متى تحج البقرة على قرونها؟

[الطائر المهاجر]

ههههههههههههههههه
بلاك ما تدري وش علاقة اهل الحوطة بالبقره وإلا كان ما تلومهم

[حوريه]

يووووووووووووه يا حورية والله حاجات ومواقف خليها على الله

بس حقت البقر هذي والله إنتي خطيرة فيها

جبتيها لي وهي عزيزة علي والله ،

يخليك ربي

المهم ياداعي لا تنام الليله

تذكر لنا مواقفك الحلوه

كل ما ذكرت الصحن الدوار قعدت اضحك

وسألوني الي حولي وش فيك تضحكين

واقول لهم على القصه ويفطسون ضحك

الله لا يعيده من صحن <<< حاسه فيك لأني مجربته

[حوريه]

قال ايش قال فروق فرديه يامالا الفرد الي يرمونك فيه بس بدون فشق
0000
حوريه ذكرتني بسالفه اثنين حواطا كانوا مسافرين بيجون للرياض وكانت ذيك الليله برد قارس أحيييييييييييييك
المهم وقفو يبون يصلون ووقف معهم واحد مطوع شافهم يبون يصلون قال فرصه نصلي جماعه .. المهم شافوه مطوع ولحيته طويله وقالو صل بنا وأمهم الرجال وقام يقرأ سورة البقره وطول الرجال وذبحهم البرد والتفت الحوطي على خويه وقال هذا وش يقرا قال الثاني يقرأ سورة البقره قال وش يبي بالبقره جعلها توطاه ذبحنا ذالبرد وسمعهم المطوع وكبر للركوع وكمل صلاته بسرعه ويالله يتمالك نفسه من الضحك ويوم سلم قال عيدو صلاتكم انتم تكلمتوا وحنا نصلي الله لايعيدها صلاة معكم

هههههههههههههههههههههههه

سناعيس منتب صاحي أنت وهالحواطا على هالقصه
جعل ما يأم المسجد الي حولنا حوطي خاصة في رمضان

[داعي الشوق]

المشاركة الأصلية كتبت بواسطة الطائر المهاجر

انا اول مرة سمعت : الى حجت البقر على قرونها
يوم كان عمري حوالي 5 سنين ، روحني الوالد رحمه الله
إلى واحد يطلبه فلوس الله يرحمه ، الظاهر الوالد عارف انه مارايح يعطيه ،
وطقت عليه الباب وطلع وقلت له الوالد يسلم عليك ويقولك انه يبي القريشات
اللي له عندك ، قال لي : سلم عليه وقل له :الى حجت البقر على قرونها
وطرت من الفرحة اخبر ابوي ، احسب انه خبر زين

والله يالطائر المهاجر إن سالفتك هذي كلما ذكرتها ضحكت ،

ما مثلها أبد أبد ،

تحياتي

،،،،،،،،،،،،،،،،،،،،،

[حوريه]

وش فيكم تشوتون موضوعي

في الصفحه الثانيه وهو جديد وتجيبون مواضيكم القديمه

كل ما جبت هالبقره شوتوها ثانيه لتكون الصفحه الثانيه حوش وانا مدري

ترا ابشوتكم بس اذا حجت البقره

خلونا نستانس مع البقره .. قصديى مع السوالف الله يصلحكم

[سناعيس]

هههههههههه
الله يعينك ياحوريه على جرجرة هالبقره من الصفحة الاولى للثانيه
انتي صادقه ياحوريه يالله ياجماعه وين السواليف

[الطائر المهاجر]

هذولا بزرين كانوا يمشون في شارع مظلم
ومروا على بقره واقفه يالله يميزونها ، فمن باب الشقاوه
قال واحد منهم السلام عليكم ، يقصد البقره ، اثاري خلفها من الجهة الأخرى رجال جالس
وما شافوه ، فرد الرجال السلام ، هم سمعوا وعليكم السلام وينحاشون معتقدين ان البقرة
حكت وردت عليهم السلام ،

[حوريه]

ههههههههههههههههههههههه
هههههههههههههههههههههه
ههههههههههههههههههههههه

أجل انهبلو ذا البزارين ليتني شايفه خششهم وش سوو

الله ياخذ بليسك يالطائر عليك سوالف
يالله الي بعدوااااا

[سناعيس]

اممم اح اه اففففففف اااااااه
تعالي ياحوريه ساعديني على بقرتك عجزت وانا اجرجر فيها
تراها كانت ناويه تروح للصفحه الثانيه وجبتها لك
حسبي الله عليك انتي وبقرتك

[الطامي]

هههههههههههههههههههه
هاذ زياده على المستحيلات الثلاث اللي نسمع بها
وفعلا متى تحج البقره على قرونها ؟؟؟؟؟؟؟؟؟؟؟؟؟ الله على الطفوله ماحلاها
شكرا حوريه على الطرح الجميل
لاهنتي