المساجلة الفكاهيه والتحدي بين الشعراء

[نسناس الهوى]

وش بغيت امن العجوز ووش تبي بالمحْدبات = يوم هالطيف اسرقنّ وجدان منهو في نذير
الحقيقه ماتعاب و ما تنقص بالحلات = الحقيقه سنّة للي علم بأدنى المصير

[الطائر المهاجر]

ست مهراتٍ لقنّي فـي طريقـي للصـلاة = ناظرني وقتلني ولا وعيـت اللـي يصيـر
احسب اني رحت اصلي واثري بآخر سبات= ماشيٍ اتبع اثرهن جاهـل ويـن المسيـر

يارفيقي انتهينا من العجايز بالنكات = لف طارتك وجه وانحر الدرب القصير
دربنا يم الغواني والعيون الساحرات = وش تظنه صار ليّه وانت في المهنه خبير

[نسناس الهوى]

للبنات اللي يزوغن بالعيون الساحرات = وش تظنّ اللي حدر عشرين هو توّه صغير
عذبنّـه واشغلنه وحط حيله بالسبات = كود يفرجها عليه ويخطب بنيّت اميـر

[نجم الإبداع]

مساكم الله بالخير جميعا

الطائر الثائر

نسناس الغرام

اضحك الله سنيكما والجميع

واسمحوا لي بالمداخله

الخطاوي للغواني دوم ياجن عاثرات = انتظر منكم نصيحه عبر موجات الأثير
واحده سودا متينه والسنون مكسرات = واختها عرجا وحولا ونومها كله شخير
شفتهن بالحلم جني والعيون امغطشات = قلت ياعثمان جود جاك نسناس الخطير

[الطائر المهاجر]

حلمك اللي قلت يعني المواشي خاسرات = ابتعد عنهن نصيحه قبل ما تخسر كثير
ولا تقرب للزراعه دام الاسهم طايرات = خلك بسابك وعين خير واصحى لا تطير

[الطائر المهاجر]

طيب

ياونتي ونة طمام بجدران = وإلا بطاطس ماكلٍ بيدجاني

[الطائر المهاجر]

ياونتي ونت عشيق وهيمان = شاف الحروف وطار للسيسباني

[الخنساء]

صح لسانك مشرفنا وصح لسانك الشاعر نسانس الهوي الله يوسع صدوركم بالعا فية لكم تحياتي

[الطائر المهاجر]

وين الرجال

[نجم الإبداع]

ابو عبدالله

ابي اعرف تكملة القصيده هذي

المطوع لو يشوف خديد ساره = قفل المصحف وقصر بالصلات
ريق ساره تقول شكرٍ في غظاره = او حليب نياق عرب متربات

تحياتي واحترامي