كشكول منيع

[منيع]

نفسى ورى حاجة والايام عجلات=الله على بعـض الامانـي صعيبـه
ان وافقـت ولا تمـوت المـسـرات=كـــل يــــروح ولاتـهـنــا قـلـيـبـه

[نفحات حساسة]

صح السانك..مدد

ولاهنت منيع

وسلمت وسلم لنا فكرك

مازلت متابعه..

[منيع]

المشاركة الأصلية كتبت بواسطة نفحات حساسة

صح السانك..مدد

ولاهنت منيع

وسلمت وسلم لنا فكرك

مازلت متابعه..

حياك الله اختي الكريمه
شكرا على التواصل
تحياتي

[منيع]

ان غبت عن عيني على البال طرياك=هات الذي ينساك يانور عيني
في كل حس مرهف انا دوم وياك=هيهات ثم هيهات يفتر حنيني

[منيع]

يواعدنـي الفـرح انـه يجيـنـي=ولامـره صـدق ملـعـون جــده
وضاعت كل ساعاتي الجميله=علـى رجـوى الوفاولامـد يـده

[منيع]

يلومني خبل مـن النـاس مرجـوج=مالاعتـه بقعـا ولاصــار محـتـاس
ولاصار له موقف مع اول الفـوج=ولاشرب من جاير الوقت له كاس

[منيع]

هــم يغـادرنـي وهــم يجيـنـي=تناوبـت فينـي بـلاوي كثـيـره
وغم يفاجينـي وجـور خدينـي=وويل على قلبي وهذي بريره

[منيع]

(على قدر اهل العزم تأتي العزائم)=وتجـي علـى قـد البـلاوي رجالـهـا
خلـك علـى الدنيـا كمـا حيـد شامـخ=كــم لطـمـة صــدر المعـنـا شـالـهـا

[بنت العز]

منيع
كشكول رائع
تسلم ايدك
والله يحييك
استمتعت
لك مني
اطيب تحية

[زهرة اللوتس]

كشكول رائع
وقلم اروع
صح لسانك
ولاهنت