عبدالله بن مستور المسعودي

[الطائر المهاجر]

المسعودي مع محمد ابن تويم الثبيتي

=ابــــــن تـــويـــم
=.............................
ترا هـذي الديـره يسمونهـا ام سبـاع=وفيها سبـاع تاكـل الذيـب سرحانـي
=الـــمـــســـعـــودي
ترا يالعتيبي مـاش طمعـه ورا طمـاع=ولو كل واحد قال انا احسن مـن الثانـي
وانا جيتها فالصيف ماجيـت فالمربـاع=وش تقول جيت السبع والسبـع ماجانـي
=ابــــــن تـــويـــم
سنين مضت يوم ان برق الحيـا لمـاع=ورعده يهز الغيث فـي غـر الامزانـي
ديارك يجيها السيل طافح مـع الارواع=صلاة العشا وقته ومع الصبح رجعانـي
=الـــمـــســـعـــودي
لياطاح للارض المطر يفـرح الـزراع=ويزرع محل الحمض خـوخ ورمانـي
على باخرتكم يابخاره نشـوف شـراع=ولو ينقشع عـن بطنهـا حملهـا بانـي
=ابــــــن تـــويـــم
انا اباه يفرح ميـر اظنـه يبـا يرتـاع=وانا ياعميل الخيـر ريـض وعجلانـي
وبعض العرب لو حمية الشمس زبده ماع=وراع السفينـه ليـش حالـه بتعبانـي
=الـــمـــســـعـــودي
طويل الجبل ينتز مـن زهبـة المدفـاع=ولابـد فيهـا نـار والنـار دخـانـي
عسى يلحق المدهون منها دهـون ذراع=وانا لو يسيل السمـن ماذقـت بلسانـي
=ابــــــن تـــويـــم
تراها مزوحتروح في وقتها فـي سـاع=ولاتنقل الخيفـه مـن فلانـي وفلانـي
زمـان المنايـا نابهـا للدمـي شـلاع=عرفنا تبوك ونعـرف حـدود عمانـي
=الـــمـــســـعـــودي
انا ما آخـذ السكيـن فالابتـر القطـاع=وعارف عناويـن المراسـل وعنوانـي
ويا حية فالبحر مـوزاك راس صبـاع=ملي نص بطن الداب مـن دم الانسانـي
=ابــــــن تـــويـــم
رفعتك على سطح القمر عن جماد القـاع=واشوفك ليا مربـاك تنظـر بالاعيانـي
ولافالبحر حيه يسولـف بهـا الشـراع=يقولون مابـه غيـر مـوج وحيتانـي
=الـــمـــســـعـــودي
عيوني تعاين فيك يابو عيـون اوسـاع=تحـب الفـرح والا تحـب الحميدانـي
ولا ياعميل حط سطـح القمـر مربـاع=صنعت السفينه مثل صنـع المريكانـي
=ابــــــن تـــويـــم
سوالف عوارف جاتنا بالمتـر والبـاع=يسولف بهـا عبـدالله اشكـال والوانـي
والا يالهذيلي ماقسى الطـري المقـراع=ولاقلت لك عض الاصابـع بالاسنانـي
=الـــمـــســـعـــودي
ولا ياعميـل مايـردك ميـة فــراع=لياشفت منك زهوق ماشلت لـك عانـي
اثر للدهر صياح لـو البطـون شبـاع=ومنهـو بـلاه الوقـت يالله لاتبلانـي
=ابــــــن تـــويـــم
انا شفت عبدالله يكيل الدخـن بالصـاع=لكن احترمت الضيف مانـي بزعلانـي

[الطائر المهاجر]

هذه محاورة بين ثواب المسعودي والعمي عبدالله بن سنان الذيابي وتدخل فيها المسعودي وفيه ضحك وفكاهه ويبدوا ان البدايه من العمي

