين تشيب ياسنافي