ياجاهل بالطير هذي علومه

[الطائر المهاجر]

شكرا لأخي عبدالكريم
على كريم الحضور والتفاعل
لاهنت
تحياتي

[سناعيس]

كفو كفو
الطائر المهاجر
شهادتنا فيك مجروحه
ومانقول الا صح لسانك
وبيض الله وجهك

تحياتي

[قديم الشوق]

المشاركة الأصلية كتبت بواسطة الطائر المهاجر

ياجاهل بالطير هذي علومه= ركز لعلك تفهمه بالسجايا
حر كريم النفس قيدوم قومه= ماهوب صعلوكٍ يدورعطايا
له نظرة في الخلق صقره وبومه= وله ضربة كالسيف في اهل الدنايا
منهاجه المعروف باعلا رجومه= كالشمس تعكس في وجيه المرايا
ما حسّب لحصني يبدل هدومه = ولا هاب ابو وجهين مخفي النوايا
يضرب على الكايد بنفس جزومه= ولا خاف من غطس البحر والهبايا
ولا له في الاجرب لو تعلت سهومه= ولا هو خوي اللي تزايد خنايا
طيّب مع اهل الطيب لوهم خصومه= ونارٍ على اهل الخبث واهل الحكايا
مجلسه بيّن واضحات رسومه = ما يدخله نفوٍ غرق في الخزايا
ومن كان في ظنه تعلت نجومه = طيحته سهله لا مشى في الخطايا
مجلسك مع رجلٍ يداري سلومه = ولا عشرة فيهم طباع الحيايا

الشاعر المبدع / الطائر المهاجر

صح لسانك وأنا أخوك

قصيدة جزلة من شاعر ٍ جزل وغني ٍ عن التعريف

شكراً لك من الأعماق

وتقبل فائق احترامي

[سلطان العطاوي]

الطائر

كفو ثم كفو


صح لسآآنك وأعتلا شانكــ...

قصيده رائعه بروعة حضورك

لا خلا ولا عدم

تحيتي

[مسلم عواد العميري]

حر كريم النفـس قيـدوم قومـه
ماهـوب صعلـوكٍ يدورعطـايـا
له نظرة في الخلق صقره وبومـه
وله ضربة كالسيف في اهل الدنايا
لله درك يالطائر المهاجر
قصيده والله توقفت امامها كثيرا
لروعتها وروعة ماتضمنته من بلاغه
ومعاني وحكم تستحق الوقوف عندها.
لافض فوك يالحر,,,,

[الطامي]

الطائر
صح السانك ملايين استاذي
وافية من وافي وهادفة الى اابعدالحدود
وياجاهل بالطير هاذي اعلومه ++ يالله عسانا سالمين منها
ههههههههههههههه
لاهنت وشكرا لك

[فهد حنس العتيبي]

الطائر المهاجر


اشهد بالله انك قصدت وحبكت وسبكت
هذه القصيده التى اجزم من بعيد
ان لها وقعا وموقفا اجبرك على كتابتها
وبالتالى يأتي القصيد ذو المواقف يهز المشاعر
غير من يأتي كخيال واداء واجب ما

درررررروس وخطوط حمراء اشتملت عليها هذه القصيده
التوعويه اللاذعه بحق من يستحق
والمادحه لمن هم اهلا للمدح
دمت
هاليوم وكل يوم

[الطائر المهاجر]

شكرا للفاضلة حورية
على كريم الحضور والتفاعل
لاهنتي
تحياتي

[ابو أنس]

الفاضل ابو عبد الله................
كان بودي ان أمازحك
ولكن النص له هيبته وحضوره القوي
ولاشك ان له محرك قوي ومؤثر
وكما هي عادة نصوصك تتضمخ بالجزالة وسمو الهدف
كل الشكر ووافر التحايا

[عبدالعزيز العمار]

الغالي ابوعبدالله ...

صح لسانك وجاد بيانك ...

والنعم فيك وكفو يالقرم ..

تحياتي وتقدير ي