النفس لقمه والمنايا خواطيف

[الطامي]

المشاركة الأصلية كتبت بواسطة سعود القت

ياللي تنشد ماعليّه تخاليف = ولنته مداوي مقلتي من رمدها
عايش بغفله في علوم وسواليف = وانا لياليّه توالي هددها
أفز للمعروف وافز للضيف = واثني الجميله لو عميلي جحدها
واقدّر اللي له عليّه معاريف = وربعي خطيتهم تموت بمهدها
واثني بوقت اللازمه والمواقيف = ولحدٍ ذكر في قمةٍ ما صعدها
ودنياي عيّت لا تجيلي على الكيف = باحت خفاي الله يبيد جهدها
لو جيت اوصفها عديمة تواصيف = المسعد اللي ما يجي في نصدها
تغنج وخلق الله عليها مشاعيف = تمدهم بحبالها وتعقدها
دايم مخالبها حدادٍ مهاديف = وان مست الاطناب تثبت وتدها
والنفس لقمه والمنايا خواطيف = ومن هاب له من غبةٍ ما وردها
ويالله في نوٍ قنوفه مراديف = براقها يلمع ويرزم رعدها
تاخذ ثمان ايام سحبه مقانيف = حقوق وسميه بحيلك مددها
غثو المسايل بالشجر كنه الليف = ديموم سبلٍ مختلط مع بردها
منه المحاجر والخباري مذاريف = وامزونها تردم ويكثر لبدها
لين ام سالم به تجر الغطاريف = وتنسابه النفس الشقيه نكدها
وبعد اسبوع يفع نبت الشفاشيف = وتسمن به العرا وتطنخ ولدها
ولاعد تجيب البدو طار المعاليف = يا ونسها يا فرحها يا سعدها
تتبع هوى شقح البكار المشاعيف = بدوٍ ومفتاح الجمايل بيدها
والعمر عدٍ والليالي مغاريف = والنفس ما يشبعها الا لحدها

سعود القت
يعجز الكلام في شاعريتك
وحاولت ان اجد منها بيت او بيتين لجعلها عنوان لردي فلم استطع
متماسكه ومكملة لبعضها
(( والعمر عدٍ والليالي مغاريف = والنفس ما يشبعها الا لحدها ))
هذا البيت هو قلب القصيده في نظري
وهويبين لقارئه ان قبله شي او بعده
وهو مارأيته وقرأته
عموما لاهنت وكثر الله من امثالك

دام هذا القلم الراقي

ودمت بخير وعافية من الرحمن

جزله من رأس جزل

وننتظر منك

اجمل الابداعات

تحياتى لك

[متسامح]

دام حرفك جميلا بشدوه

شكرا لك اخى

[مغامر]

لاخلى ولاعدم

رائعة

أسجل إعجابي هنا

[ابوعزيز]

دمت و لاهنت

جزله من رأس جزل

[يوسف الصالح]

بارك الله فيك اخى المبدع

جزله من راس جزل

جزاك الله بالخير

[الآكيد]

صح لسااانك

ولاهان منطوووقك


وسلمت اناملك الذهبية على هذااا الكلام

ولاتحرمنا من جديدك

دمت بحفظ الخاااالق

[الطائر المهاجر]

صح لسانك وقلبك
ولاهان راسك
تحياتي الطيبة

[ماجد الزيد]

صح لسانك ولاهان راسك
جزله من جزله
تقبل ودي