التحدي بين الشعراء وغير الشعراء

[منيع]

المشاركة الأصلية كتبت بواسطة أم فيصل

مشرفنا المــــبدع

روعـــــــــــــه الفكره مره تجنن يعطيك العافيه
بس ان شاء الله هاللعبه تلقى تفاعل من الشعراء والأعضاء

الف شكر لك هاللعبه الحلوه وانا ببدأ

كنت احبك حب فوق ما تتخيل وابيك شريك لحياتي ولاتوقعت يجمع بيننا القدر
وكتب لنا الله نعيش مع بعض ويزيد حبنا وعشت معك احلى حياه فشكرا لك يا شريك حياتي

ترجموها ل3 ابيات شعر

شكرا لك مشرفنا وتحياتي لك

--------------------
هذه مشاركتي للاخت الفاضله ام فيصل

كنت احبك قبل تجمعنا الاقدار=الله خلق روحي وروحك حبايب
واليوم يوم الود حشمه ومقدار=عزك تعلى فوق هام السحايب
سعادتي وياك والانس والدار=وهذي مناتي من جميع الطلايب

[منيع]

المشاركة الأصلية كتبت بواسطة عهود

عبارتي
أشتقت لأمي وأبوي وأشتقت للعيش معهم زهقت من الدراسه
كنت من المتفوقات بس يومصرت بعيده عنهم صرت يادوب أنجح ودي أرجع زي أول وأعيش معهم طول عمري
بس الظروف تجبر الواحد ليه يايمه تركتيني أعيش بعيد عنك

------------------------------------------------------
مشاركتي للاخت عهود

امي وبوي اللي رعوني باالاحضان=اليوم فرقنا زمان الدراسه
بعيده وقلبي معاهم بالاوطان=لاشك منهاج العلا له حماسه
لابدمانرجع ونكحل اعيان=بشوف اغلااحباب قلبي وناسه

طيب من يترجم أحساسي وأعطيه بوسة على راسه

((أحببت ذلك العصفور الجميل ولكنه لايعلم بما في داخلي ويحسبني أحب غيره وهو لايعلم بأنه هو المقصود وهو الذي أسعى لقلبه)) <<<<<<<<ترى ذي سوالف لا تصدقون بس نبي نشارك في الموضوع

والله احترت صراحه كل 3 حلوات ومؤثرات بس مادام اللعبه تتطلب اقول النسب يالله
الطائر المهاجر:100%
ابو انس _منيع :قصايدكم عن جد حلوه تسلمون:75%

[منيع]

المشاركة الأصلية كتبت بواسطة غريب الآه

بذمتك ماتعبت من الهجر ولا اشتقت لجلستنا وضحكاتنا وش فادك العناد قولى منهو الخسران احمدالله انا ماني بغلطان

انت تحاول تفرض على اشياء ياما وياما مشيت لك وتنازلت وقلت لعيونك كلش يهون

ان جيت تراني ميت شوق وان بغيت تطول هجر لابد يجي يوم وتشتاق و وقتها خذ العزاء فيني


مدري انا في صميم اللعبه ولا لا

لاتكذب الاقدار بالحيل مشتاق=يالعنبو عزالنفوس وقشرها
احيان بعض البعد حرمان ورهاق=لاتقتل الافراح وتسكن قبرها
اغنم زمانك يكفي الصد وفراق=اليوم ولانلتقي في حشرها

هذه مشاركتي للاخ غريب الاه

[الغريب]

فديتك يا منيع

تصدق تصلح رسالة بجوال أخر الليل

[منيع]

المشاركة الأصلية كتبت بواسطة ذيب السنافي

طيب من يترجم أحساسي وأعطيه بوسة على راسه

((أحببت ذلك العصفور الجميل ولكنه لايعلم بما في داخلي ويحسبني أحب غيره وهو لايعلم بأنه هو المقصود وهو الذي أسعى لقلبه)) <<<<<<<<ترى ذي سوالف لا تصدقون بس نبي نشارك في الموضوع

الحب القشرلاتعلق قلبك بواحد=تحبه وهوداله ولاعنده خبر
المح لبوغفله ولاداخل احد=يرقص على احزاني ولاهومعتبر
قتيلك المسكين واصل للحد=متى رعاك الله فيني تنجبر

مشاركتي للاخ ذيب السنافي

[الطائر المهاجر]

بذمتك ماتعبت من الهجر ولا اشتقت لجلستنا وضحكاتنا وش فادك العناد قولى منهو الخسران احمدالله انا ماني بغلطان انت تحاول تفرض على اشياء ياما وياما مشيت لك وتنازلت وقلت لعيونك كلش يهون
ان جيت تراني ميت شوق وان بغيت تطول هجر لابد يجي يوم وتشتاق و وقتها خذ العزاء فيني

بذمتك ما تعبت من الهجر = ولا تذكرت جلستنا سوى
يوم نضحك ونسمر للفجر= بحب طاهر ولا يعرف غوى
ورحت عني مهو بحكم القدر = انت قررت وقليبك قوى
مهما حاولته ايعيد النظر = في عناده هجرني وانزوى
تحسب إن الغلط مني بدر= وانت منهو مضيّع للروى
تفرض اللي تبي لو به قهر = ارفضه .. لا ..لو مالك لوى
ماني خسران انت اللي خسر= وكل قلبٍ على ماهتوى
ان تجيني ترى شوقي حضر= وان تكابر فانا عمري ذوى
يوم تذكر إذا جاك الخبر = يوم نعيي وعودي التوى

[الأمـــل]

رائع ،ماشاءالله عليكم
بس في رأيي لويكون فيه ترتيب لكل عبارة ومعها الشعر خاصتها حتى يسهل تقييمها ويكتمل الاستمتاع

[الطائر المهاجر]

هذي يمكن التغلب عليها لاحقا
بإعادة الترتيب
المهم الآن نشوف التفاعل لأن المنفعة اكبر من مجرد مسابقة