البديل

[ســُلاف]

المشاركة الأصلية كتبت بواسطة الطائر المهاجر

تم ترشيح هذا الموضوع ضمن مواضيع الأسبوع المميزه

الف مبروك اختي الفاضلة
مع أطيب تحياتي

من بعد اذنكم
الطائر المهاجر
جميل ان نجد من يتابع ويحرص على تشجيعنا
صدقني بقرارة نفسي اقول تمنيت لو قدمت الأفضل
الله يبارك فيك وفي الجميع

سـُـلاف
تدرين الأسعار ماندقق فيها لإنه مو احنا اللي ندفع
لا بس جد سعر علبة الحليب يمكن من 45 إلى 47
هذا غير حليب نيدو اللي ارتفع العلبة الوسط إلى 52 الظاهر والكبيره صار بـ 70
الأسعار مو دقيقه فيه قروش وهلالات ما أدقق فيها
( بنت عز الأخت )
وفيه بعد جبنه كرفت اللي بالعلب الزرقا الصغيره صايره الوحده بـ 3 ريال
فيه بديل لها نفس الشيء جبنة تشيدر أو المراعي بـ 2 ونص
وفيه القشطه نستله صايره بـ 3 ريال أول كانت بـ 2 ونص
وفيها بديل لهـا التاج إذا ماتغير سعرها ولا فيه كثيـــر غيرها عاادي ماراح تتعبون

وراح أرجع كل ما أتذكر شيء
مشكوره يالغلا
دمتي بخير

المشاركة الأصلية كتبت بواسطة ابومياس

الكوسة ارتفع سعر الكيلو من اربع ريالات الى 15 ريال والليمون من 5 ريالات الى 10 ريالات

صار لنا يومين نقول لأخوي يشتري كوسه وليمون
يروح يرجع يقول مالقيت شيء
خلاص عرفت السبب الحين

[راجي الحاج]

مبارك عليك التميز اختنا الفاضله


موضوع طرحه مهم


شكرا لك

[الغريب]

ســُلاف


موضوعك قيم جداً

وانا اضم صوتي لك ولكل الاخوان والاخوات

عن نفسي

بخصوص المنظفات فيه محل في الشرقية اسمه رامز

يبيع كل 3 حبات من 10 الى 15 ريال انا اخذ من عنده المنظفات

السفر 3 ربطات بـ 5 ريال ، الصابون السائل الخاص بغسيل اليدين بعد الغداء

البرميل الكبير تقريباً 2 لتر بـ 10 ريال وانا افرغه في علب غسيل حلوة الشكل

عندك النشاء 3 بـ 5 ريال نوعية صناعته سعودية وجيده

اكياس البلاستيك وصحون الورق كلها من عنده يعني اعبي الموتر تقريباً بـ 500 ريال تكفيني

من شهر ونص الى شهرين ،،،،،، خلال شهرين تصرفين 500 ريال منظفات انا اشوف انها ممتازة


باقي المقاضي بصراحه مشكلتنا نعيش في اغلى مدينة سعودية يعني ادخل

السوبر ماركت والله العظيم اطلع من 1500 الى 1900 ريال طبعاً سكان

الرياض والمدن افضل مننا بحكم كبر السوق اعطيكي مثال الطماطم يتروح من

20 الى 28 ريال الفلينه البيضاء

يعني تدخلي السوبرماركت بـ 500 ريال انسيها واعتبريها من المصروفات المنتهية

[بارقةأمل]

500ريال كلشهرين على المنظفات مبلغ كبير معناته أنكم مبذرين بزيادة

الخضار لا تشتري بالكيلواللي تقدر تاخذه بالكرتون مثل الباميا والفاصوليا والأشياء اللي يمكن تجميدها يكون أفضل وأرخص

أنا من طبعي نجيب كميات كبيرة وأجمدها من زمان عشان يكون تعبها مرة وحدة أقطع وأنظف وأجمد وبحط لكم طرق التجميد في موضوع التجارب

والبلاستيك عموماً آخذه من حقين الجملة للبلاستيك وأشتري بالكرتون
أرخص لي ويكفينا مدة سنتين ثلاث في هالحدود أشتري من كل حجم ولون
وأنساها لاهي اللي تنتهي مدتها ولا تتغير

