ديوان ضيدان بن منصور بن قضيعان

[ابومياس]

الاخوات الكريمات

الامورة - العيناء العامرية

لكم جزيل الشكر والتقدير على هذا الجهد

الكبير في طرح هذا الديوان الهام

اكرر شكري وتقديري

دمتم بخير

[العيناء العامريه]

عيون البنات

	يقول من عدى علـى روس الطـوال النايفـات=من ضيقه بالصـدر ثانيهـا وحزتهـا عصيـر يالله يأعظم من الاسماء واجـل مـن الصفـات=يالله ياغفـور ويـا سمـيـع ويــا بصـيـر يارب انا عبد(ن)خلقته من تـراب وطيـب ذات=ونفخت فيه الروح وأنت اللي على ذلـك قديـر يارب انا ماخترت أكون الشاعر اللـي قاسيـات=الطرق يطرقها وتصبح لـه ارق مـن الحريـر انت الذي خلقـت كائـن حـي غيـر الكائنـات=لحمـد لـك والشكروالمنـه وفضـل الله كثيـر يارب انا شاعر واهيـم بكـل واد مـن شتـات=واقول مال افعل وانا مؤمن ولي قلـب وضميـر شاعر ويتبعني مـن الغاويـن كثـر الغاويـات=اذنبهم وان غروروبي صرت أقـل مـن الغريـر والشعر مثل السيف ابو حدين وعيـون البنـات=ياليتها كانت مـدى الشاعـر ومرسـاه الاخيـر ماكان جبت العيـد والعـذر البنـات المترفـات=والعالم الله وش نـوى قلـب المقـدي لضريـر البارحه هبت على الريـح مـن كـل الجهـات=حتي عرفت ان الليالي غيـر والوقفـات غيـر وقمت اتلفت بالسنين اللي غـدت منـي فـوات=وامنت بأن العمر مهمـا طـال بالدنيـا قصيـر كلـن يمـوت وينتهـى والوقـت هـات هـات=ولاعاد يبقى الا الذكر ان كان شر او كان خيـر والشاعر ابقى بعد موته مـن العلـوم الطيبـات=او عكسها والوقت يأخـذ والقصايـد تستخيـر أقرب دليل اللي لهـم بالبيـت سبـع معلقـات=راحوا ولا زالت قصايدهم كمـا البـدر المنيـر ألاعشى وعمرو وطرفه ابن العبد والعبسي ثبات=والنابغه وابن ربيعه وابن أبـي سلمـى زهيـر والشعر فضل شاعره عن من سواه وله سمـات=فضل ابو الطيب وهو سقى واللي في الراس أمير والشعر مهمافضـل الشاعـر مقـام ودرجـات=مافضله بالفعـل باليـوم العبـوس القمطريـر اقولها وانـا ادري انـه مـا تلحفنـي العبـاة=اللي طرفها في يدي واكمامهـا بيديـن الوزيـر لاكن على الله يامتـم الصـوم ومقيـم الصـلاة=تدفي الكفوف الباردات وتجبـر العظـم الكسيـر ياصاحبي ياحظي المكتـوب يأغلـى الامنيـات=يأجمل الصدفات لو ماجـات يالسهـل العسيـر من صيف عام ماخذاني عنـك بعـد ولا سبـات=كيف تجاهلني وانا وضعي من اسبابـك خطيـر والحب ذنـب مـا يكفـره التجاهـل والسكـات=واجه فديتك وأحسم الموقف يصير اللي يصيـر ولا تعلقنـي علـى امـل نـجـوم سـاريـات=وابقى على قول البدو لو لا ألامل مـات الفقيـر ياصاحبي يأغلى السنين المقبلـه والماضيـات=ياأعزوأغلى من علـى الدنيـا برجلينـه يسيـر لا تحسبني جاهـل بعـض الامـور الخافيـات=اللي تحدك وأنت مالك عن مـدى قلبـي مطيـر أدري وأتحـمـل واتـحـاشـى الانـفــلات=والا تراني في بعض الاحيان ما طيـع الشويـر والصبر مفتاح الفرج والقـل جـراح الالهـات=وسهيل يبدي في السماء ويهيج في القاع البهير وانا من اللي وجدهم على ظهـور المسرجـات=قوم ماهي بتشـد لاجاهـا مـن القـوم النذيـر وش عادني حي على شانه وش لي في الحيـاة=ان كـان مسرجتهـا فـزة الجـمـع الغفـيـر لعيون من حبه رسىمرسى الجبـال الراسيـات=وان اصطفق ماكنه الا الموج في البحر الغزيـر

[العيناء العامريه]

