حرب المحاوره بين شعراء الفطاحلة

[ابو زياد]

المشاركة الأصلية كتبت بواسطة المشرف العام

انا حبلي طويل وحول عنقك رابطه ربطي
عزا الله صدقت في هذا وين تروح يبو زياد ، ابد اشارة بسيطة تروح وطي..

ومع هذا اشوفك ماسك علباه بالضبطي = توهق يوم حارش مانتبه للبط والخبطي
يكفي منك لو تشر يجيه الويل والزنطي = بتال الليل ما يدري ولايصبح وهو سنافي

الا ياللي دخل طاير يبي يقلط على السمطي= يبي ياكل من الفطحل بطقم سنونه السمطي
انا المر المرير مسبب العاهات والقحطي=تبي حقك نهلي بك يجيلك وافي سنافي

[الطائر المهاجر]

نسيت انك شكيت الحال قبلما تكتب البنطي = اجل وشلون لو يهمس ابو طله الى القرطي
بكلمه وحده تكفّي كفر يمشي بلا جنطي = دركسونك يميل وتصدم العامود يسنافي

[ابو زياد]

انا حالي عزيزة دوم و له سبطه و لي سبطي=ولا اعرف بالمسيحيه و لا اعرف شرعة القبطي
تصور وين موقعنا ..؟ مع الي فوق نصطفي = و انا للي بهم حارش.. سعوط الجن و سنافي

[نجم الإبداع]

الا ياليت من له خبزةٍ سمراء مع الأقطي= بعيدٍ وسط صحراء مابها زيفٍ ولا شطي
يريّح خاطره يسلم من الضوضاء ومالسقطي = ويسمر مع نجوم الليل ياهي راحة سنافي

[الطائر المهاجر]

من اللي حابسك فل الجناح وطير لاتوطي= ولاتشكي السحاب اللي على شموسك غدا يغطي
اعرفك ناوي المسيار فاعبر خالي الشطي= ودور لك غزال شوفتك في الليل وفي الاصباح بالورطي

[نجم الإبداع]

هلا ياراعي الحب انت صرتا قيس بلضبطي= اكلت الجو واحنا مالنا في سوقكم هبطي
يحبونك بنات الجيل كنك جون يالحنطي = تبيني ابتعد شكلي معكر جو ياسنافي

[الطائر المهاجر]

لقيت اللي يقدرني بعد ماعشت فالحبطي= مع المنشار واتباعه مابين الضبط والربطي
هجوم وين ماوجهت في التعداد والخرطي = لقيت اللي عرف طبعي وقال العود ذا سنافي

[نجم الإبداع]

تدلل يالبا قلبك عسى حاسدك بالزطي = ولكن الحذر ياصاحبي تاكل من الخمطي
اشوفك منتهي ولهان وقبل اليوم متمطي= تراعينا وتتكرم علينا وانته سنافي

[ابو زياد]

فلاح احذر يجي منه اصابات بكم تسطي= تصيبك منه فلونزا الطيور وتصبح مزنطي
مغير منتف(ن)ريشك وعرفك عينك يغطي=والى فليت جنحانك تعجز تطير ياسنافي

سلام الله عليكم جيت ابي اخذ وابي اعطي=بعد هجرانكم للصفحه اللي صاغها خطي
معي فزعه وموج البحر يرفع فوق ويوطي=معك ياطير يمهاجر معك ياقرم يسنافي