مناجاه قلبيه بيني وبينها(قالت \وقلت)

[الـزلـزال]

ماجد الهيري

بوح رائع وجميل
من شاعر رائع في كل حالاته
أبدعت وأمتعت شاعرنا سلمك الله
دمت بخير ودام نبض حرفك
صح لسانك ملايين ملايين
ولك فائق تحياتي وتقديري

[ماهربخيت الجهني]

المشاركة الأصلية كتبت بواسطة ماجد الراشد الهيري

قالت ترى مايـثيــــر شعــــرك غرامي=مااحدن يقول الشعر فــــيــــني ويخفيه
قلت المـــــهم انه ظهـــر فــــي كلامي=تلقـــــــين فيها يامــــــلا العــين باقيه
قالت وش اللّــي يجبرك فــــي ملامـي=كل ما كتبـــت الشــعــر تاخــذ مساويه
قلت الغـــريب انك نــسيــــتي سلامـي=أكثر بيوت الشعر عنـدي على وجــيـه
قالـــت ترى شـفــتــك انا فـــي منـامـي=تارد على عــد الظـــمى في مهامـــيــه
قلت الحلـــم ماهــــو عــليكم حــرامــي=أنا ترى شـفـــتك تــوارد على الّـتـــيــه
قالــت انا وان كان عـــنــدي مـرامـــي=اعرف متى اجــفا على القلب وأرضيـه
قلت المشاعـــر ياغـشيــــمـه ظـــلامــي=وصــدق الهـــوى لـــو كان كـذبه يـبدّيه
قالت أنا ماعـــاد تــــقــــوى عـظامـــي=خلاص يكــفـي ياحـــبـيـــبي مـشـاريه
قلت أسمــعـــي دامـــك عرفتي زمامي=روحي وشــــوفي واقعـك وين اراضيه
قالـــــت أنا مــقـــدر أفــــارق وسامـي=أصـــبــح عـلى حبّك وأعيشه وأمسيّـه
قــلت العــــــذر هــــذا يعـــــزّه مقامي=وأنــــتـــي مكانك في خفـوقي مرسّيه
قالـــت أشـــوفــــك كل لحـظه أمامــي=تــنـظــــر عـــيـــوني وتنظرها توافيه
قلت العـيـــون اصدق ترى مـن سهامي=وقت القّـــى مجـنـون حبك ومغـلـيه
قالت فــــديـــتــك قــلتــهــا بانهـزامي=وأنا عـلى قــلـبـك حـشـى ما أخـلـيّـه
قلت الحـقيــقـه واضــحـــه للاـنامـي=أنـتـــي حــياتــي ورح قــلبي ومافـيه
راحت وفــيهــا مـن جميل الزحامـي=قــلبــي عليها وفـــي عـيوني أداريــه
مـــدري تمــــايل رافــــعـه للكمامـي=والا أنهــا تاخــــذ يــديـهــا مخـابــيه
غـطـت عـلى وجـــــه القمر باللثامي=واستـــدركت كلمة حـياتـي وغاليه
كنّه تبــسّم أو ضـــحك بانقــــسامـي=أو هــــو تـذكّر كل ماأنا كنت أسّويه
كنّي قــســيتـــه يا خسـاره علامي=مـــدري وش الّلـي بالامانه أقاسيه
مــاني أصدق كــلـمتي واصطــدامي=والاأعتبرها كلمة العشق ترجـــيــه

شعر \ماجد الراشد الهيري
اتنمى ان تنال اعجابكم

كيف ماتنال اعجابنا وانت شاعرها

ابوراشد لله درك ودايم راع الجزله

[المحيط الهادي]

بكل الصدق والصراحه اعجبتني بقوه لاهنت اخوي

[عبدالرحمن الغيثي]

ياسلام عليك ياماجد


نص راقي وفخم


سلمت وسلم حرفك وقلمك

[عبير الورد]

الله الله



صح لساااااانك ملايين

سلمت وسلم منطوقك الجزل

ربي يعطيك العافية

[ماجد الراشد الهيري]

لاهنتم اخواني كلن باسمه مروكم تاج على راسي الله لايهينكم

[داعي الشوق]

قلت العيون اصدق ترى من سهامي

وقت القّى مجنـون حبـك ومغليـه

صح لسااااااااااااانك

[بنت العز]

صح لسانك


لاهنت


يعطيك العافية

[الخنساء]

كـنّــي قسـيـتـه يــــا خــســاره عــلامــي

مــدري وش الّـلــي بـالامـانـه أقـاسـيـه

مـانــي أصـــدق كلـمـتـي واصـطـدامـي

والاأعتـبـرهـا كـلـمـة الـعـشــق تـرجـيــه

صح لسانك

قصيدة اجبرتنى للعوووووودة

[حي الضمير]

قالت ترى مايثير شعـرك غرامـي
مااحدن يقول الشعر فيني ويخفيـه
قلت المهم انه ظهـر فـي كلامـي
تلقين فيهـا يامـلا العيـن باقيـه

ابدعت يامميز
وقصيده تستحق العوده مجددا