أنا على همي تكتمت ياسعود

[الطائر المهاجر]

ترفع لمزيد من الردود التي تستحقها
صح لسانك واعتلى شأنك
ولاهان راسك
تحياتي واحترامي

[العيناء العامريه]

المشاركة الأصلية كتبت بواسطة عوض العتيبي

[move=up]
كلن على همه يعد المواجع = وأنا على همي تكتمت ياسعود
من ماوضح بالعين ماهوب راجع=والمال ماله في رجوعه ولا فود
ولايرجعه كوم البشر والجعاجع =ولا ترجعه دمعات ضايق وملهود
يضيق في الكون والطير ساجع=وتضيق بي نفسي لياهبت النود
واعاف من حلو الكرا والمضاجع=واجلس أحسّب حسبت النقص والزود
يسريبي الهاجوس والكل هاجع =لاخر مدى والناس في نومها رقود
ماهو هوا لام الثمان اللواجع =اللي شعار الموت بعيونها السود
ولاهو طمع بالمال والا المراجع=الله كريم وقسمته مالها حدود
الا من اللي لاذكرته أنا آجع =واصير أنا كني من الناس مظهود
ويصيبني من بين الاضلاع فاجع=كنه تمثنى الجوف ملحاً وبارود
واكثر عذابي لاذكرت المفاجع =وذكرت من كان امس بالعين موجود
جنت جنوني ثم عفت المهاجع =ياليتني فالمهد أنا مت مولود

ماشاء الله

صح لسااانك ولاهنت يا خوي

تحياتي يالعتيبي

[داعي الشوق]

صح لسانك يالشاعر

قصيدة جميلة ورائعة بروعة شاعرها

تسلم وصح لسانك مع التحية لك

،،،،،،،،،،،

[صعبة المنال]

صح لسااانك

التميز يجبرنا على العودة

صعوووب

[همس الورد]

الشاعر الفاضل

صح لسانك

و صح بدنك

رائعة كما عهدنااااااك

لاهنت

[صعبة المنال]

للتميز عودة

صح لساااااانك

صعووووووووووووب

صح اللسانك مدد بلا عدد

عافاك الله أبدعت وأجزلت لا هنت ..

كلمات في غايه الروعه ..

سلمت

[صنداح الزلامى]

الشاعر عوض سحمان العتيبي

صح لسانك واعتلا شانك شاعر كبير ياعوض

اعجابي واحترامي لك ودمت بخير حال

[داعي الشوق]

صح لسانك يالشاعر

مع التحية لك

،،،،،،،،،،،

[ام العمده]

صح لسانك واعتلا شانك لاهنت على هذه الشامخه دمت بخير