جمعية البر الفطحليه اقلطواااا لاهنتم

[عبدالله الشويمان]

يالله يارب السما والارض وكل العالمين=تجعل خواتيم العباد المسلمه ختمٍ تمام
جزاك ربي خير يا نسناس وربك لك يعين=مدام عطفك للشويب باينٍ ضمن الكلام

[نجم الإبداع]

هيا انشدوا الدكتور عن بنتٌ لها متسابقين= عيالها فوق الف رجال عذراء باحتشام
مرت علينا قبل مده عطرها وافي الحنين = ياليتها ترضى بمثلي مير حضي مثل حام

اللي يبي يرتاح يدخل في نظام السابقين=وان كان مايفهم ولا يفقه نعديه الملام
فلاح واصحابه لفوا متعصبين ومعتزين=نبغا نهاديهم على السنه قبل وقت الخصام

[نسناس الهوى]

وشوله الشايب مادامي مسند ٍ له مستقين = هذي ليالي الانس حظه من حضرها بالقيام
هي ليلة ٍ ماعادت الا وحدة ٍ بين السنين = مجهولة ٍ بين العباد و سرّها غشي الغمام

[الطائر المهاجر]

فلاح كوش على جمعيته يالله تعين = وبدا يلف السفينه فوق موج الغمام
في الكيسة اللي سرقها صار لحمه عجين = يبي يبدلها بذهب حتى ولو عاف المنام

[عبدالله الشويمان]

يا حظ من يحضى بها ليلة قدر يالمسلمين=يلقا بها من الله كثير وذنوبه تولي عدام
في شهرنا الهجري تسعه صام فيه الصايمين=الله يعيده يا فلاح وكل مسلم في سلام

[نجم الإبداع]

الله كفانا الشر مارحنا يسار ولا يمين = على الصراط المستقيم اخوان والرفقه تمام
مالي عصابه وينهم والا فحضِّر شاهدين = وان كان ماتبصر فباقودك وامري للسلام

[نسناس الهوى]

صحت اقلوبكم جميع .. واعذرونا على القصور

وتصبحون على خير

البارحه فاتت علينا والمهـــّبل حاضرين = ان طيروها وقـّعت وان وقـّعت راحت عدام
القافيه في ثوبها تطلب وداد العاشقين = لكن أبوها ضامها سافر بها شرق ٍ وشام

يالجتي لجة سباعٍ ماتعشوا جايعين=في صحصحٍ جاله سنه مابتل من وبل الغمام
اشوف لي عودٍ عرج والناس به متماسكين=على ظهر مطيةٍ عورا تسير بلاخطام