حرب المحاوره بين شعراء الفطاحلة

اضنه لو تسلف له جهاز ووصل المضمون=فهو حر ويختار الذي عقله يبي يدله
ولا هي من موازين المعايب والعرب يدرون=واذا هو عيب نصبر لين يفتي حاكم الشله

[الطائر المهاجر]

تحرك عرق في دمك يابو طله مع القيطون= او انك مالقيته من يعرف للعبة السله
تبي نرجع لأيام مضت ظني بها مفتون = ونا ماودي افدع بك تذير وتشتكي لله

[ابو زياد]

ترى حرب السياسة مابها فايز ولا مغبون=مصالح وقتها تحكم وتربط شلة بشلة
ومثلك شغله المايل يخلي دارس القانون=يجي حذر ويخشى تحجب المفتاح وتشله

[سناعيس]

انا ماظن من سلم مفاتيح وهو ممنون=يجي وقت ويمن بهن على منهو تزهله
ولكن يحجب بحكمه وكل المسأله قانون=يطبق في حذافيره على من النفس تسوله
يبي يضرب على الكايد ولاهمه سواد عيون=وانا باكمل الناقص الى منه تخاذله
الين انك تحس انك وحيد وفاقد للعون=وتعاف تماشي المخطي بما فيهم أبو طله

[الطائر المهاجر]

الحرب ستستمر ضروساً ، ولن تهدأ إلا بعد استسلام من يعنيهم الأمر

انا الرداد يكشف كل قيطونٍ على المضمون = ومعي سنعوس قيدوم الرجال ومركي الدله
الا خبر ابو طله يجي للي طلب للعون = بعد ماصاده الرادار من بعده على عله

[ابو زياد]

توقع لاتفقع وانتبه يامدور الفزعات يالمغبون=معك سنعوس او رادر او منشار والشله
ب لاعبكم وبا شعلكم وانا في كفي الغليون=وابضحك لين شفتك تجمع المقسوم والغله

[الطائر المهاجر]

ترى الغله بها قيطون وابوطله ومن يرعون= يكفيها سناعيس الرجال ومحمي المله
اذا منه زأر مثل الأسد ما هاب من مليون = ومثل عنتر على الأبجر بسيفه يقطف الفله

[ابو زياد]

انا ماجبت لجيوشك خبر لوهم من الغابون=ولا فكرت في سيف تسله ثم تشله
انا طيرت لك واحد وذا مني ترى عربون=وذا تبغى الدفع بالكاش خذها انواط بالعمله

[سناعيس]

الا ياطيرنا وش هقوتك يصمل بدون عيون=او أنه يمسك الجدران ويتوكا على ظله
او انه يمشي بريموت مصنوع من المعجون=يتماسك لين يظهرلك تقل فطحل وهو لله

اشوفك حكت ظفورك تبينها على الكرتون=يجيك الصعب وافطن له واذا ما تقدره خله
ترى الغزلان ميزتها الا ذكرت بكبر عيون=ولو بخيت في وجهه شرد وانحاش من ظله