علام صاحبنا تغير علينا

[الطائر المهاجر]

ياهملالي سالفه لا بغينا = وخيال جامح والشعر مس بجنون
ياما كتبت من الغزل يالذهينا= وانا خلي القلب مانيب مشطون

[داعي الشوق]

المشاركة الأصلية كتبت بواسطة ابوعبدالرحمن القريشي

يالحافي البس نعلتك باليمينا = نبي نسيّر يم ناس يعذرون
الطير له حق كبير علينا = واستغفر الله عن حروف يزلون

الطير مرعوب ولاهو يبينا = يخشى على نفسه من اللي يصيدون
من يوم شاف الشرك باين بدينا = مايدري إنه واقع فيه مضمون

[الطائر المهاجر]

لا جيت للكهرب فخلك فطينا = البس نعولك ولا تقرب لطبلون
ياسرع ما يصعقك لوك بدينا= والطير كهرب يصعق اللي يقربون

[داعي الشوق]

المشاركة الأصلية كتبت بواسطة الطائر المهاجر

ما بين حافي او مقرقش بدينا = ومن قبلهم من راغ ما ظن يدرون
الطير لا من طار قل يامعينا= ماش يرده ينتف اللي يطيرون

.............................

ياطير يا مهاجر ترفق هوينا = أرفق على روحك من حرور وصخون
لجل إنك الشايب ترى مسامحينا = ونبا العشاء عندك من الحق عربون

[الطائر المهاجر]

الشيب شيب القلب للعارفينا = وقلبك مشيب وامتلى كله طعون
ونا شباب القلب خذها يقينا = وسني ولا ظنيت جاوز لعشرون

[داعي الشوق]

المشاركة الأصلية كتبت بواسطة الطائر المهاجر

الشيب شيب القلب للعارفينا = وقلبك مشيب وامتلى كله طعون
ونا شباب القلب خذها يقينا = وسني ولا ظنيت جاوز لعشرون

.............................. ..........................

أضحكتني بالحيل والله يعينا = يا صاحب العشرون عام يعدون
الله يزيدك وأنت راضي علينا = والحق مطلوب ولاهوب مركون

[الطائر المهاجر]

الرجل رشده بعد سن اربعينا = هذا كلام الله ما فيه يفتون
يولد بها الرجال عقل رزينا = ومن قبلها ورع بلا عقل موزن

[منيع]

ونطق بها القرأن اسفل سافلينا=بعداربعينك لايجي فيك طاعون
ياسعود هذا بلوة رب العالمينا=ليت الذي مثله كثيربها الكون

[داعي الشوق]

المشاركة الأصلية كتبت بواسطة الطائر المهاجر

الرجل رشده بعد سن اربعينا = هذا كلام الله ما فيه يفتون
يولد بها الرجال عقل رزينا = ومن قبلها ورع بلا عقل موزن

.............................. .

ما عاد بك نفع ولابه عوينا = ولابه سلاح ينفعك يوم يرمون
ما غير نظرات بعيون رزينا = والقلب شفقان على ذيك العيون

[الطائر المهاجر]

منيع لاتسند على الضاعنينا = خلك مع اللي عارفك لو يجهلون
حنا هل الجنه مع الصالحينا = وانتم مع اللي مادروا وين يمشون