تزوجت مسيار ..,...

المشاركة الأصلية كتبت بواسطة غريب الآه

الخيالة أشكرك على طرحك

وبصراحة مدري وش أقولك

بس اعتقد ن المشكلة الرئيسية في انتشار ها النوع من الزواج اهو النساء أنفسهن يعني أنتي وحده منهم

هذي حقيقة أرجو إن لا تثير حفيظتك

ترفضون التعدد وتقومون الدنيا ولا تقعدونها بمجرد ما تسمعون كلمة تعدد إبليس يركب رأسكم وتفكرون في الطلاق

ولا تفكرون في عواقب الطلاق وهنا الرجل يحتار ويقف على مفترق طريق

إما يطلق ويتشرد عياله ،،، أسبوع عند أبوهم وأسبوع عند أمهم

أو يتزوج مسيار وتلقينه يدخل عند مرته وهو طاق اللطمة لأحد يشوفه

على العموم أحب اذكر بان زواج المسيار موجود من زمن الرسول صلى الله علية وسلم يعني ما جبنا شي جديد

اسمحوا بالتعدد وشوفوه وش مصير زواج المسيار!!!

اخوي كل هذا ولا تدري وش تقول

طيب التعدد والمسيار وش الفرق الشاسع يعني ......على قوله الاولين ,,,صبه احقنه ,,,,
يمكن التعدد اشوى شوي كمان ......على الاقل ما تنحرم الزوجه الثانيه ,,,,,,ولا تصير الزوجه الاولى مثل المغفلة .......
صح ولا لا ,,,,,,,,,,,,,
وكما قلنا الزواج المسيار حل مشاكل كثيره في المجتمع ,,,,,,,ولاكن عندما يستخدم بالطريقه الغلط ,,,,وتصبح المرأه كالعشيقه فقط لاغير ,,,,,,,هذا ما قصدته,,,,,,,,
اشكرك اخي على تفاعلك..............

المشاركة الأصلية كتبت بواسطة أم فيصل

عزيزتي الخيالة

والله مشكله الله يعنيها ويفرج كربتها

بس من جد ليش ترضى بزواج المسيار هذا الزواج مو ضامن لها اي حق
احس زواج فاشل وسلبياته اكثر من ايجابياته .....

تحياتي لك

زي العاده ام فيصل تجيب الزبده من الموضوع ,,,,,,,,
اشكرك حبيبتي على تفاعلك ,,,,,,,,,,,,واعتقد ان المرأه ضعيفه ولما تصكر في وجهها كل الابواب لا ابو ولا خوان وقد تكون مشاكل لجلستها لوحدها ,,,,,,تبحث وقد غطى اليأس والحزن حياتها وعيناها فترضى بأي شي ,,,,,,,,
وعلى قولتهم ظهر رجال ولا ظهر حيطه ........

المشاركة الأصلية كتبت بواسطة صعبة المنال

موضوع يستحق المرور عليه
اولا شكرا على الطرح المميز يا خياله وهذا موجديد عليك طبعا
بالنسبة للزواج المسيار هو حل ومو حل وانا مع جميع وجهات النظر ...
قد يكون حل مؤقت بدل من الوقوع فى جرم الزنا .. او العشيقة بمفهوم متطور
بس اعتقد لو كل وحده فينا فكرة بفكرة التعدد كان خف العباء عن كاهلها واصبح عندها وقت تكون مع نفسها ولاولادها وزوجها راح يحس فيه اكثر ويشتاق لها اكثر.. وربنا لم يحل شى الا لانه اعلم بضعاف النفوس وحماية للانسانية ومن سيطرة الغريزة وتفشى الحرام..
انا ما اقدر اكون مع التعدد مية مية الا فى حالة الحاجة والقصور ولا مع الزواج العرفى ولا المسيار ولا زواج القلوب ولا زواج النت ما اكثر انواع الزواج وما اكثر الشبهات ؟؟؟
ارجع واقول قد يكون حل لمشكلة العنوسه فى بعض الحالات للمراة وقد يقع الود ويصبح زواج مشهر والعلم عند الله انا ما افتى لكن الموضوع يستحق التفكير فى ابعاده
اطلت التعليق اعتذر

تحياتى

























صعبة

ها انتي قلتيها هو حل مؤقت هذا ما فهمه الجميع ,,,,,,,,,ولاكن هالمرأه المسيره وش حالها بعد انتهاء المده ؟؟!!
وعلى فكره وش هالقلوب والنت هذي اعتقد علاقات وليست زواجات ,,,,,,,,,,,,

اشكرك حبيبتي على تفاعلك المميز .......