يا بحر جده

	حزين والله اني حزين وخاطري مكسور =لو اضحك واتظاهر بالسعاده يابحر جده وانا يا بحر يوم اصد واخفى دمعتي معذور =لك الله يابحر صدت والصده هي الصده اخاف تقول عني يابحر ضيدان بن منصور =في يوم من الايام ودموعه على خده وانا مابن حي الله بشر يكشف لك المستور =انا رجل يموت ولادرت الامواج عن سده و لاقاف ماقف ماهوب قدي لاطغى المغرور =انا قد الكلام وماقفي قدي وانا قده و اباقف وابتسم لواني حزين وخاطري مكسور =الين الله يفرجها علينا يابحر جده

[العيناء العامريه]

الهنوف

	الهنوف اللي سرت من نجد وأمست فالحويه=ضيقت صدر الرياض وسافر الطايف وجاها وأنثنى غيم الحجاز لخد نجد النرجسيه=يوم جاته من زعلها كنها تقصر إخطاها زعلوها ورحلت وأخلت قصور الفاخريه=وألحقتني شرهة الزعلان وأخطاني رضاها سافرت والله ماأخبر اللي يزعلها عليّه=وأستباحت لله الخيره سهر عيني وماها ليتها يوم إستباحت دمعة العين الشقيه=ماإستباحت دم قلبي من خلاها في خلاها سامح الله ظُلمها وطعونها الخُضر النديه=والله يسامح خناجرها ويعفو عن خطاها عرضتني للهبايب والظما والمهمهيه=وإتركتني للزعل والشوق والكبر وغلاها والغلا ماهو في يديها ولاهو في يديه=الغلا شيٍ من الله وأشهد إن الله عطاها من غلاها لو توردني على حوض المنيّه=كنها تسقيني الشهد المصفا من شفاها ومن حلاها ماتوصّفها الحروف الأبجديه=كيف تُوصف وردةٍ يبري من العلة شذاها الورود تغار منها مزهرية مزهريه=وإن تباهت عذرها معها يحق إلها تباها مايشابها شبيه ولايحاليها حليه=جل ربٍ يوم صورّها فرقها عن سواها لا اقبلت هيجنت وإن أقفت جذبت السامريه=واعذابي من عطتني وجهها وألاّ قفاها إن بدالي وجهها يسعد صباح اليوسفيه=وإن غشتني نفحةٍ من ليلها يسعد مساها درةٍ بالموت محروسة وبالبحر إمحمي=البحر من دونها والموت الأحمر من وراها دونها ماأغليت وسم أهلي ولاشداد المطيه=مرخصٍ بالقاع عمري والثريا في سماها لايمي يبلى بحب الحضر في عيون إبدويه=في ظروفٍ مايقارن مستواه إبمستواها الله أقوى يافقير القلب أبو نفسٍ غنيه=ماللك ألاّ الصبر والجنة لقاها من لقاها والهوى اللي يطرح الرجال في يدين أجنبيه=علةٍ بالجوف لاتبرى ولايلقى دواها والهنوف اللي لرد الثار تاخذها الحميه=شفتها بالعين في قلبي وهي تاخذ قضاها وشفتها تشتاق تطعني بلا ذنب وخطيه=كثر ماتشتاق لأعماقي وأنا أشتاق إل دفاها كل ماعرقت بميسمها تحريت إل خويه=والحقت بالميسم الميسم كذا على عماها عاقبتني كل يومٍ تلحق الكيّه بكيّه=وأتعبتني وأدركتني والحقت نفسي مداها وإن تمادت جهزوا قبري وأنا بكتب وصيه=بكتب الله لايعاقبها ويرضالي علاها العمار تلّفها الأيام والدنيا مدّيه=والسنين تلّفني والنار تحرق من وطاها علموها تلحق الباقي مادام الشمس حيه=وإتغانم مابقى مني وماتطلب فداها لاتمادى في جفاها والرياح الموسميه=ماتقدر وقفة الأشجار وتثّمن عطاها وعلموها ما بقالي غير أدِن الهاشميه=كان ترضاها علي ألاّ تهون من جفاها وإنصحوها لاتحّمل نفسها نفسٍ بريه=ذكروها بالقبر لعلها وألاّ عساها وعلموها.. علموها لاتطّول فالحويه=ديرةٍ ماهي بديرتها لو أعجبها هواها

[العيناء العامريه]

