قصائد عامة منقوله

[الطائر المهاجر]

على بالي ..على قلبي ..على عمري.. على بابي..
يجول الطيف وتشب الحنين اجراس همساتك..
وتشعل ذاكرة عيني من الجفنين لاهدابي..
اذا مريت بحدود النظر من بعد غيباتك..
امد الشوف بكفوف الوله والشوق وعتابي..
واحط الروح في روح المساء لعناق نظراتك..
ابسال حتى مايذبل شعور يبعثر اعصابي..
على وين القمر سافر وسافر ضيء بسماتك..
سالت الليل وعيون السهروالكل نادى بي..
وتلعثم كل حرف من الشعر نادى مسافاتك..
سالت الصبح وطيور الفجر والعطر بثيابي..
وتمتم كل مابي يشتكي لي بعد خطواتك..
سالت الريح واشجار الشوارع هي تسلا بي..
على لحن الجروح تعيش ماتعرف محطاتك..
تعال وشوف شباك الخفوق مشمع ولابي..
سوى ليل وسهر وآمال تشعلها بومضاتك..
حبيبي كان تسمعني تعال وضمد صوابي..
ولف الجرح بكفوفك عليها وخل نبضاتك..
تدق اجراس بيباني وتحضن بوح ترحابي..
اذا فاح الوله واشعلت جمر الشوق في ذاتك..
وابيك تبوح لي وتهمس يااول واخر احبابي..
على وين القمر سافر وسافر ضيء بسماتك



تحياتي للجميييييييييييع

السفيرة

[الطائر المهاجر]

قصيدة هجاء في شاعر المليون
هذه أول مشاركاتي معكم ؟اتمنى ان تحوز على أعجابكم

الشاعر /مشعل بن شويمس

شعر القبايل صار آخر موضـــة = بجهود أريام ورجاء وروضـــــــة
شالو وغنوله (ياليل دانــــــــــه = شاعر حظيظ بفكرتن محظوظــه)
برنامجن شعر النبط له قبلــــــة = وهو بجنابه عن صلاة فروضـــــه
فيه الحرار النادرة والبومــــــة = متجمعة بالحلقة المعروضــــــــــة
مدري وش اللي جاب هذا لهذا = الله يعافينا من أكبر فوضــــــــــــــة
وشبك التيوس بجنب شبك المعزا = بالمسرح اللي أجرته مقبوضـــــــة
وزيدي وصومالي وباكستـــاني = الكل منهم كاتبن معروضــــــــــــــه
الشعر ديوان الفعول الجزلــــــة = أدعو إله العالمين يعوضـــــــــــــه
الجامعات اللي تصــــونه صكت = وصارت دروسه تنعطى بالروضــة
وسيسانـــه اللي تثبته منهــــاره = وسلومه اللي تجمله مرفوضـــــــه
يا(سوبر استار) الشعر ولحونه = ياقافه وياوزنه وياعروضــــــــــــه
يا(ستار أكاديمي)ريال ودرهم = (من يربح المليون)لجل قروضــــــه
الخوف من بكرة يجي برنامج = يدمي على راع الرضوض رضوضه
(قبيلة المليون)من رشحهــــا = وكل المشايخ بالختوم تخوضـــــــــه
ماقول أنا للشعر(صح لسانك) = أقول(صح النوم) ياخر موضـــــــــــة

واتمنى منكم النقد الهادف وشكرا

بواسطة نايف العذل

[الطائر المهاجر]

نزعل .. ونتكبّــر .. وحنا .. من الطيـن
نزعل .. ونتكبّــر .. وحنا .. من الطيـــن ..
والكل .. منا ... صــــدّ .... لا .. أقبل ...... خويّــه ...!!

نفخر .. نقول .. إنا .. على الصد .. قاوين ..
وهــــي .. علينا ... في الحقيقـــــة ........ قــــويه ...!!