المشاركة الأصلية كتبت بواسطة ذيب السنافي

بسم الله الرحمن الرحيم

وش ذا الزواجات الجديدة زواج قلوب ونت ومش عارف ايش أعوذ بالله ...

يا أخوان أولاً :

كلمة حللوه المشايخ هذي ماتجوز لأن المشايخ ماهم الي يحللون من روسهم ..

فزواج المسيار هو زواج عادي جداً فيه جميع أركان الزواج ولكن فرقه عن الزواج العادي أن المرأة تتنازل عن بعض حقوقها مثل حق المبيت كل ليلة أو حق النفقه أو أي حق من الحقوق وهذا مثل لو تزوج الرجل زواج عادي وتنازلت المرأة عن شيء من الأشياء من حقوقها ولافيه فرق لا في العقد ولا غيره ولكن المشكله فيه السريه وهنا اشترط العلماء لإبعاد الشبهه عن المرأة اشترطوا الإشهار على الأقل في الحارة التي تسكن فيها المرأة عند جماعة المسجد حتى يعلموا أن من يتردد على هذه المرأة هو زوجها ...

بالنسبه للمسيار عرفت كثير من الشباب تزوجوا مسيار وأنا من الناس الي جاني شخص وقالي تعال ياذيب عندنا لك إمرأة مسيار واسكن معها في بيتها ومش عارف أيش ورفضت أنا رفض بات ليس لأني لا أريد الزواج بل كنت محتاج أتزوج لكن مشكلتي أني عندي عزة نفس وأرفض أن تكون المرأة مسؤولة عن المصاريف فإن لم أكن أنا من يقوم بجميع المصاريف وأقوم بدوري كرجل فأني سأرفض الزواج أي كان نوعه .. زيادة على أني أريد تحقيق قوله تعالى (نسائكم سكنٌ لكم ) فكيف ستكون زوجتي سكنٌ لي إن لم يكون الزواج( فل كامل ) يعني فيه إقامة جبرية في القفص الذهبي كل يوم خشتي بخشتها ...

ولكن يجب أن ننظر نظرة متوازنه جداً :

ففيه نساء لايستطعن الزواج زواج رسمي ولكنها مازالت تريد زوجاً فلماذا نمنعها من الحلال الطيب ولربما نجبرها على أشياء ليست مما حلل الله ... وأيضاً هناك من الزواجات التي حصلت بتنازل المرأة عن بعض حقها وهو مايسمى زواج المسيار ووالله العظيم تغير الزواج من مسيار إلى زواج عادي جداً لماذا ؟؟

سأجاوب على السؤال من ثلاث قصص أعرف أصحابها لكن سآتي بالمختصر الذي يجمع نتائج القصص كلها :


فهناك ثلاث أشخاص كلهم تزوجوا مسيار ولم يتم على أكثر واحد فيهم سنة إلا وقد أعلن الزواج زواج عادي بدل أن كان مسيار لماذا لأنهم على حسب أقوالهم أنهم وجدوا زوجه تكاد أن تحملهم على رأسها من الطيبة والحنان ...

