ماهوب مشكل لا عرفت الأذيّه

[الطائر المهاجر]

شكرا لأخي الفاضل خالد الحمد
على كريم الحضور والتفاعل
لاهنت
تحياتي

[الطائر المهاجر]

شكرا اخي عيد
على كريم الحضور والتفاعل
لاهنت
تحياتي

صدقة والله


درّه من درر الحكمه

يابوعبدالله ..مليار صح لسانك




لااهنت



إحترامي

[الطائر المهاجر]

المشاركة الأصلية كتبت بواسطة الـزلـزال

لكـن اذا قارنـت بينـه واخيّـه=تتحمد اللي ما يخيب الرجاء فيـه
عندك رجـالٍ مامشـوا بالرديّـه=لا قلت يا رجالـي فكـلٍ تلاقيـه
فخله على فاله بخبـث الطويّـه=فالهـادي الله والليالـي تربيـه

الطائر المهاجر


أبدعت أبدعت

في وصف القضيه وكذلك في التخفيف من مأساة صاحبك


قضية العقوق أصبحت منتشره


ولكن الله هو الهادي والمصلح


صح لسانك ملايين على هذا الأبداع الغير مستغرب


دمت بخير

كل شكري وتقديري لأخي الفاضل/ الزلزال
على كريم الحضور والتفاعل المميز دائما
لاهان راسك يالغالي
تقبل أطيب تحياتي

[عادل العتيبي]

صح الله لسانك ملايين


وهذا موقف الشعر النبيل دوماً


لاهنت

وتقبل تحياتي

[هاجس نجد]

المشاركة الأصلية كتبت بواسطة الطائر المهاجر

اسر لي احد الأصدقاء عما لاحظه من احد ابناءه من اختلاف بعد ان اصبح رجلا
وصار له راتب ، وكيف بدأ يعامله معالمة أقل ما يقال عنها إنها ضرب من العقوق
رغم محاولاته اليائسه معه ، فكان ان عبرت عنه بهذه الكيبورديه

ماهوب مشكل لا عرفت الأذيّه= تاتيك من شخص تعرفه وتحريه
المشكله لاجتك عن سوء نيّه = ممن دفعت العمر لاجله تغذيه
فالوقت غيّر في نفوس البريّه = حتى ولوهو يحمل اسمك وتغليه
تحسبه خبرك بالمبادي العليّه= واثره تغيّر وانت تجهل خوافيه
كبرت لغاديده وصارت عتيه = واصبح عقوقه واضحٍ من مماشيه
لاهوب ورعٍٍ فاقدٍ للرويّه = ولا هوب خبلٍ أو مريضٍ تداريه
والمشكل اكبر لاكتمت البليّه = رغم الأذى ما ودك بشي ياذيه
تضطر تكضم جمر يحدث لجيّه= ولاهوب داري عنك فابليس مغويه
لكن اذا قارنت بينه واخيّه= تتحمد اللي ما يخيب الرجاء فيه
عندك رجالٍ مامشوا بالرديّه= لا قلت يا رجالي فكلٍ تلاقيه
فخله على فاله بخبث الطويّه= فالهادي الله والليالي تربيه

الله-الله- الله- تعبير منطقي- يالطائر المهاجر

تسلم تسلم يا أبو عبد الله

صح الله لسانك مليون ولا يسدون

عزالله إنك شفيت قلوبنا قبل صاحبك

إجتماعية وواقعية ميّه بالميه

مشاء الله عليك إذا بغيت الشيء تجيبه بوصف دقيق

وكأنك عايش معاناة صاحبك وممن هم عايشوا الموقف أمثاله

بدون مجاملة قصيدة تستحق النسخ والتوزيع

على من يعانون من عقوق أبنائهم وجحودهم

لك شكري وتقديري وإعجابي

أخـــــوك

هاجس }{ نجـــــــد

[نجم الإبداع]

صح لسانك يابو عبدالله

والله يصلح لنا ولك الذريه

ويحسن لنا الختام

لاهنت


تقبل مروري

وودي

[راجي الحاج]

روعة روعه روعه

تعايشت مع كلماتها كأن أحداثها أمامي

سلمت وباعد الله ما بيننا وبين العقوق

[صعبة المنال]

ماهوب مشكل لا عرفـت الأذيّـه
تاتيك من شخص تعرفه وتحريـه
المشكله لاجتك عن سـوء نيّـه
ممن دفعت العمر لاجلـه تغذيـه
فالوقت غيّر في نفـوس البريّـه
حتى ولوهو يحمل اسمك وتغليـه
تحسبه خبرك بالمبـادي العليّـه
واثره تغيّر وانت تجهل خوافيـه




صح لسااانك

التميز يجبرنا على العودة

صعوووب

[سلطان العطاوي]

صح لسانك واعتلا شانك
أبيات رائعه بروعة حضورك
لا خلا ولا عدم
متابعتي / فائق ودي واحترامي

سلطان العطاوي