ديوان المغفورله بإذن الله الصريح العتيبي

[سعيد الصاعدي]

المشاركة الأصلية كتبت بواسطة الصريح العتيبي

البارحه كني صويب الاعادي=يجر وناته وروحه خطيره
فرض (ن) خلى ماعنده الا الشدادي=والذيب الاسحم عند راسه يديره
يحرم علي بالليل نوم العبادي=كلن رقد وانا عيوني سهيره
وعن الكرى عيني حداها الف حادي=ترعى النجوم ولا يلجلج نظيره
من هاجساّ بالقلب ماله اعدادي=هماّ عظيم وصابني منه غيره
اصادمه بالصبر قدر اجتهادي=لاشك غلبني بالجموع الغفيره
هماّ سطى رمحه بكبدي وكادي=رمحاّ يعّوض بالسيوف الشطيره
سوى محل وحل باقصى فوادي=من كل صوب مايقاطع مصيره
اشوف من دنياي كيد ونكادي=مدهّوراّ حظي وحالي ضريره
واطلب من اللي للمخاليق هادي=يكتب لنا حظاّ وبالامر خير
وسر ياقلم واكتب بيوتاّ اجدادي=من شان اوضح للرفيق السريره
انخى عبيد بكل صوتي وانادي=هو مسندي مالي من الناس غيره
هو الرفيق اللي عليه اعتمادي=هو مسندي عزي بشره وخيره
ليا حل ابي حالاّ يحل القيادي=ويثني وراي بكل دعوه كبيره
لو كان عني بالديار البعادي=يزورني لو كنت بياّت ديره
يوم الردي وجهه غشاه السوادي=عبيد عزاّ للرفيق وقصيره
عن الكرم والطيب ماهو بغادي=وحقه مع اهل الطيب ماحداّ خشيره
ورايه مع الظفران راياّ سدادي=ماهو من اللي يكسبون المعيره
ياللي تشاهد فيه بعض انتقادي=انته عمى العينين مامن بصيره
وصلاة ربي عد ماسال وادي=من مزنةّ غرى نشت مستديره
على نبيناّ لدين الاسلام قادي=واختصه الله من عباده نذيره

الاخ الفاضل / الصريح العتيبي
صح لسانك لاهنت
نص شعري رائع
مكسي بكثير من الاصاله الشعريه اللتي فقدت في وقتنا الحاظر
من شاعر جزل جزل جزل
تسلم ويسلم فكرك يالغالي
أخــــــــــوك
س / ص

[داعي الشوق]

صح لسانك يا بو فايز

قصيدة لها معنى ولا كل المعاني

جمال في الكلمة وسلاسه في السرد و الإبداع

صح لسانك مدد بلا عدد

تحياتي لك مع التقدير

،،،،،،،،

[مبارك أبوظهير]

الله الله



الصريح العتيبي


ألف صح قلبك وفكرك ..



دائما حضورك وارف



كن بخير



غلاااااااااااااااي



م ن

[نجم الإبداع]

اللهم صل على محمد

وصح لسانك يابو فائز

ونعم بك وبعبيد

لاهنت


تقبل مروري

وتقديري

[ام العمده]

الصريح العتيبي

الله الله الله

صح لسانك واعتلى شانك

لاهان راسك

رائعه من روائعك

دمت بخير

[حوريه]

الصريح

ابيات رااائعه تشكر عليها

دائما مبدع

دمت بألف خير

[ناصر عبيد الهواوي]

يالصريح العتيبي رائعة رائعة من مصدر الروائع صح لسانك وسلامتك يابو فايز

[يزيد النمي]

اللهم صل وسلم على رسول الله


صح لسانك يالعتيبي

قصيدة جميلة

[حي الضمير]

شاعرنا الكبير الصريح العتيبي صح لساااانك مدد بلا عدد
قصيده رائعه وشامخه وهذي عوايدك يامتميز

[ابومياس]

وصلاة ربـي عـد ماسـال وادي
....................من مزنةّ غرى نشـت مستديـره
على نبيناّ لديـن الاسـلام قـادي
......................واختصه الله مـن عبـاده نذيـره

اللهم صلي وسلم على نبينا محمد

اخي القدير ابو فايز

الله يفرج همك يالغالي

قصيدة تحكي عن نفسها

صح لسانك لاهنت

دمت بخير