لاتعتذر ماعاد للعذر داعي (بالصوت)

[الطائر المهاجر]

كل الشكر والتقدير لأخي الكريم/ سناعيس
على كريم الحضور والتفعل الجميل
لاهنت يالغالي
تقبل أطيب تحياتي

[نجم الإبداع]

يالطائر اشوفك بخط الدفاعي = تنسى ضيوفك ماترد التحيه
الي لفوا من قبل حول الرباعي = والبرد قارس وين ياخي حيه
وراك تلسع كنك الا الافاعي = والكيد طبعك والجفاء والاذيه
من ودنا جينا وكنا نراعي = مشاعر ك واثرك على الجاهليه
سيوف بالملقى تشيل الصداعي = من راس متجاوز حدوده بنيه
هذا خرف والا نويت انقطاعي = بين القلوب اشعلت فتنه قويه
والا الخساره نستّك كل ساعي = اليوم اشوفك تكره الاريحيه
دامك نويت الشر جالك جماعي = قامت عليك اليوم مية سريه

[الطائر المهاجر]

ارقبك عن بعد والفكر واعي = عند المحاور في خزامى البهية
وشفتك اقيشر قلت اطوي شراعي= الين يهدا ثم ارد التحيه
لسعي على اليمه اذا القلب فاعي= واللي رأيته شعر مابه قضيه
اجمرش القيفان تمشي طواعي = بين الغزل والجد غصب عليه
كانك تبي الميدان خوفي تلاعي= ويسحبك مني راعي الجاذبيه

رح في امـان الله هـذا وداعـي
ما ظن لي بك دامت الروح حيّـه...
ــــــــــــــــــــــــــــــ ـــــــــ
صح لسانك ابو عبدالله
قصيده رائعه .....كما عودتنا

[الخنساء]

تعتـذر ماعـاد للعـذر داعـي
حنا انتهينا ولا ابـي لـك هديّـه
صح لسانك وسلم قلبك قصيدة
راائعة جزلة المعاني
اجمل تحيه

تأخرت في الرد ولم أظفر بالسبق ولكن لن أتردد في قول الحقيقة بأن القصيدة كانت بالنسبة لي رائعة وليتني سريع القريحة للرد ولكنه الوقت

صح لسانك

[الطائر المهاجر]

شكرا أخي مبارك
على كريم الحضور والتفاعل الراقي دوما
لاهنت
تحياتي

[عمربن عجرف الشمري]

صح لسانك ولاهنت يا القرم

[مهدي الحبابي]

أخوي ابو عبدالله

صح لسانك واعتلا شانك

رايعه ووافيه من وافي

تقبل احترامي وتقديري

[حوريه]

ابيااات راااائعه من شاعر راائع

ابدعت وامتعت طاااائرنااااا

صح قلبك مليووووون

دمت وداااام حرفك

.