عجاج الرياض ..

[نجم الإبداع]

العج راح وسوقنا بانهيارا = والوضع لو طول تراه انفجارا
فتنه وشوف الشام تحت الحصارا = هذا كلام الصدق يالي تدله

[الطائر المهاجر]

ابو صهيب ولايذ بالحذارا = وانا ابي جرته كود نتبارا
دامه من القيفان يبني العمارا= يجي يشيد البيت ويصير فله

[نسناس الهوى]

ابو صهيب اوجز وجيز العبارا = قصده يذكر لا يفيض الغضارا
قافه سليم ولا التهى بالعذارا = ولا يامطوع لا تغيب و تكلّه

[سناعيس]

أبو صهيب لا منه تحرك وثارا=الشعر منه مايجي بانكسارا
لا تستفزونه تراه يتثارا=وينزل العالي ويجلس محله

[نجم الإبداع]

ابو صهيب اظن لبس الدثارا = خايف من الفتنه وزيف النصارى
قولو له ان العلم صار اندثارا = جات الفتن وشرورها مستهله

[ابو صهيب]

سناعيس قل لي وشبلا الطير ثارا= مايقبل الناصح بسروجهارا
وراه مايصبح لدينه يغارا = ويخاف من سو العواقب تتله

[سناعيس]

المشاركة الأصلية كتبت بواسطة ابو صهيب

سناعيس قل لي وشبلا الطير ثارا= مايقبل الناصح بسروجهارا
وراه مايصبح لدينه يغارا = ويخاف من سو العواقب تتله

الطير عنده بخص وعنده قرارا=لانه معه دربيل هو والردارا
ويحس بالشاعر الى من تدارا=ثم يستفزه لين سيفه يسله

[ابو صهيب]

السيف داثر والرصاصه تحارا = بماصورة البندق ويطفي الشرارا
لاصارت الصيده فحول تبارا =يازين غمد السيف لاازريت أسله

بالمناسبة العج قايم واناأكتب الرد
اللهم اجعلها رياحا ولاتجعلها ريحا
اللهم إنا نسألك من خير هذه الريح وخير ما فيها وخير ماأرسلت به ونعوذ بك من شرها وشر ما فيها وشر ماأرسلت به

[الطائر المهاجر]

بان الخلل يالعود سيفك وبارا = هذا اعترافك واضح بالقرارا
ونا بري منك صبح جهارا = دور على عود شبيهك تدله

[نجم الإبداع]

سلام ياعودين ماحنا غيارا = والشيب في قاموسنا له وقارا
لكن نظم الشعر مابه صغارا = ومابه كبير ولا لتاجه مظله