نشفق على الطيبة .. و كسب ... الكريمين ..
وهذي بنا ..؟؟ .. لاشك .... فعــــلة .... رديـــــــــه ..!!

ننسى نهايتنا .. وعلى .. وين .. ماشيــــن ..
وننسى الزمان ... اللي ... جمعنا ...... ســـــــويه ..!!

المشكلة .. ماهي بـ حاجة .... لــ تخمين ....
ولاهي .. بعد .. ياناس ..... صعبـــــة .... القضيـــه ..!!

دق الرقم : كيفك .. هلا فيك ... وأهليــن ...
أنــا .. الخـــوي ... اللـي مـــــزعّــل .... خويــــه ....!!

قلّه : تغيب ... وصـــورتك .. داخل العين ..
ويبقــى لـ حبك ... في خفـــوقي .... بقيـــــــــــــــه ..!!

أخوان حنا ... لو ... يجي بيننا ... شيــن ...
و مانفتـــــــــــرق .. دام المحبـــــــة ..... نديــــه ....!!

خلك قــوي ... لاتحتــــكرك .. الشياطين ....
قبل الفوات ... وقبل .... وقت ... المنيــــــــــــــــه ..!!

كلّم خويــك .. بـــ اطيب الهرج ... واللين ...
وأعرف .. جميل الهرج ... يمســــح ... رديـــــــه ..!!

هذي ... هي الدنيا .. من الحين .. لـ الحين ..
لابد ... بين الناس ..... تحصــــــل ..... خطيـــــــــه ..!!

ومن لايقدّر .. غلطــــة أحبابه ..... الحيــن ..
يقـــــرأ .. حـــــروفي ... ويعتبرها ......... هــديه ...!!

باكر .. تمر .. سنين .. وسنين ... وسنيـــــن ..
والــــــكل .. يرحـــــــل في الدروب ..... المـــــديـه ..!!

صدقني .. تندم .. وأذكر .. حروفنا ... زين ...
تندم على خلك .. إذا .... غاب ........ ضيّـــــــــــــه ..!!

دنيا .. غريبــــة .. وأكثر .. الناس ... ماشين ..
وكم .. صــــاحبٍ ... والله .... دفنته .... بــ يديــــــه

منقوله بواسطة السفيرة

[الطائر المهاجر]

رائعة الشاعر\ نصار الظفيري

اتمنى ان تحوز على اعجابكم ورضاكم ،،،،،،،،




بسيطه لاتصعبها ظروف وربي كاتبها

طلبتك يانظر عيني عيونك لاتتعبها

تشوف الكون وش وسعه ولو صار الوفا طبعه

زمانك والله مايسوى من عيونك ترى دمعه

حبيبي ابتسم وانسى زمانك بسمتك شمسه

حرام انك تعذبها عيونك هذه النعسه

دخيل الضحكه ماروعها خلق روحك ومتعها

دلع مشيه دلع كلمه حتى الضحكه دلعها

بواسطة السفيره

[الطائر المهاجر]

اعــزائي اعضــاء منتدايات الفطاحله هذي اول قصيـده اشــارك فيها (منقوله)

