أهــــل القـــاهـــرة

[سعود القت]

اخوي منيع
صح بدنك ولاهنت
تقبل التحايا

صح لسانك ياسعود


جزل لاهنت



تحيتي

رائع وربي
صح لسانك
مليون في مليون
حظور وهطول رائع من هذا الينبوع العذب
تقديري
تسلم يمينك ويعطيك العافيه
اخوك
سراب الراحل

المشاركة الأصلية كتبت بواسطة سعود القت

سمعت رعود المخايل وشيف البرق لاح = وانتشأ الخاطر بنوض السحب وارزامها
بكّر الوسمي وعسه نهار السيل طاح = قرمٍ يعشق المراجل وهو غلامها
واكد علوم المطر والحيا لهل الطياح = وشلّعت البدو لبيوتها وخيامها
انتحو يم الحيا وجهوله من صباح = مثل قوم القاهره لوجهت لهرامها
ما حلا سج القدم مع فضا الارض البراح = في رياضٍ تنسي النفس كل آلامها
ما وطاها غير قود القطا جوٍ صحاح = وام سالم جمّلت لعبها بنغامها
ابتهج وجه البسيطه وريح العشب فاح = سرها نفح النواوير عبر انسامها
اشهد ان مشاهد البل للصدر انشراح = شوفها يطرد عن النفس كل اوهامها
زينها لاجات خلفاتها تبرا اللقاح = مع قفار الارض والشاص من قدامها
وارتعت في خايعٍ جا من اقصاه وفساح = تختلط ريحة عبسها وريح خزامها
ذود فارق ما تملكته ايدين الشحاح = اللي اتحب الريالات طال اسقامها
صورةٍ لا شفتها راحت الدنيا سماح = عشقةٍ للنفس يانعنبو من لامها
غنجةٍ فالمشي والزين لابسها وشاح = ومن مواطيها الصغار اعتجل درهامها
ناسعٍ نسنوسها راهية طول وشناح = واوبره برصا ومتعركشة ببرامها
وكبر راسٍ راهي الخد ولحيٍ طفاح = ورقبه سندا ومتهدلٍ خرطامها
والاذاني فهق يمة بعض مثل الجناح = منت شايفها ليا جيت من أمامها
وذيلها شبرين تلفح مثانيه الرياح = منهزع عرقوبها منفهق سنامها
ورث ابا واجداد من يوم زرقات الرماح = منتظر وبالها في حرا سوامها
كم ثنينا دونها في هجاد وفي صباح = وكم عنودٍ لجلها طوّحت بلثامها
هي شهادة جامعية وهي ساس النجاح = وهي معاش النفس وطموحها ودوامها

صح لسااااااااانك مليااااااار

يردف مليااااااااااااار

إعجااااااااب

مدد ماهو عدد

مع التقدير