ويحلو لي أن أذكر قصة واحد من الزملاء يقول جاني واحد من الزملاء قال ماودك تتزوج ....يقول قلت إلا بس مافيه مادة وأنا مطفر ولاعندي شيء يقول ضحك وقالي ما أحد سألك عن طفرتك تبي تتزوج أنا عندي بنت خاله وأنت رجال ونعم وتعال خلني اتوسط لك نزوجك يقول قلت لا يارجال استحي مالها داعي يقول قالي يارجال بكلمهم أن وافقوا قلت لك يقول وراحت الايام يمكن اسبوع شوي يوم جاني قال أن البنت رفضت بس اخوها اقنعها يقول وأرفض ويحلف علي قال رح أنت شفها بعدين وافق أو أرفض يقول وأروح وأنا مستحي وهي بعد البنت مستحيه يقول ويوم دخلت واشوفها يقول يوم بغيت أنجن بنت مزيونة من جد عيونها كبار (وبيني وبينكم صاحبنا وسيم يطرح الطير من السماء خخخخخخخخخ) وشافته البنت يوم قالت هو دا موافقه ... المهم تزوجوا أذكره بالجامعه وهو وهي صايرين أصدقاء يدق عليها لاضاق صدره وخلص المذاكرة دق عليها وش رايك نطلع كوفي تقوله يله ويروح لها وياخذها ويروحون يتمشون ويفلونها لين الليل ويوديها لبيتهم وصار في البداية ينام عندها يوم في الاسبوع تطورت الأمور صار يومين بعدها ثلاثه بعدين صار كل يوم تخرج الولد أعلن زواجه وأخذها معه لديرته .... فأقول سبحان الله يعني كما أن فيه قصص حزينه فيه قصص سعيده ... ويمكننا أنا نطلع قصص حزينه حتى في الزواج العادي إلي في منطقة الرياض بس كما ذكرلي أحد لجنة إصلاح ذات البين في إمارة الرياض أن الزواج بالنسبه للزواجات القائمة 3% والطلاق بالنسبة للزواجات القائمة 4%

يعني مسألة السلبيه ليست متعلقه في المسيار فقط بل في كل شيء سلبيه وإيجابية لكن الإنسان يكون متوازن وعدل في حكمه ... لماذا ؟؟

لأن فيه نساء مساكين لا تستطيع الزواج إلا بهذه الطريقة وفيه أيضاً رجال لا يستطيع الزواج إلا بهذه الطريقة...

لهذا لا تأخذن مشاعر الغضب لقريب عزيز أو صديق وقع في ورطه بسبب شخص عديم الضمير والأخلاق فنعمم المسألة على الجميع

ووالله العظيم لم أقل الكلام السابق تأييد للمسيار ولكن ذكرت السلبيات ومدعمه بقصه فقمت بذكرت الإيجابيه مدعمه بقصه .. لنكون متوازنين وعادلين في إطلاق الأحكام ...

ولأن الله أحل شيء فليس لنا تحريمه وإن لم يعجبنا ....

أشكركم على سعة صدوركم للإختلاف ...

تحياتي ..

انا متأكده ان الشباب الي قرو ردك بيقولون ,,,,,,,,,
اووووووووووووو ياحظه ,,,,وش هالفرصه الي ضيعها من يده
وان دل على شي فهو على رجولتك وشهامتك ما ترضى ان مره تصرف عليك ولا تكون المسير بل المسار دائما حتى لو على حساب نفسك ,,,,,,,,,


كلامك اخوي سليم ...........

والله سبحانه لا يجيز امر الى وفيه خير لعباده ,,,,,,,,,,,
لاكن نحن وللاسف عندما نستخدم شي او نقدم على شيء نبحث عن سلبياته قبل ايجابياته ,,,,,,,,,,

بس اكيد الكل راح يستغرب واولهم الزوج لماذا هذه البنت توافق على المسيار ............

وشلون يسأل ليش البنت توافق على المسيار ؟؟

هل قصدك أنه بيقول فيها عيب يعني ..؟؟

لا أكيد أنه هو يعرف وهي تعرف أن الفرص أصبحت قليلة ولهذا توافق على مثل هذا أو ربما تكون البنت صغيرة وكل شيء وحلوة ولكن الي متقدم مليان يعني صاحب ملايين تبيع الناس علشانها كل شيء ...