وهي عبــاره عن مجــاراه للســامر .. اتمنى ان تحـــوز على رضــاكم

سقى الله روضة التنهات روضة كاسب الطولات = بسيل في عروض العرق الأعلى بانت حـدوده

عسى غيث الحياء بأمر ولـيّ الأحيـاء والأمـوات =اللـي نـوه تناشـى حـي برقـه يسبـق رعـوده
لنا سيله يجي رحمـة لا هـدم ولا بـلاء وغرقـات =يعـم الخـيـر فـيـه الله لأم الخـيـر ويـقـوده
يزِيـن بلادنـا خيـره ونفعـه للعـرب بـالـذات=حيا يحي الوطن نبته خضـر مـزدان بـوروده
بلدنـا مهبـط الوحـي وفـداه الـروح بالضيقـات=جعـل مـن راده بسـوءٍ تشـب النـار بعضـوده
يطبـق فيـه شـرع الله علـى السنـه وبـالاّيـات=تحت حكم أبـو فيصـل زاد عـزه عـز بوجـوده
يسود العدل بارضـه والأمـن ببلادنـا مـا مـات=وهـذا مـن فضـل ربـي وثـم بفضـل مجهوده
أبو فيصل عسى عمـره طويـل مهـدّي الصعبـات=ملكنـا فهـد محمـود الفعايـل تشـكـر اجـهـوده
صليب الـراي ياطيبـه يحـل الصعـب بالحيـلات=فعايـل خــادم البيتـيـن مثبـوتـه ومـوكـوده
فهد شبل صقـر الجزيـره حـر صامـل الهـدات=ورث طيبه من ابـوه وورث طيبـه مـن جـدوده
بتفكيـر وتدبيـر بنـى النهضـه رفـع رايــات=رايات العـز وايضـا العلـم والتطويـر مشهـوده
عسى ربي يجيره من صـدوف الوقـت والنكبـات=قليـل بالعـرب مثلـه مـن الحـكـام مـوجـوده
جنود للفهـد حنـا نهـار الضيـق واخـذ وهـات=فـداه بكـل مـا نملـك كبـود اعــداه ملـهـوده
نويت اجـاري السامـر عزمـت وتمـت الأبيـات=ما اقول القاف ياهونـه ياميـر القـاف يـا كـوده
اثرك الشاعـر البـارع وغـواص أعمـق الغبـات=أعاف الشعر من شعـرك وقـول البيـت مـا زوده
بعد مـا جتـك يالسامـر تجـاوز ودمـح الـزلات=تراهـا دون قصـد وجعلهـا بالعـفـو مـبـروده

للشــاعر : محمد صـالح البــلاجي الحــربي

بواسطة تاج الوفاء

[الطائر المهاجر]

السلام عليكم

جبت لكم قصيده جميله اتمنى ان تنال على اعجابكم

وين انت ياللي كـل ماتهـب ذكـراك=توقد فتيل الشوق وتـذوب الاضـلاع
تعااااال واجلس صب لي من شفايـاك=هيل الكـلام اللـي تصبـه بالاسمـاع
مدري متى اشبع من سوالفـك وارواك=ياللي سواليفـك خزامـى .. ونعنـاع
عن كل من حولـي تاخذنـي لدنيـاك=واندم على وقتٍ قبل لاعرفـك ضـاع
تزهر حياتي في حضـورك ولامـاك=مثل المطر تزهر من حضوره القـاع
ساق الهوى مركب غرامي لمرسـاك=ماعاد ينفـع بـه مجاديـف وشـراع
مره .. حاولت اجرب القلب وانسـاك=وارتعت قبل القلـب يـدري ويرتـاع
عطني حضورك.. وقطع دروب فرقاك=لا يهب للفرقاء علـى القلـب ذعـذاع
مايستحق يعيـش بـه كـود شـرواك=قلبٍ يضمك حب.. ويضمـك اوجـاع

الشاعر لافي حمود الغيداني الحربي

بواسطة عطر السحاب

[الطائر المهاجر]

من منكم لم يظلمه قريب له خاصة في هذا الوقت لايأتي الظلم الا من قريب وأغلب ظلموا من أقاربهم و ...........................؟

وبهذه المناسبه أسرد لكم شعر (فهد الديحاني) ولكم أن تتمعنو في الكلمات والمعنى !