المنظفات عندكم هذا المنظف وتلاقون طريقتي فيه في موضوع تجاربي مثبت في قسم المطبخ والديكور((http://www.fatahilah.com/showthread.php?t=11496))





هذا ممتاز وآخذه بعشرة ريال ووقت العروض يوصل 7ريال ولو تشتري بالجملة يطلع لك
بــــ6 ريال

المهم مثل ماقالت صعبة نصف المصاريف تكون بسبب الخدم لأنهم مايراعون الكفيل يحسبونه جالس على بنك
وحلال عمك لا يهمك

الخدامة من يوم تجي وأنا ماسكتها ومعلمتها على كيف تستعمل المنظفات ولا أعطيها إلا العملاق والباقي أحذرها تلمسه دون ما أأمرها
وكل شي طريقة إستعمال الصابون وكمياته كل شي مقنن عشان ما تقول ما قلتوا لي

[العيناء العامريه]

مبروك تميز الاسبوع

الف مبروووك و عقبال كل اسبوع و تستاهلين كل خير

مبروك التميز وانشاء الله يكون حافز للتقدم

اما من ناحية الموضوع فنحن لاحول لنا ولا قوة تفرض علينا الاسعار فرض من اعجبه يأخذ ومن لم يعجبه (يسف من التراب ) لأنه لايوجد عندنا بحر
فنحن في مدينة نسيها الزمن فلا توجد لدينا خيارات مع ان التعداد السكاني فوق ال200000 الف نسمة فالتاجر واحد ومن يجارية يسقط سهواًفكأننا في زمن الاشتراكية

[ابومياس]

موضوع يستحق التميز لما به فائدة للجميع

الف مبروك سلاف

[صعبة المنال]

المشاركة الأصلية كتبت بواسطة ابومياس

طيب اختي صعبة

المستورد وقلنا بسبب ارتفاع النفط في الاسواق العالمية
ومايترتب على ذلك من ارتفاع عكسي على البضائع المستوردة
وهذا شي طبيعي 0

لكن الغير طبيعي المفروض ارتفاع الاسعار تكون متناسبة مع ارتفاع اسعار النفط
لكن ان يكون ارتفاع الاسعار 200% هذا مبالغ فيه 0

ومن ناحية اخرى المواد الغذائية الوطنية ايش اللي رفعها والا اسوةً بالمستورد
يعني وش معنى ذولا ياخذون ارباح ونحن نبقى على ارباحنا السابقة 0

اليوم ذهبت الى سوق الخظار ووجدت الاسعار شي لايبشر بخير

الكوسة ارتفع سعر الكيلو من اربع ريالات الى 15 ريال والليمون من 5 ريالات الى 10 رالات
الطماطم كذلك 0

ما احب ان اقوله اننا نعيش في دوامة جشع التجار وغياب المراقبة من الجهات المسؤوله
عن مراقبة الاسعار او حماية المستهلك0

يا ابو مياس
انت تحدث عن الغلاء وبالتالى حتى المواد الاساسية التى يتعامل بها المنتج الوطنى زادت عليه فى التكلفة بالتالى الانتاج والتوزيع زاد ... وانا بحكى لك شى نحن دوما ننظر للمواد المسعرة باسعار رخيصة على انها اقل جودة .. حتى لو كانت وطنية لان النعرة فينا فى حب الماركة قبل المنتج الذى سوق نفسه لنا اما اعلاميا او حتى من الناس نفسها ...
هذى الفترة بالنسبة للخضروات زاد السعر نتيج البردد القارص وضرب موجات الجليد الكثير من المناطق التى يتم الزراعة فيها هذا شى
كل المواد التى تستخدم فى الزراعة زادت تكلفتها على الدولة فى التعويض وعلى المزارع لنا صديق فى الكويت قال ان خسارته كانت 300الف لتجميد المحصور من طماطم وخلافه فقرر ان يزرع الورقيات لانها اسهل فى قلب التربة واعادة الزراعة من الطماط مثلا الذى يحتاج الشتله منه لاكثر من شهر لتكبير ووقت حتى تنتج

هذى وجهة نظر
لكن انا متاكده انه راح ترجع اسعار الخضروات لكن علينا انا نعود\ انفسنا اقل ما فيها ناكل الخضروات الموسيمة مثل الملفوف والقرنبيط والسبانح والخبيزة


صعبة