قالوا تحب ...درس مجاني في الحب

[الخنساء]

المشاركة الأصلية كتبت بواسطة الطائر المهاجر

قالوا تحب وقلت مانيب ملزوم = لاني عرفت الحب مثل السياسه
داخله مفقودٍ وخارجه معدوم = ومن لا يخطط ينتهي بانتكاسه
كانك مراهق منت ياصاح مليوم= نزوتك تطغى دون فكر وكياسه
كان استمرت عشت فالكون مغموم= وكان انتهت تلبس لباس الوجاسه
وكانك كبير فلا تزل عايش بنوم= قلبك خفيف ويدفعك للتعاسه
العاطفه تحكمك فالغطس والعوم= وعقلك تنازل عن عروش الرياسه
الحب فن وعلم بالعقل مفهوم= والرجل من يكشف غموض التباسه
واللي خبيرٍ يوقع الصقر موسوم= من رسم سحره يحسبنه وناسه
نظره وبسمه تطعن القلب بسهوم= ومادام فارغ تضرب اعماق ساسه
حتى ولو هي جات من قرد بهدوم= نوّخ لذيله لو شديدٍ مراسه
يلعب بعقله لين ما يكسب السوم= ولا من خلص يرميه باقسى جفاسه
فالتايه الجوعان لا من لقى ثوم= ياكله ما فكر بناتج خياسه
والرجل لامنه نشا طفل محروم= من حب امه ينتهي بانعماسه
تلقاه يبحث عن عوض دايم الدوم= ولا هوب داري وش سبب احتواسه
فللأم دور واضح الخط معلوم= باضفاء حنان ما يحدد قياسه
وللأب دور الرفق فالعنف مذموم= وتوجيه ثابت ما تغير لباسه
ينشا الطفل مشبع واذا كبر محكوم = يحكمه عقله ما يبي له حراسه
يعرف يميز حب صادق ومرسوم= ويغرس ولا هو نادمٍ في غراسه

صح لسانك مليون ولايكفون

قصيدة جزلة من شاعر جزل

لاهنت جسدت واقع ملموس

سلمت ودام حرفك

[الهامس]

جزلة من راس جزل
سلمت وسلم قلبك
ولاهنت
ودي واحترامي

[الونيس]

الإستمتاع بالجزالة وناسه
صح لسانك وقلبك يالقرم
لاهنت
ودي وتحاياي

[هاوي القوافي]

صح لسانك
ولاهنت
تقبل اطيب التحيه

[الطامي]

الطائر
صح الاسنك
مبدع كعادتك
شكرا لك

[مبروك بن ماضي]

لــِ حَرفِكَ جُلّ إعجَابِي
أترَاهُ يُوفِيه ؟
تحياتي وتقديري لشخصك الكريم ،

[حمود السكراني]

الطائر المهاجر جميلة

ورائعة سلمت يالغلا

[حي الضمير]

قصيده رائعه من شاعر علم
وتستحق العوده مجددآ
ومليااااااار صح لسااااااانك

[حمود جارالله المزيني]

وصفة نطاس حاذق حريص على علاج مرضى الحب
واعطائهم درسا في الوقاية قبل العلاج ..
طعمها مـرّ نوعاً ما .. لكن الحقيقة هي ماقلت شاعرنا
ولامناص من التسليم بصدقك وتصديقك ..
فعلا كما قال بعض من سبقني بالرد أن في شعرك اختلافاً
خاصة هذه الأبيات التي سأحتفظ بها وأحفظها لديّ ..
سلمت أخا القلب .. وزادك الله حكمةً وصحةً وسعادة

[صعبة المنال]

صح لساااااااانك

جزله من متمكن

صعوووب