فيعطونه بنت عمرها صغير زي ناس أعرفهم والله أن أبوهم يقول الي يدفع أكثر يشيل حتى أنه زوج واحد مليان دراهم عمره ثمانين سنه بنته وعلى فكرة البنت ماخذها أبوها من الشارع يعني توها صغيره تلعب في الشارع عمرها 11 أو 12 سنه وعطوها ذا الشايب والله العظيم وجعني قلبي يعني صحيح زواج ومافيه شيء بس حرام توها صغيرة يلعب فيها ذا ويرميها بكرة وخصوصاً أن ذا الشايب في نهقه كل يوم ياخذ وحده يومين ويطلق ...

المهم أن ماكل الرجاجيل سوى وموب كلهم شكاكين يشكون في البنت لأنه تزوجت مسيار أو غيره ..

شكراً

[الطائر المهاجر]

سلمي لي عليه ، هذا الرجال ، أخذ ام الشوشه الين جت المنقوشة ، وخلاها تصرف عليه وعليها
ويقولون الرجال مهم اذكى من الحريم .... اذا كان كيدهن عظيم فمن الرجال من هو أعظم كيداً
وش اللي خلاها ما تركد وتربي عيالها ، وتحمد ربها ان عندها راتب ، لكن بعض الحريم
اذا راح الرقيب عنها طلعت مراهقتها .... وعلى نفسها جنت براقش..
زواج المسيار لوحدة لا ولد ولا تلد ، راح عمرها وتبي لعل الله يجيب لها واحد يوافق إنها تخلف منه
اما غيره فهو مراهقة ، والحرمة هي من يدفع الثمن .
لكن مدري احس إن هالقصة ارينب من الخياله!!

اخوي ذيب ,,,,,,,,,,,,

وراك عصبت الله يهديك ..............
اكيد فيها شي غير.. مو معناه انها غلط ,,,,,ولاكن ظروفها غير طبيعيه هذا المقصد ...........

-----------------

ابو عبدالله ,,,,,,,,,,,
افى ,,,,,,,,افى بس يابو عبدالله ,,,,,,,,
هذا الحين ذكاء ,,,,,,امحق ذكاء والله ,,,,,,,,,,استغل هالضعيفه ,,,,,
وهي اولا واخيرا الملامه ,,,,,,,,,,,ولاكن كما قلت سابقا قد تكون سكرت امامها الابواب فلا ولي ولا رفيق فرضت بمن جائها بلا تفكير .......تريد رجل يعوضها ويحن عليها ,,,,,,,,,,وها هي تذوق الويلات ,,,,,,,,,

------------------
وبعدين انا ما عندي لا ارانب ولا قطاوه ولا حمام ,,,,,,,,,,,,وش قصدك يا مشرفنا ,,,,,,,,,,,
والله انها حقيقيه ,,,,,وبنت حمايل ,,,,,,,,,,

هلا باوخيتي الخيالة

لا والله ماعصبت ولا شيء بس استغربت يعني الكلمة ... قلت عسى بس يعني موب شك في أخلاقها .. لأن الظن موب زين .. بس قصدك ظروفها غير طبيعيه هنا يختلف المقال .. والقضية ماهيب سهله أبد يعني صحيح أنا أقول أنه حلال وكل شيء ... بس فيه ناس خربت كل شيء ناس لا تحسب حساب أهم شيء شهواتهم ورغباتهم ومن ثم يفكرون في قلوب ومشاعر الآخرين وهذولا ناس موجودين في كل مجتمع وفي كل نظام للزواج سواءً كان الزواج عادي ولا مسيار ...

شكراً لك يا اختاه

تحياتي ..

اختي الخيالة طرح رائع وخاصة توافق مع الاجتماع الفقهي السنوي واجاز زواج المسيار اعتقد انه زواج كامل الشروط ولاينقصه سوا تفاعل ضمير الزوج وان يفي بمتطلبات الحياة الزوجية حتى لو كان ساير او عابر ولكن كما يقول المصرين ظل راجل ولا ظل حيطة وسامحونا

للمشرف

لكن مدري احس إن هالقصة ارينب من الخياله!!

جبتها يالمشرف
وحلوه أرنب
ههههههههههههههههه