=ثـــــــــــــــواب
هلا يامرحبا ترحيـب فالمضـوا وفالمسـراح=عسى خصمي سواة الناس ( والعمله سعوديـه )
غصون السدر تطلع حب مثل الخـوخ والتفـاح=وانا مخي بوسط الراس ( والعملـه سعوديـه )
=عـبــدالله بـــن ســنــان
وراك تقوم ياخصم سـوات السـارق المـزاح=تبل الحبر والقرطـاس ( والعملـه سعوديـه )
غصون السدر عندك وانتبه يافزعـة الصيـاح=لقفها الطرقي العسـاس ( والعملـه سعوديـه )
=ثـــــــــــــــواب
عسى ام الغيث فيها غيث يوم تـدور الافـراح=اشوفك ماتبا المجـلاس ( والعملـه سعوديـه )
انا ماهمني منهـو يجـي وامثالكـم مـن راح=وراسك مافيه اضراس ( والعملـه سعوديـه )
ترى ام الغيث عندك ساكنه ومراح ماش مـراح=تعمرهـا بليـا سـاس ( والعملـه سعوديـه )
........ الـمـاهــر الــجــراح=لقاك بمسجـد العبـاس ( والعملـه سعوديـه )
=وهنا يقوم الشاعر عبد الله المسعودي
انا هيض عليه الفارس اللـي يبلـع الارمـاح=يجردها بـدون لبـاس ( والعملـه سعوديـه )
ابا انصى الديره الممطوره اللـي سيلهـا نقـاح=وابيع النجر والمحماس ( والعملـه سعوديـه )
=عــبـــدالله الــذيــابــي
حلفنا عقب هـذي مانفكـك لـو تنـوح نيـاح=واقص المقصره بالفاس ( والعملـه سعوديـه )
لك الله ماعليـه منـك ياطيـر بـدون جنـاح=وابسقيك الشرا فالكـاس ( والعملـه سعوديـه )
=عــبــدالله الـمـسـعــودي
تنادي كيف تسمـع هرجـة الذمـام والمـداح=لسان احمر يذوق الحاس ( والعملـه سعوديـه )
ولاياراس اجـم الضلـع ماينهـد مـن نطـاح=شريناك بذهب ونحاس ( والعملـه سعوديـه )
=عــبـــد الله الـذيــابــي
ظليمه والظليمه تغـرق اللـي فالبحـر سبـاح=كبسناها كمـا الكبـاس ( والعملـه سعوديـه )
ياراع السلعه اللي خايبه واصلاح ماش اصلاح=وصابك عقبها وسواس ( والعملـه سعوديـه )
=عــبــدالله الـمـسـعــودي
انا لو ابا كافـح فالمصايـب مـاوراك اكفـاح=ظهرك املس من الملاس ( والعمله سعوديـه )
اشب النار تحت القدر والاصنج والقدر مافـاح=مابه تجره من الافلاس ( والعملـه سعوديـه )
=عــبـــدالله الــذيــابــي
انا ما احسب حساب الخصم لو انه حصاة ارزاح=ندسك الاسـود النـداس ( والعملـه سعوديـه )
انا والله ما احب البندق اللي ماتصيـب الشـاح=عساك بخيـر يـادواس ( والعملـه سعوديـه )
=عــبــدالله الـمـسـعــودي
مالومك ذابحتـك العلـه اللـي عرقهـا نـداح=دواك الثوم والبسبـاس ( والعملـه سعوديـه )
ترى الحلبه صواريخ بها صحه وسـم ذحـاح=ليا فنـس لهـا فنـاس ( والعملـه سعوديـه )

[الطائر المهاجر]

المسعودي مع عالي العصيمي

=الـمــســعــودي
يالعصيمي بعـد تلـه وملـه دوب دوب=اعذر الغايب وناخذ علوم اللـي حضـور
اهل باكستان اثرهـم يعرفـون الـدروب=واثر فرخ البـط عـوام حتـى فالبحـور
=عـــــالـــــي
يالهذيلي بعـد تلـه وملـه تـوب تـوب=وان سرانا مادرانا عن اقصاف الظهـور
او نحط السكره في بحـر جـده تـذوب=مار من يبعثـك يالميـت اللـي فالقبـور
=الـمــســعــودي
ماخبرنـا ام الكبائـر قليلـة الـذنـوب=والبيوت الظالمـه مـن ينورهـا بنـور
من يعرفكم برووس القبايـل والشعـوب=وانت لاصت العشا صبح ماصت الفطور
=عـــــالـــــي
العتيبـي عادتـه مايغـر مـن الـدروب=قام حطـي واعتـلا يـوم انـت تـدور
انت مثلي يوم غـادرت مكـه للجنـوب=عابرٍ بربليـن وقـت الحرابـه والعبـور
=الـمــســعــودي
كل من ربي يحبـه منالنـاس امحبـوب=لايكود انك من اللـي يدهنـون السيـور
علم اللي ماتعلمـك مجبـر وامغصـوب=وش كسبت من السنين الطويله والشهـور
=عـــــالـــــي
احمد الله راس مالـي حفظتـه فالجيـوب=وان عطانا ماعطانا يكود مـن العشـور
لو بدت شمسك يابو زيد قافيها الغـروب=ماجمعته من ذهب يابيض الوجه مخشـور
=الـمــســعــودي
من يحطك جندي اول ياخظاظ الغـروب=وانت ماتعرف جنود الدفاع من المـرور
لو تشب النار في كسـرة مابـه هبـوب=الحطب يقضي وقـدر الشراكـه مايفـور
=عـــــالـــــي
جندي الجيش المسمى لياجات الصعـوب=مدفعه ضد العـدا يـوم فـردك مايثـور
مار خلك فالمطافي ولاتنصـى الحـروب=كل ماجـات الحرايـق بونانـك تـدور
=الـمــســعــودي
ياطوير العذق مالك غناه عـن الحبـوب=اسمك طوير الشعاء واسمك طوير السحور
وين تلقى زوجةً مايجـي فيهـا عيـوب=يامطلق زوجته في سنـة غلـو المهـور
=عـــــالـــــي
قالوا راع الفن مالك غناه عـن اللعـوب=ما ابوهـا مايكبـك ليـا شـد السيـور