ظلم الغريب أهون ولا ظلم الأقراب
لأن الظليمه من قريبك مصيبه

وعيب القريب أصعب من عيوب الأغراب
لأن القريب يعيبك أللي يعيبه

والله مايذبح طويلين الأشناب
غير القريب اللي طعن في قريبه

عقب القرابه والغلا صرتو أحزاب
ولحد جنى من فعلته كود خيبه

بالله لايكثر ترى خاطري طاب
مليت من كثر الجروح العطيبه

الفرق واضح بين صادق ونصاب
والحق يطلع لو يطول مغيبه

وان كان بالدنيا محد حاسب حساب
بالأخره رب خلقنا حسيبه

وأنا قسم بالله لايمكن أرتاب
ولا أحب هرج فيه نمه وغيبه

أحب أقول ألصدق حتى لكذاب
وأحب أجازي من غمرني بطيبه

والا ألردي له عندنا حفنة تراب
وان غاب ماقلنا عسى الله يجيبه

بس أنت ياليتك تفكر بالأسباب
لأن الظليمه من قريبك مصيبه

وسلامتكم

بواسطة العمده

[الطائر المهاجر]

ترى غيابك خدر القلب تخديــر

ومنّك عيوني قد تزايد سهرهــا

عطني على ما قلت للوضع تبرير

عطني فداك الروح و أيضا نظرها

عن غيبتك عطني مع العلم تفسير

زايد شكوكي فيك حالي دمرهــا

احذر تسمّع يا عنا القلب للغيــر

بالك هل النمات تمشي بثرهـــا

ترى حبيبك ما حصل منه تقصير

مير الظروف القاسيات تخبرهـا

بعطيك عن حالي مع الوصف تقرير

اعرف عليك الحال زايد قهرهـا

عذبتني يا صاح بكثر المشـاوير

يا نور عينى كان يضعف بصرها

ترى غيابك خدر القلب تخديـر

وغصون حبك لا تقطع ثمرهـا




صاحبها ( يوسف محمد العنزي)

بواسطة دمعة بعير

[الطائر المهاجر]

قصيدة في ستار اكاديمي
بسم الله الرحمن الرحيم

السلام عليكم ورحمة الله وبركاته

أخواني أخواتي اقدم لكم هذه المتواضعه وهي قصيدة في ستار اكاديمي

واتمنى أن تنال إعجابكم

وخصوصا ً أنهم اذاعوها هذي السنه في بداية موسم الحج

يبون يلهون عباد الله عن العباده حسبي الله عليهم

شرحت الحال في كم بيت أتمنى أن تنال إعجابكم

للشاعر /خالد بن محمد المحفوظ ....

عادت عوايدهم سرابيـت لبنـان=براس السنه ردوا علينا المخمّـه
مجموعة الشلـه بتلفـاز تعبـان=سموهم أسم ستـار والكـل ذمّـه
خمت بنات ٍ معهم اليوم ورعـان=هذا يحب هـذي وهـذي تضمّـه
تجمعوا والقصد مخزي وفسقـان=رقص وفسق والحال صارت مسمّه
هذا يبي يحصل على قـول فنـان=وهذي تسـوي بالفعايـل مطمـه
لا والله اسمك غادي اليوم حيوان=يالله عسا يصيبـك بآفـه وحمّـه
البنت صارت بالتغنـج والالحـان=تضحك علـى هـذا وهـذا تلمّـه
وهذاك في جلسته كالذيب جوعان=وده يخطف المهرة اللـي تهمّـه
أستغفر الله مابـي اقـول بهتـان=ومذمتي يـا كبرهـا مـن مذمّـه
لاهل العقول الناقصه آنس أو جان=اللي على التصويت يـدْه مهمّـه
واللي يتابعهم به العقـل نقصـان=واللي يشجعهم عسـا الله يغمّـه
أكاديميه واسمها اليـوم شيطـان=تدعي لفعل الفسق في عين أمّـه
في موسم الحجاج ذاعوا لها شان=يبـون يلهـون العبـاد بمخمّـه
نصيحتي وجهتها لشعب شجعـان=أبعد عن اللي فعلهم حيـل رمّـه
حنا فعلنا ينشهد له مـن أزمـان=أيام ابـو تركـي زعيـم الأئمّـه
واليوم عبـدالله ملكْنـا وسلطـان=اللي لفعـل الخيـر شـدوه همّـه
حنا سعودييـن والـراس عليـان=حنـا لفعـل الخيـر أمـه مهمّـه
وحنا من اللي طبْق الدين باتقـان=وحنا من اللي هرجته فـي متمّـه
وحنا من اللي شعبهم دوم بطـران=وحنا من اللـي فعلهـم دوم قمّـه
وحنا من اللي يحمي الدين باوطان=ماهوب حنا مـن يبيـع الأزمّـه
وحنا من اللي ينظم القاف باوزان=وحنا بعكس اللـي يكبـر معمّـه
وحنا من اللي نطمع بعز وجنـان=ونحـب رب البيـت حبـاً بجمّـه
ماهوب حنا همنـا فـوز فسقـان=اللي ربى واطـي وفعلـه مذمّـه
تكفون يلـي دشكـم فيـه لبنـان=كبْـو ترددهـا بوسـط المقـمّـه

