حسبي عليك الله يابتهوفن وياشكسبير

[عمر ال شيبي]

المشاركة الأصلية كتبت بواسطة نجم الإبداع

الي يدور لي علامه جا عبوسن قمطرير =ماخذت حق ابوه والهقوه رجع من دونها
الريس الي يحكم الدوله لمثلي يستشير = واهل العيون الحاسده ياجعل يعمي نونها
ليت انور السادات طاوع قبل موته للبشير=لن كان نهر النيل هضبة نجد به يسقونها
الروح مادري وشبها ملت من الوضع الاخير =نيّات غدر مبيته والعارفه يدرونها
والله اني ادرى العاقبه لكن موجات الاثير=تنقل لي الاخبار والحالات من مضمونها
حسبي عليك الله يابتهوفن وياشكسبير = غيرت منطوق العروبه والقصص يروونها
ضاعت بلاد الرافدين اليوم والحاضر خطير=فارس وجيش الروم والغارات حول حصونها
مات الفوارس بالعرب من عهد موسى بن نصير=واهل المواتر بالبراري ماشيه طبلونها
ماباقي الا اهل التطاول في البنا واهل الحرير=اهل السيوف الرهف صارو بالذهب يطلونها
اهل الردى واهل التقى واهل الهوى والزمهرير=كلن على الطرقه يهين جوارحه ويصونها
تغير المفهوم والعادات ماتت والضمير=ميت مع التجار والسلعه بدو يغلونها
واهل القروش اليوم ماقد خرجو حق الاجير=وديارهم لاقامت القالات مايحمونها
اهل الكروش المتخمات الي كلو حق الفقير=من جمر يوم الدين والزقوم له يملونها
الي يخطط خطته ماجاب ناقه والبعير = ماجاب غير الكارثه وصحابته يحدونها
اخر زمان اشوف بين الناس شرن مستطير=وبنت بقعى رزت التيزار بين عيونها
قامت تلاحقني وانا ادري ماورى الخفرات خير=ماهيب ليلى العامريه او انا مجنونها
جت بالحطب شب الحطب وابليس منها يستجير= وانا حلفت ان جات لاكْسر بالايادي شونها
ماجيت طالب قربها عندي من الايام خير = في كل ملقى لو تجي عادت بغير اسنونها
واستغفر الله في زمان النت عانينا الكثير=والناس شفناهاصفى والي بسوء ضنونها
ماشي على وضح النقى والي هقى عود كسير=صفحات بيضاء ناصعه ماغيرو في لونها
اود راعي الود والي ياتعدوى عنه اسير = والي يواجهني من الشعار يقصر بونها
عندي محيطات القوافي والجزاله والعسير=وتاج الحطيئه والفرزدق منظبط قانونها
اقول ماشاء الله ليا شفت الذي سر الامير = واحمد جليل الملك لاشفت الذي يحزونها
الي يبا كحل العيون العور لوّ انه سمير = مايرحم الفارس قبيله لو يبْقر بطونها
ياكم رحمت اهل المشاعر ثم لاقيت المصير=واليوم جمر الغيض لامن صب يمحي فنونها
اقعد على الفرش المسجى يوم خصمي بالحصير=حاكم زمام الشعر والغاوات مايقوونها
عزي برب البيت في دربي وهو نعم النصير = مانحقر العربان واصحاب الوفاء يقرونها
ادري ان فيه اشخاص لاناظر قوافيه يمير = والبعض يعقدها ويعرف لزمها بمرونها
واعوذ بالله من زمان العولمه والقمطرير =والفتنه الي جت من المشرق تطل قرونها
جودي من الماجود واعذر يوم تقرى ياخبير=والختم صلو عالنبي المختار عد متونها

بحر يا بحر الشعر والمحيطات

صح لسانك يا جزل

[الحربي عبدالله]

صح لسانك اخي نجم
ولاهان راسك

[أم ريما]

ضـاعـت بــلاد الرافـديـن الـيــوم والـحـاضـر خـطـيـر

فــارس وجـيـش الــروم والـغـارات حــول حصـونـهـا

مات الفوارس بالعرب من عهد موسى بن نصيـر

واهــــــل الــمــواتــر بــالــبــراري مــاشــيــه طـبـلـونـهــا

ماباقـي الا اهـل التطـاول فـي البنـا واهـل الحـريـر

اهــل السـيـوف الـرهـف صــارو بالـذهـب يطلـونـهـا

صح لسانك

ولاهنت

[الخنساء]

واعوذ بالله من زمـان العولمـه والقمطريـر

والفتنه الي جت من المشـرق تطـل قرونهـا

جودي من الماجود واعذر يوم تقـرى ياخبيـر

والختم صلو عالنبـي المختـار عـد متونهـا

لاهنت قصيدة اجبرتنى للعووووووودة

[بدر العيد]

الي يدور لي علامـه جـا عبوسـن قمطريـر
ماخذت حق ابوه والهقوه رجـع مـن دونهـا
الريس الي يحكـم الدولـه لمثلـي يستشيـر
واهل العيون الحاسده ياجعـل يعمـي نونهـا


بما ان القصيدة من ابداع اخي فلاح فلابد ان تكون بهذا الرونق
الرائع

صح لسااااانك

[حوريه]

ماباقـي الا اهـل التطـاول فـي البنـا واهـل الحـريـر
اهــل السـيـوف الـرهـف صــارو بالـذهـب يطلـونـهـا


صح لسانك

[بنت العز]

صح لسانك وجاد بنانك
رائعه وجزله من شاعر جزل
دمت ودام حرفك

[عبير الورد]

الروح مادري وشبها ملت من الوضع الاخيـر
نيّـات غـدر مبيتـه والعـارفـه يدرونـهـا











عدنا للتميز والإبداع
صح لساااانك ملايين
ويعطيك الف عافية

[داعي الشوق]

الي يدور لي علامـه جـا عبوسـن قمطريـر

ماخذت حق ابوه والهقوه رجـع مـن دونهـا

صح لساااااااانك

[الخنساء]

واعوذ بالله من زمـان العولمـه والقمطريـر

والفتنه الي جت من المشـرق تطـل قرونهـا

جودي من الماجود واعذر يوم تقـرى ياخبيـر

والختم صلو عالنبـي المختـار عـد متونهـا

صح لسانك قصيدة اجبرتنى للعوووووووودة