[الطائر المهاجر]

شاعر مجهول ينزل الملعبه ويطلب عبدالله المسعودي

سلام الله رديه مـن اللـي زاركـم=رده وفا من هاجس حلـو الحليـب
ياهذيل انـا ودي بـزود اخباركـم=ومن يسمع الداعي لزوم انه يجيـب
=الـــــمـــــســـــعــــــودي
يامرحبـا ترحيبـة مـنـا لـكـم=اتداوي المرضان لين انـه يطيـب
ياقـوم ياللـي ماعرفنـا داركــم=نبا نعرف اهل الوطن واللي غريب
=..............
جدي منـول ثـم ابويـه جاركـم=ربعي عتيبه فاللقـا سقـم الحريـب
ياهذيل انا ودي بعـرف اسعاركـم=منهو نشد ماضاع لو انـه يغيـب
=الـــــمـــــســـــعــــــودي
ان كان جات صغاركـم لكباركـم=حشا وكلا مايضيـع النـا ذهيـب
اسعارنـا نـار تلـهـم نـاركـم=يطيـب لـك ولا لعلـه مايطيـب
=.......
ياهذيل وش فيكم علينـا وش بكـم=من يوم قام الذيب يعوي لـه لذيـب
الذيـب لاياكـل سمـان جفاركـم=وتصبح بعدها غاشي عارضك شيب
=الـــــمـــــســـــعــــــودي
ماتسمعون الصوت ياصـم يابكـم=الله يحييكم علـى ثنـوة عصيـب
الذيب طاير فـي شعـاف بكاركـم=من يوم هي بكار لين اليـوم شيـب
=........
حصرتكم والله ماافـك حصاركـم=(حتى تخلي الدار وتقفي رعيـب )

[الطائر المهاجر]

محاوره على نوع الشقر وقد اضطر المسعودي للدخول فيها بشكل يكشف عن درايته الكامله بهذا اللون

=عالي العصيمي
ياخلف مـد لـي علـم الوفـا مـده=دامة الله جمعنـا عنـد الاصحابـي
كل واحـد ليـا منـه عبـر مـده=لازم اصحى بعلمك وانت تصحى بي
=خلف الحساني
كل فارس يجيب الفعـل مـن جـده=بعـد ماصـار للحقـان طـلابـي
العتيبـي نـرده مـن ورا حــده=....
=يتدخل المسعودي
والتمر من جنـي النخـل مـن جـده=وان قصر عمر ابوك العام (طال آبي )
=عالـي
واحليل الجمـل لـو مااختلـف بـده=والمعـانـي نقلـبـهـا تـقـلابـي
يابن مستور بد ( ابـو حسـن ) بـده=وانتبـه دوب جـا فالـدرب قلابـي
=الحساني
العتيبـي دموعـه مـن علـى خـده=صار مذبوح مـن سيفـي ومشعابـي
ميـر ابرضيـه واسلـم علـى خـده=وادبـج العلـم دبجـات بمشعـابـي
=يتدخل المسعودي
ان لقينـا طيـور الليـل منـخـده=عب لي كيس لو الكيس (مش عابي )
=عـالـي
ود ابو زيـد يظهـر سدنـا وده=ياهل المعرفه وطوال الاشنابـي
مير ود الخبـر لصويحبـك وده=وش بناخذ من الاخبار وش نابي
=المسعودي
ياجمل من جفيلك طاحت العـده=انت مكسور فيك الضرس والنابي
ودي احماك حتى تافـي العـده=فوق راس الجبل لوالجبل نابـي

[الطائر المهاجر]

كسرات

=سليمان العبدلي
ياكوكب الشرق زوريني=في المملكه لو ثلاث ايام
طلي عليـه وشوفينـي=والا اكتبيني مع الايتام
=المسعودي
ياكوكب الشرق غني لي=مادام انا ساهر ما نـام
والا بغنـي مواويلـي=واصحى المسلمين نيام
=سليمان العبدلي
ياصاحـب ابغـاك تفتينـي=في مشكله لي ثلاث اعـوام
ياهـل الفكـر والمعاقيلـي=وش بحر يصعب على العوام
=المسعودي
ياراعي القال والقيلـي=لاتدفع اقدامنـا قـدام
بحر الغرام آه ياويلـي=ولا فيه لحمٍ بغير عظام
=سليمان العبدلي
سلام رده وكيف الحال=واسالكم يابني مسعـود
سهران ليه ثلاث ليال=سهران يوم العباد رقود
=المسعودي
يامرحبـا مـن وسيـع البـال=ترحيبـةٍ سبلـهـا مـمـدود
ان كان مـن هـم همـك زال=وان كان من حب (مش موجود)