وسلامتكم .........

بواسطة بنت القصيد

[الطائر المهاجر]

شاعر يرثي نفسه

قصيدة نبطية للشاعر

المقدم / نمر السحيمي الحربي

رحمه الله

قد قال هذه القصيده قبل وفاته لأنه رى في المنام أن منادياً يناديه وأنه ميت فقال هذه القصيده وأودعها في درج مكتبه وعندما توفي .. وعند تفتيش مكتبه وجدوها فيه
رحمه الله رحمة واسعه ... فقد عزى نفسه قبل أن يشيعه المشيعون ..
)الله يرحمه ويرحم جميع أموات المسلمين(

حذاري من الغفلة ..... حذاري من الغفلة
كلنا ذلك الإنسان الذي سينتقل من الدنيا إلى عالم الآخرة حتما.....

"إذ الموت حقيقة لامفرّ منها "

ولكننا نختلف في أعمالنا وخواتيمنا وقدومنا على الله



يقول... الله يرحمه برحمته :

جاني وانا في وسط ربعي وناسي " " جاني نشلني مثل ما ينشل النـــاس

مني نشل روح تشيل المآســـــــي " " تشكي من ايام الشقى تشكي اليـاس

اثر الالم في سكره المـــوت قاسي " " ماهالني مثله وانا انسان حـــساس

جابوا كفن ابيض مقاسه مقاســــي " " ولفوا به الجسم المحنط مع الـراس

وشالوني اربع بالنعش ومتواســي " " عليه ومغطى على جسمي البـــاس

وصلوا علي وكلــــــهم في مــآسي " " ربعي ومعهم ناس من كل الاجناس

ياكيف سوا عقبنا تاج راســــــــي " " وامي الحبيبه وش سوى بها الياس

اسمع صدى صوت يهز الرواسي " " قولولها لاتطـــلــم الخــد يانـــــاس

قولولها حق وتجرعت كاســـــــي " " لاتحترق كل يبي يجرع الكـــــاس

اصبحت في قبري ولابه مواسي " " واسمع قريع نعولهم يوم تـــــنداس

من يوم قــــــفوا حل موثق لباسي" " وعلى رد الروح صوت بالاجراس

هـيكل غريب وقال ليه التــــــناسي" " صوته رهيب وخلفه اثنين حـــراس

وقف وقال ان كنــت يانـمر نـاسي " " هاذي هي اعمالك تقدم بكـــــراس

ومن هول ماشفته وقف شعر راسـي " " وانهارت اعصابي ولاارد الانـفاس

يالــيتــني فكرت قبل انغمـاســـي " " بالـغفله اللي منتـهاها لــلافلاس

وفزيت من نومي على صوت ناسـي " " واصرخ واقول الموت وأحذر الناس


أسأل الله لي ولكم ولجميع المسلمين حسن الختام ....

بواسطة العمده