حرب المحاوره بين شعراء الفطاحلة

[الطائر المهاجر]

انا لا من زعلت اضحك واهيجن مع ابن لعبون = واسامح من يهاجم واتركه يشوى على مله
على ماني نحيل العود لكن بالثقل موزون = واشيل جبال ما تنشال ما بينت بي خله

[نجم الإبداع]

اشوف المسأله رجعت موده والغزل مدهون= عسى الله يجمع الشمل السيوف اشوفها كله
انا ماشفت خير من الكلام الطيب المخزون = وحنا اخوان وش فيها اذا شمنا عن الغله

[الطائر المهاجر]

مثل ماتعرف إن الحرب خدعه فافهم المكنون= نبي حتى نفك المرتبط ونقوم بالحمله
على من قيل ابو طله وابو زياد هالقيطون = ونبعد بو انس عنهم ولو هو كان في الشله

[نجم الإبداع]

ابد بامشي معك واحذر من الي بالخفاء يكوون = ولكن كلمة القيطون تزهى باخر الجمله
تراها كلمةٍ عذبه ومعناها ماهوب الهون = لوصف المكر صاغوها وصاحبنا برد غله

[ابو زياد]

مسيكم بالخير
فلاح

انا ما اشك فالصاحب ولاني للوهم مسجون= ولا افرح غير لا شفته تعيش الناس في ظلة
واعرف الود والشرهه واعرف الخاطر المسكون=واعرف علومكم لا من غدت وان جات منصلة

[نجم الإبداع]

هلا
يابو زياد

قدرنا نستفزك من سباتك قرب الماعون = وخذ رميه من الطائر وانا قاعد لابو طله
تقيطن او تشيطن او بعد دور في المخزون = صواريخ المهاجر صايبه من بعد مشتله

ترى اللي حط رجله فالبحر ماقاس ذا مجنون=وبه نوع من انواع السمك منشار وافطن له
وكل لا بداله حاجة دور عن المزيون=واشوفك قاعد تنادي وعنك الناس منشغله

[نجم الإبداع]

هلا يابحر خوفي تالي المشوار تغدي عيون= وينضب نبعك الي وهقك باوهام معتله
تجي واليا حمينا قمت تلجا في جبل قيسون= تورينا سنونك وان ضحكنا ترمي القله

روعه بس حبيت اشيد فيكم واقول وراكم ناشبين لبعض عسى الامور زينه..........؟؟؟

[الطائر المهاجر]

ابن مقبل يراعينا ولكن خايفٍ مشطون = ولا يدري بحرب في الفطاحل ابتدت شعله
نبي نسحبه للميدان ويطلع داين مديون = وكل من يدخل الحلبه نضمه فور للشله