<< قلعة الآمال >>

[ابومياس]

خويي علـى الإيميـل والجـوّال
0000000000يقفي مانـي فـي خوتـه ملـزوم
وش خانته لا صك جـالٍ جـال ؟
000000000000دام التواصـل بينـنـا مـعـدوم
إلـى دعيتـه جـاري الأرسـال
00000000000وأنـا رهيـن الواقـع المشـؤوم

ماجد المهنا

رائع رائع رائع

نص جزل لاهنت

صح لسانك وبيض الله وجهك

دمت بخير

صح لسانك ولاهنت

نص جميل يحمل كثير من الصور الجماليه

احييك على شاعريتك الفذه و اسلوبك المتميز

تحياتي لك ....

[سناعيس]

ماجد المهنا
صح لسانك
على هذه الرائع
جزله من جزل
لاهنت وبيض الله وجهك

تحياتي

لاهان راسك قصيدة رائعة
ترجمت روعة الاحساس
سلمت وسلم شعرك
دمت بخير

[النهج المختلف]

ماجد المهنا صح السانك ,,,
على البداع وجمال القصيدة معانيها الرائعة ,,,
لاهنت يالغالي ,,,تحياتي وتقديري,,,

[الطائر المهاجر]

امتعتنا بهذه الرائعه
صح لسانك
ولاهنت
تحية وتقدير

[محمد عبدالله البدراني]

المشاركة الأصلية كتبت بواسطة ماجد المهنا

السلام عليكم ورحمة والله وبركاتة


نغيب وطيبكم مايغيب


متواضعه أن شاءالله تجوز ألكم


<< قلعة الآمال >>

هجوس الشّعر كل ليل فـ أسترسال = تمنع عيوني من لذيذ النوم
يطحن رحاها فكري الشغّال = لين المعاني تبلغ الحلقوم
مالي معَ بدع القصيد إشكال = من دينمو الافكار للبلعوم
دايم على ذا الوضع والموّال = للجزل في قضيّتي مرسوم
صوتي يبي له حنجره واحبال = من سلك فولاذ وذهب وكروم
اربْ ناصية الشعر تحتال = فرايدن من دري المنظوم
اصعب على النقّاد والحبّال = من ساعته في يومه المحتوم
كم واحدن حدّر عليّ ومال = وأقفى عليه من الزمان ثلوم
كفي شطير وصكتي سلال = واسمي قلق واطلالتي جاثوم
طبعي كذا ماجامل الجهّال = من دون عمري مالحقني لوم
فـ انا عدو الذلّ والانذال = وانا رفيق الكايد الشغموم
ذكري معَ الوافين طيّب فال = والله مجنبني عن المذموم
لو ان جيبي مايضمّ ريال = ماجيت مستعطي ولا محروم
عليّ سرابيل الغنا سربال = ورثتها من ( زايد الملطوم )
وإلى قصرني شيء بأية حال = ماكامل الا الواحد القيوم
للصبر في عيني شُعب واشكال = واجلّها صبري على المقسوم
ماكل شيءٍ فالضمير يقال = بعض الامور تشيّب المفطوم
خج الضلوع الطاري القتّال = خلا تحت عيني أثر ووسوم
ما وقّفتْ رجلي على الأطلال = حتى عصاني قلبي المكلوم
من كثر مادمعي يشبْ وسال = ماعاد عندي ثوب فيه اكموم
خلقت اجاهد راحل ونزّال = من وين ماوجّه لقيت هموم
أحسّ بالتهميش والأهمال = ماكن لي ديرة وربعي قوم
قد لي سبوعين وثلاث ليال = كل يوم وانا اقول هذا اليوم
بآسج وابني قلعة الآمال = واعيّن اطيور الضياع تحوم
لا حول صدق ومطولك يا بال = وَ حوم كبدي من سنيني حوم
واعدت لي عشرة وانا جمّال = مافيهم اللي زبن المضيوم
مافيه داع اشمّت العذال = واذيع سري واظهر المكتوم
لابد ياتي للفرج مدخال = واذوق من رحيقه المختوم
خويي على الإيميل والجوّال = يقفي ماني في خوته ملزوم
وش خانته لا صك جالٍ جال ؟ = دام التواصل بيننا معدوم
إلى دعيته جاري الأرسال = وأنا رهين الواقع المشؤوم
عجزنا نحايل حظنا البطّال = نبكي على ماضيينا المردوم
إلى اغتنت مدينة العمّال = راحت على راع العزوم عزوم
غدا الرئيس بكفة الحمّال = من يلتفت في سورها المهدوم ؟
يا رب أجرنا حزة الاهوال = جار الزمن وتغيّر المفهوم
تتعاقب الأحداث والاجيال = كنّا بذاكرة الليال حلوم
الناس تفنا , والقبور تهال = والوقت يمضي , والسنين تشوم !!

ماجد المهنا

العزيز الموقر ماجد المهنا سلمه الله


والله وانعم ياماجد والنعم بزايد الملطوم

سلمت ودمت

والف مليون صح السانك

هذه تحياتي
مع اسمى ايات الشكر والامتنان فائق التقدير واطيب المنى رعاك الاله

[النهر الخالد]

الاخ الشاعر القدير

ماجد المهنا

صح لسانك ولا هان راسك

ابدعت فيها بيض الله وجهك

جزاله ومعاني وافيه


تقبل تحياتي وتقديري لك

[الطائر المهاجر]

ترفع لمزيد من الردود التي تستحقها
صح لسانك واعتلى شأنك
ولاهان راسك
تحياتي واحترامي

[صوت الإحساس]

صح لسانك مليوووووون





صاااااااااادق الود