واطر جيبي كان قفّى وأطرّه

[سناعيس]

ماجد الزيد
تغيب تغيب وتحضر ويحضر معك الابداع والجزاله
صح لسانك ولله درك على هذه الباسقه
لاهنت

تحياتي

[ماجد الزيد]

الأخت الفاضلة

جفول

صح الله بدنكِ يالطيبة

واشكركِ على مروركِ الكريم

احترامي وتقديري

[هرم مره]

المشاركة الأصلية كتبت بواسطة ماجد الزيد

البارحة والهمّ صدري مقرّه=مانمت واعي والمخاليق نيّام
ارفع بعال الصّوت قافي واجرّه=لين الوحش من ماكره فزّع وحام
كنّه رسول ٍ جايب ٍ لي مسرّه=بشّر بها واقفى ونا اعضّ الابهام
جاني له بعلم ٍ على حين غِرّه=ما يدري انّ القلب من جيّته سام
مرسول من قلب ٍ على القلب فرّه=قلب ٍ احبّه مير وش خانته , ظام
ويله من الله , بس لله درّه = حتى الخطا منّه احبّه من العام
يشره علي وآنا حـرام آتشرّه=الحبّ علّمني فلا آجيه بخصام
والله لوهو حطّ بالجوف حرّه=الطف عليه مْن المطر في فضا الشّام
لله فلا تلحق حبيبي مضرّه = الموت اقرب لي وابنبيه قدام
اهواه من خيره الى حدود شرّه=تدرون وش شرّه ؟ الى من زعل , قام
ما قام زعلان ٍ ولا جاء بكرّه = لامن تضايق قام صلّى وثم صام
اطهر من اللي كل عمره مبرّه =واطيب من اللي ضيّعه كثر الاحلام
واطر جيبي كان قفّى وأطرّه=ويا طر جيب الوقت من ضعف الاسلام
تمرّني روحه وروحي تمرّه =يسهر على لانمت واسهر له ان نام
يسرّني شوفه وشوفي يسرّه=ون غاب عن عيني فنا شارب حْمام
ماهمّي مْن الوقت حلوه ومرّه = ودامه معي يبشر بحلوات الايام
مانيب خايف من زمان ٍ يغرّه=اخشى من هْبالي , يفجر بنا الغام
لعيونه الثّنتين والنّفس حرّه =بنيت له في صدري بيوت و خيام
هو موطنه من قبل حتّى يمرّه =حاميه فيه , ودونه رماح وحسام
كرّ اللقى يا غاية الرّوح كرّه=ما تدري انّ الوقت من غيرك حطام
البارحة والهمّ صدري مقرّه=مانمت واعي والمخاليق نيّام

صح لسااااااااااااااااانك وعلا شانك
قصيدة في منتهى الروعة والإبداع وشهادتي
فيها مجروحة، سلمت وسلمت أناملك، وسجل أعجابي
الله لا يهينك ، وبإنتظار المزيد من الابداع ، ودمت لأخيك.

خالص الود
هرم مره

[عبدالعزيز ابراهيم المنصور]

ماجد الزيد مبدع لافض فوك دمت بخير

[همس الورد]

صح لسااااانك مليووووووووون

و صح بدنك

بوووووووح رائع

تحيتي و تقديري

[شجون القصيد]

كرّ اللقـى يـا غايـة الـرّوح كـرّه
ما تدري انّ الوقت من غيرك حطـام
......

صح لسانك

تميز يستحق العوده

تحياتي

[الـزلـزال]

ماجد الزيد
بوح في قمة الجمال والعذوبه
من شاعر متمكن ورائع في كل بوحه
مبدع دائمآ ومتميز في كل ماتبوح به
دمت سالم ودام نبض حرفك الراقي
صح لسانك ملايين ملايين
ولك فائق تحياتي وتقديري

[الراقي]

صح فكرك

صح بيانك

و صح لسانك

تقديري

[ماجد الزيد]

الأخ الفاضل

داعي الشوق

صح الله بدنك

واشكرك على مرورك الراقي والكريم

[عبدالله بن عسكر]

صح السانك اخووي

جمال بجمال