(ملح التفق؟)

[رفيعة الشان]

المشاركة الأصلية كتبت بواسطة شاهر الشرهان

احبتي اعضا ورواد هذا الكيان الشامخ
اسعد الله جميع اوقاتكم بالمسرات.
اهديكم هذا المتواضعه اتمنا ان تنال رضاكم واستحسانكم

والشكر موصول لاخوي واستاذي الاخ والشاعر القدير محمد عبد الله البدراني الذي دعاني وشرفني بالتواصل معكم




............

كم قلت ياليلي السـاري يطيـب الرقـاد=مابان واقصر مشاويـري غـدا سرمـدي
طال انتضاري وانا في عتمتك باظطهـاد=ماعاد به نوم والمسـرى بسـاط احمـدي
غابت نجومي وانا مابين صبـر وجـلاد=ليلي نهاري ويومي فـي مـداه اجـودي
صابر وانا كل كلمه فـي شفاتـي زنـاد؟=ون ثار ملح التفـق؟ عـزاه يامقصـدي!
قلب(ن) تعدت ظلوعـه طعنتيـن العنـاد=وش باقي(ن) له جروح وجرحه اول ندي؟
اووااه يالـي بعكسـه مابلغـت الـمـراد=ياليتهـا يـوم حجت بـي خذتنـي فـدي
والصيدة الي خسر قناصها يـوم صـاد؟=جبته من اقصاه يوم اعمت عيوني يدي!!
يعني تسيدت بالمقلـوب سـوق المـزاد=ياما وصلت النعايـم واعتليـت الجـدي؟
ياشينها كان غيري من عنـاي استفـاد!؟=يالله لا يختلـط حظـي بـورث ولــدي
كيف انهي الدرب يالراي الحكيم السـداد=وانا قبل كسر رجلي شفت كسـر عمـدي
والله مـدري ولكـن يالخيـال الـوكـاد=انا رغـم كـل هـذا قـو باسـي مـدي

الله الله

في كل بيت قصيدة

وكل قصيدة تنافس اللي قبلها فالابداع والروعه

بصراحة قصيدة عن قصااايد

أطلت وانا قرأها وقفت عندها كثير

الأخ الشاعر الشرهاان

صح الله لسانك مليوون

لااااهنت

[مجدي صالح المبارك]

صح لسانك وعلا شانك اخي الفاضل ( شاهر الشرهان ) على ماأمتعنا به من أبيات عذبة وكلمات جزلة , لك مني فائق الإحترام ودمت بكل خير .

الشرهاان

صح الله الساااااانك

قصيده تستحق المرور

استمتعنى بروعت حرووفك

لا هنت

موج القصيد

[حي الضمير]

صح لسااااااانك مدد ياشاهر
نص جميل وابدعت بارك الله فيك
وبأنتظار جديدك يامميز

[صوت الإحساس]

جماااااااااال يستحق الحضور مرارا


لله درك


وصح لسااااااااانك ملياااار



صااااادق الود

[ابومياس]

صح لسانك وبيض الله وجهك

نص مميز من شاعر مميز

جمال حرف وروعة معنى

حواها هذا النص الراقي

تحياتي

دمت بخير

[منصور العبدالله]

قلب(ن) تعدت ظلوعـه طعنتيـن العنـاد
...................وش باقي(ن) له جروح وجرحه اول ندي؟
اووااه يالـي بعكسـه مابلغـت الـمـراد
.........................ياليت ها يـوم حجـت بـي خذتنـي فـدي
والصيدة الي خسر قناصها يـوم صـاد؟
.....................جبته من اقصاه يوم اعمت عيوني يدي!!



الشاعر شاهر

هلابك وغلا

هلا بالعذوبه والمفرده الجزله

وارفه تروى الذائقه

صح لسانك ملايييين

[عبدالعزيز العمار]

الشاعر شاهر الشرهان :

صح لسانك وجاد بيانك ..

قصيدة طيبه وجزله من شاعر جزل...

تحياتي لك..

[محمد عبدالله البدراني]

قصيدة تستحق المرور مرارا


مليون صح السانك

ولاعدمناك يابو سلطان

وينك يارجل له الغياب


تحيتي وتقديري

[الطائر المهاجر]

ترفع لمزيد من الردود التي تستحقها
صح لسانك واعتلى شأنك
ولاهان راسك
تحياتي واحترامي