عليا وابو زيد

[ابو أنس]

الفاضل ناصر الهواوي............

ياعاذلـي وش جـاك يـابـن الأجـاويـد

اروي قديـم اخـبـار مـاهـي جـديـدة

عيني بعينك اشوووف

اجل اخبار قديمه ماهي جديده

على العموم وكما تعلم ويعلم الكل ان الشاعر يختلق ما لم يحدث ويفلسف مايريد حسبما يشتهي

الا انك هنا صغت لنا نصا مليئ بكل شيئ من الإلماحات التارخييه والصور الجميله والشعر الجميل

كل الشكر ووافر المنى

[ناصر عبيد الهواوي]

يابو انس وش تقصده من نوانيك =مايستوي قلب ٍشكى ومتعافي
حبيت اسليكم عسى الرب يهديك = بنسج الخيال اصوره ضمن قافي
بالعين وش بتشوف لوهي تراعيك = جفت من سنينٍ طوالٍ عجافي
يابو حسن جعل الصواديف تخطيك = لا تزيد مابه بعض مافيه كافي
اسعد بما دونت ربك يعافيك = انا اشهد انك يابن الاجواد وافي

[رفيعة الشان]

الله
نص جميل شاعرنا الهواوي
كما اعتدنا من هذا الاسم
صح الله لااانك

ولاااهنت

[عبدالله الشويمان]

المشاركة الأصلية كتبت بواسطة ناصر عبيد الهواوي

البارح انقٌص بالاشوار وأزيد=اريا لها ترحيب واريا طريدة
واذكٌر الماضي على القلب واعيد=مرة يعاندني ومرات افيده
واستعرض احداث السنين المساريد=طول الزمن والوقت كلش تبيده
وتعرض على قلبي صور سيد الغيد=واقرٌب المشهد واكرر واعيده
ولو إنها جت لي على كيف ماريد=وجت له بعد مثلي على مايريده
وعنا اندحر كيد الخباث المقاريد=وهبت وغابت كل نفسٍ قريدة
صرنا حكاية مثل عليا وابو زيد=وراع الذلول اللي عمل له مكيدة
يومه لحق عليا بصحصح من البيد=وقصٌت يدين الحر من حد قيده
لكنها حِفت بشر وتناكيد=ساعة تجي سلوى وساعة نكيدة
واحلام بددها طغى الوقت تبديد=وحنا بعد كلٍ ذلف مع بديدة
عليه ياكثر المنى والتواجيد=واثر المنى والوجد ماهي مفيدة
طول الجوى جا ساعرٍ بالحشا قيد=واشعل بقلبي والمشاعر وقيدة
وجد الفطيم اللي يبكي على الديد=ماعاضته كثر القراقع بديده
او وجد من جاه الخبر ثاني العيد=علمٍ لفاه إعصير ينعى وحيده
من الكبر غادن بوجهه تجاعيد=حتى الصلاة امع الجماعة تكيده
ومع البكى جاله شهيق وتناهيد=فقد الظنى خلا حياته زهيدة
لالم بي طيفه رفعت الزغاريد=واعدها مكسب وفرصة سعيدة
واقوم اهلي به مثل تهلية زيد=لاوالله اكثر بالتراحيب ازيده
ياعاذلي وش جاك يابن الأجاويد=اروي قديم اخبار ماهي جديدة
ياشين لو بي فاد شجبٍ وتنديد=كان العراق وقدسنا نستعيده
تكتب لي الوصفة من سنين وتعيد=تعبت نفسك والسعادة بعيدة
هواجسي تاتي لفكري مواريد=وفورت دمي لين حنٌب وريده

لله درك وصح السانك سا اخ ناصر

نص جزل من النصوص الاصيله

دمت بخير وصحه وسلامه ولا هنت

[حوريه]

الهواوي...

أبيات راائعه....

بروعة حضور شاعرها

صح قلبك ولا هنتـــــ.......

.

الله الله

صح لسانك

عافاك الله أبدعت وأجزلت لا هنت ..

كلمات في غاية الروعة

جعلتنا نعود ونتصفح هذا الجمال مجددا

ولك أطيب الأماني بالخير ..

[الخنساء]

صح لسانك ولاهنت
ابيات رائعة ترجمت روعة المعانى
سلمت ودمت بخير

[سعيد الصاعدي]

الاخ الفاضل / ناصر عبيد الهواوي
صح لسانك لاهنت
نص شعري رائع جدااااا
من شاعر جزل
تسلم ويسلم فكرك يالغالي
تحياتي
أخــــوك
س / ص

[ناصر عبيد الهواوي]

الاخ الغالي الشاعر سعيد الصاعدي
لك مني جزيل الشكر وفائق الاحترام
يسعدني كثيرا رايك وتعجبني عباراتك الجميله
جمل الله حالك في الدنيا والاخرة
تحياتي والسلام

[ابو أنس]

ياناصر ابن عبيد ربي يهنيك=يعطيك مافي خاطرك وامتعافي
ما قلته الا مزوح مثلك واجاريك=واعرف شعور اللي يحبون دافي
وان كان قلبك له ضنينن يناجيك=انشهد انك يابيض الوجه وافي
الحب مابه من خجل بس اهنيك=عقلك رزين وتحسب حساب خافي
تخشى من الميله او ظنون توذيك=وانتا نظيف وملبسك دوم ضافي
وانا اعرف الشاعر يصوغ التفاريك=ينظم خياله من خياله ويافي
يرسم صور واللي قرا يحسبه بيك=مايعرف انه صفصف القول صافي

الفاضل ناصر الهواوي ...........
دمت عذب العباره سليم الفطره
تحيتي وودي