[الطائر المهاجر]

المسعودي وهلال السيالي

هلال
السوالف كثيرة والعلوم اشكـــال ،،،،،،، لي صديق ٍ من الشعار ودي به
يا بن مستور ثمّن في جواب اهلال،،،،،،،كــــل طيب من العراف تجريــبه

المسعودي
السوالف تنشط مع وسيع البــال ،،،،،،، كل طرق ٍ تغني به نغني به
حط معدال وآنا أحط لك معدال ،،،،،،، كل منهو سرح بريال يضوي به

هلال
السوالف مع العراف مدّ اريـــال ،،،،،،، كل طيب من الأسواق يشري به
ما نبا سالفة فيها حمول اثقال ،،،،،، وإن وصل غيرها ممدود مالي به

المسعودي
أنت من عام الأول وانت قيل وقال ،،،،،،، ما عرفنا خطا ما قلت ومصيبه
وين أدور شعيل اللي بغير اعقال ،،،، قام من مبركه وأعطى هذا الصيبه

هلال
أنت رجال وآنا هقوتي رجال ،،،،،،، من بلاكم بلاني ويش اسوي به
كان ونّه برك للحمل أبى يشتال ،،،،،،، قام يرغـــي وكتفنا عراقيبه

المسعودي
وا حليل المعلّم ســـــفـّر العمّال ،،،،،،، كان ما خاب ظنّه من هناديبه
الجمل جيّدٍ عزمه وطــيب حال ،،،،،،، مير بعض الحمايل سدّها ريبه

هلال
في زمانٍ مضى يرقى عسير اجبال ،، ولااظلم الليل هذرابي واهذري به
مرّ واليوم مرّت فوقه المحّــــال ،،،،،،، ارم به قبل روس القوم ترمي به

المسعودي
الجمل مونس المطرق من الجمال ،،،، وأنت غايب ولا تدري من الغيبه
من يجي فيك يا جرفًا تبا تنهال ،،،،،،، وش نبا فيك يادرًا عوى ذيبـــه

[الطائر المهاجر]

محمد بــن تــويــــم
ملعبتكم عجزت ماهي صبيه=اسعفونا يا لرياجيل النشاما
ليتني بين الهدا واشعاب ليه=عند اهل ذاك الحزم واهل القداما

الـمـسـعـودي
أنت وش معجلك يا راع المطيه=ما أنت ماشي يوم في ممشاة عاما
ما أنت لاقي مثل ما تلقى هنيه=ديرة فيها يعيشون اليتاما

بــن تــويــــم
يا منادي فالخلا صبح وعشيه=ما أنت لاقى غير عربان نياما
يا الله أصلح كل شان وكل نيه=قبل ابرق فالحلال وفالحراما

الـمـسـعـودي
والله إن النار فالمقباس حيه=لاتجون المعركة وأنتم زلاما
وأنت فيك خلاف من عصر العشيه=حوار ما يرضع وناقه ما تراما

بــن تــويــــم
واحسوفك بعد فاتتك الهديه=وأنت مانت بشايب سنونك تواما
قلت ابن مستور مشعال السريه=قالوا انه ماسرا الليل الظلاما

الـمـسـعـودي
لو قربتك منسنع هذا القضيه=رحت أنا وياك عدوان تراما
يامحمد وش تبا بالاجنبيه=ما عليها لا صلاة ولا صياما


بــن تــويــــم
قلت عطني من علوم داخليه=عطني علومك وخذ مني علاما
ما كتب لك لا كثير ولا شويه=يا بعير عان راسك فالخطاما

الـمـسـعـودي
يا عميل عارفه ومرار عيه=ما يصيد الصقر صياد الحماما
والله ما نباها دود حيه=بعد راحت من نصيب ابو دلاما

بــن تــويــــم
يا عميل منكوي عشرين كيه=الغبينة لقمه أبلعها قواما
حظك اللي منسدح في جال فيه=ما تحرك يوم ناديته وقاما

الـمـسـعـودي
الغبينة جتك ما تمضي عليه=بيهة حارت وبارت ما تساما
كيف ديني يظلم الروح البريه=لو نصوم الدهر ما حنا نداما

[ابراهيم عبدالحميد]

الطائر المهاجر

تحية تقدير و إعجاب لإختيارك الراقى المتميز
دمت و سلمت و غنمت

[صعبة المنال]

يعطيك العافية


صعوووووووب