انا ما نيب لا شيعي ولا سني

[حمد العيد]

استاذي القدير

انت من قليل من هم حباهم الله هذه القدره على ترويض المفرده في مكانها الصحيح

وفي زمان يتعطش لمثل هذا الوعي

استاذي انت

رائع

صح فكرك

ودي وتقديري

روض الغلااا

[عبدالله الشويمان]

صح السانك يا ابو عبدالله..

قصيده جزله يا الجزل..

لا هنت يا الغالي.

[عبدالله الشويمان]

صح السانك يا اخ فهد الغنام.

ولا هنت

المشرف العام ..

صح السانك يالطيّب ولاهنت ..

تحيتي لك / مشاعر حالمه ..

[الطائر المهاجر]

انا ما نيب رب الكون احاسب انس او جاني= فخل الناس للرحمن من علمه يحاسبها
وعدو الله ما فرق مابين اول ولا ثاني = عدوه كلمة الإسلام بأجملها ومذاهبها
ونا ماهمني منهو عرفته كان من كاني = مادام انه معي ضد المعادي في مواجبها
ارحب به والى من انتهى العدوان بإيماني = اميز من على المله ومنهو كان صاحبها

[سعود الحارثي]

قصيدة في الصميم..والله أنك قلت الحق أحلف وأنا صائم..
يا أخي ملينا من خلافات عمرها 14 قرن..
الحق الله أعلم به..
والواقع أن كل شخص مسؤل عن عقيدته أمام الله ..
وهو وحدة المتكفل بحسابه..
لكن المتشنجون والأقصائون من الطائفتين مصرون
على تعميق الهوه..وأنا أجزم أنهم سبب بلاوي
الأمة..
أجزم أن الغرب تفوق علينا لأنه أحترم حرية الدين والعقيدة والمله..
ونحن نريد نجبر خلق الله على
منهاجنا..وكل طائفة تقول عندي الحق وغيري كافر..
طبعا انا لا أقصد الخلاف السني الشيعي فقط..ولكن الخلاف داخل السنه..
لاتستطيع أن تدلي براي ولا تعارض ولا تناقش..
والا تكون علماني وأبن ستين كلب..ودمك مستباح..
قال تعالى : (لا إكراه في الدين قد تبين الرشد من الغي
فمن يكفر بالطاغوت ويؤمن بالله فقد استمسك بالعروة الوثقى لا انفصام لها".
تحيايي لفكرك وشعرك
سعود الحارثي
شاعر وأكاديمي

[فهد الغنام]

الله يعين ...............

من اللي يقبل المتعه وينكر قصة الزاني = ومن اللي فرّق الأمه ويسعى في تحزبها
وكتاب الله وقرءانه حشا ما فيه نقصاني = ولا نقبل بتحريفه لوّ الفتنه نسببها
وأنا خابرك لك نيّه تقول الشخص عدواني = وبه اللي صدّق الكذبه وبه ناس (ن) تكذّبها

[الطائر المهاجر]

ولا نقـبـل بتحريـفـه لـــوّ الفـتـنـه نسبـبـهـا
وأنا خابرك لك نيّه تقول الشخص عدواني
وبه اللي صدّق الكذبه وبه ناس (ن) تكذّبها

تصدق او تكذبها فذا شانك مهو شاني = وترى من يشعل الفتنه مصيره في لهايبها
فرسول الله ينهاكم عن الفتنه وينهاني= فلو ترجع الى قوله تغير رأي راغبها
وعدو الله مافرق ما بين اول ولا ثاني= يبي من قال انا مسلم ولا ميز مذاهبها

انا ما نيب لا شيعـي ولا سنـي بقيفانـي
انا المسلم على المله ولا لي فـي مذاهبهـا
كلام الله دستـوري ولا بـي منهـجٍ ثانـي
سوى هدي النبوه نور نفسي يوم احاسبهـا
وانا كل العرب نبضـي بعدنـانٍ وقحطانـي
ومنهو بالعقيـده نجتمـع نرفـع مراتبهـا
عدوي من يعادي الدين من عجمٍ وعربانـي
وصديقي كلمة التوحيـد لايمكـن يجانبهـا
اصول الدين لاقشره شعاري بين الاقرانـي
وكلٍ يعـرف الله مابنفسـه مـن مثالبهـا
يحاسبه الولي يجـزاه بالإحسـان إحسانـي
ومن يسلك طريق ابليس فالنيـران لاهبهـا
انا مالـي بتقسيـمٍ يهـدّم عـال الاركانـي
زرعه الغرب باوطان العقيده من مصايبهـا
كفانا يا دعاة الشرذمـه تفريـق الاخوانـي
كفايه كلنا صرنـا ضحيـة جهـل نكتبهـا
متى نصحى متى نفهم نلم الشمل شجعانـي
نفوت لو بعض فرصه على من عاش ينهبها
لعب فينا المعادي لين صرنا اليوم خرفانـي
تناطح بعضها والذيـب بالمرقـاب يرقبهـا
ترى الإسلام ماساد البريه عبـر الازمانـي
سوى في وحدة كبرى بلا تقسيـم يحجبهـا
ولما انـا تخالفنـا حدرنـا لقـاع وديانـي
وصرنا مطمـع الغـازي يدفّعنـا ضرايبهـا
شعل نار التناحر بيننـا والكـل خسرانـي
عراق اليوم في درسه يوضح وش عواقبها
ولا ندري من القادم عليه الـدور باوطانـي
ولا ينفع ندم لامن نـزف جـرح بسبايبهـا


تسلم اخونا ابوعبدالله وانا رايئ من رائ الاخ محمد المسفري لو تنقل القصيده لتفعيل الحوار

وسلمت اخونا الرائع

وجزاك الله الف خير علىهالقصيده

[الطائر المهاجر]

هلا بك اختي الكريمة / شيهانه
الأخ محمد السفري فتح موضوع في قسم الحوار
عن السنة والشيعه.
شكرا لكريم مرورك
مع أطيب تحياتي