تعال يالطاير لاهنت

[عبدالله مذكر العقيلي]

بعد هذي ترى اسمك ياوسيع المعرفه مشطوب=من القلطه وخلك بالنظم ياليل ياعيني
ترانا نشرب الفجال ونتم تشربون الكوب=وغوص البحر يومنك على الشاطي تطالعني

[زهرة اللوتس]

صحت السنتكم متابعين

[عبدالله مذكر العقيلي]

تشرفت بالمتابعه

الله لايهينكم

[الطائر المهاجر]

الا يافاهم القلطه ترى هرجك مهو محسوب= فلو ترجع لاساس اللعب تدري ويش يقلقني
تبون الملعبه بالكيف ولاتدري عن الأسلوب= تحسب الفتل وإلا النقض من كيفك وتلزمني

[عبدالله مذكر العقيلي]

الله يرجك وين ادورها

هههههههههههههههههههههههه

[عبدالله مذكر العقيلي]

انا بنحت صخر وانته تعال وفسر المكتوب=بيوتٍ بين كل الناس يالطاير تشرفني
ليامنك نقضت البيت انا بعطيك طاقة ثوب=ولكن لوعجزت تفسره لاعاد تزعجني

[الطائر المهاجر]

بيوتك من صفيح اصدى واظنه بالخفاء منهوب= تلق السقف لا اوكف عليك ولا تخاصمني
تحسب انك فتلت القاف وفتلك منتقض من صوب= فخل الفتل لاصحابه ودق الطار تطربني

[عبدالله مذكر العقيلي]

ههههههههههههههههههه

صح لسانك

تشرفت باللعب معك واستأذنك

بيض الله وجهك

واشكرك واشكرالاخوان والاخوات المتابعين



تصبحون على خير

[الطائر المهاجر]

شكرا لك وما قصرت
والشكر ايضا للحضور
وحقيقة انا دوبي احمي
لكن مادام تبي المخلاص على كيفك
لاهنت
تحياتي

[ترانيم المطر]

لله دركما

رائعيين

دمتم بود