مني لغز ومنك لغز

[الطائر المهاجر]

انشدك عن رجل طويل العصاقيل= بين البدو والحضر ضيع زهابه
عنده غزالٍ يخطبوها الرجاجيل = ومن بعد جوزها رجع في طلابه
ما يقدر السلوى ولاعاد به حيل= دايم بفكره في ذهاب وايابه

[منيع]

الدلو (الرشا)
تحياتي لكم

[الطائر المهاجر]

سلامتك
دور غيره

[عبدالله الشويمان]

القناره والصميل

مدري رمعه

[داعي الشوق]

ههههههههه منت صاحي يا عود

[الطائر المهاجر]

سلامتكم
إلا صاحي

[عبدالله الشويمان]

وش رايك بالمغزل

[الطائر المهاجر]

سلامتك من الشر
دور غيره

[عبدالله الشويمان]

اجل الملقاط

[داعي الشوق]

اللغز هذا ما يبي زود تحليل
.. الحل عندي و عارفه من كتابه

ما دمت في داعي عزفت المواويل
.. و تسوق له تهمه و تبغى الاجابه

درب الوفا دربه و راعي معاميل
.. و الناقه اللي باعها من حسابه