لبا عيونك

	لبـا عيونـك ولبـا خـدك وخـالـه=ولبـا المحيـا ولبـا الليـل والشفـه فديـت عمـرك بتجريحـه وغربالـه=لوتشربه الارض غبره والبحر جفـه هلي كما البدر غيضـي كـل حفالـه=وسجي عن الليل لايلهيك فـي صفـه وهزي على صوت رجف القلب وهباله=الطـار قلبـي وكـف توجعـه شفـه ياشفـه العيـن قبـل تجيـن جمالـه=وجيتي ولاشفت غيرك لو رفـع كفـه كنك لحالك حضرتي الحفل في الصاله=ولاشفت غيرك بشـر ياقمـه العفـه انتـي زعيـم رفـع للقـوم فنجالـه=وكـل تعذرشروبـه ليـلـه الـزفـه انتي بيمني الحـلا والنـاس بشمالـه=ثقيلـه العقـل فيـك الـدم ياخـفـه احيي فقيد بغيت ابكي علـى اطلالـه=في غيرك يموت لـو احييـه وازفـه وان عـودت للغـلا غـلاك بلحالـه=انتي بكفه وباقي الناس في كفه

[العيناء العامريه]

يــــــــا مرحـــبا تـــرحــيبتن

	يامرحبا ترحيبتن كلها لش=تكسيش من راسش لي حد ماطاش من قلب مهيوم بحبه صفالش=يلعب به الغربي لا سمع طرياش يفرح لامنه قالش كيف حالش=ولولا غلاش وحشمتش كان ماجاش وان قلتي انه غايتش شف بالش=كنه ملك ياعرب من الطاش للطاش الا يابري حالي وين مالي ومالش=لا والله الا لي ولش نعنبا اللاش من هامتي لمحزمي لش حلالش=بيتش فديتش واسكني بأوسط الجاش واما بلشتي بي وانا فيش بالش=غديت مثل اللي شرى علته كاش انا في وجه امش وابيش وخوالش=ماجيت لي حاجه واعود على ماش

[العيناء العامريه]

نظرات البرائه

	يـــا صـغـيـر لا تضيـعـنـي بـنـظـرات الـبــراءة=وانـت مـا تعـرف مـدى تأثيـر نظراتـك بحـالـي آه يا لبيه .. يـا بشويـش .. يـا هـدي الاضـاءة=للجـفـول الـلـي مــن جفـالـه يجفلـنـي ظـلالــي فـز بسـم الله علـيـك مــن المـضـرة لـلأسـاءة=وارقد آمن في عيوني واسهر آمن في خيالـي يـا صغيـر والـذكـي مثـلـي الـيـا خـانـه ذكــاءه=مـا لـه الا يعشـقـك ويصـيـر لعيـونـك شمـالـي قم فديتك وانت حـر مـن الـف بـاءه ليـن يـاءه=ما عطاك الا الله اسـرف واستبيـح ولا تمالـي سو مـا يرضـي غـرورك وأد مـا تهـوى أداءه=الحشا لك بيـت حاتـم وانـت غالـي عنـد غالـي قم تمخطر في الحشا وانسى الكتابة والقراءة=وحـل واجـب شاعـر مـا حلـتـه ســود الليـالـي وعلمـه وشلـون تتعـدى علـى خــط اسـتـواءه=وعلمه وشلون كيف وهل يضيعـون الرجالـي وكيف يجني خلف سور الجامعة ذنب الكفـاءة=سـاعـة نــادى ابلـيـس وقـالـه مـالـك ومـالــي وانت يشفع لك صغر سنـك ونظـرات البـراءة=بـري حالـي كـل مـا لـديـت يـمـي بــري حـالـي

[العيناء العامريه]

حنا بدو

	يـلـي عـلـى وجـهـي قريـتـي كــل صـفـحـات الـشـقـى=أقـري و أنـا بكتـب قصيـده و أشعـل الساحـه حريـق باقـي كثـر مـا راح و الـلـي راح نـصـف الـلـي بـقـى=و أن مـا وصلـت لغايتـي بمـوت فـي نصـف الطريـق يـا بنـت يـوم أمـطـر غــلاك بقـلـب ضـيـدان و سـقـى=تدريـن وش سبـة شقـاه و سـبـة الـجـرح العمـيـق؟! شقـاه مـن يمنـاه و أسـم الشـيـخ و النـفـس امحـقـى=و الجـرح منـك يـا أعـذب العذبـات يالمـوت الرقـيـق يـا بـنـت مــا دام الـبـدو تخـلـف هـقـاوي مــن هـقـى=و أنـا بـدوي متنـي يشيـل مـن الـزمـن مــا لا يطـيـق ابـفـخـر حـنــا بـــدو نـعـشـق عـلــى وضــــح الـنـقــا=حـنــا بـــدو فـيـنـا الـولــد لـلـقـمـه الـعـلـيـا عـشـيــق حـنـا بــدو فيـنـا الـولـد لــو شــاف مـوتـه مــا أتـقـى=حـنـا بــدو فيـنـا الـولــد يـرقــا و لـــو مـالــه رفـيــق حـنــا بـــدو فـيـنـا الـولــد لا مـــن رقـــا رقــــا رقــــا=الـيـن يـوصــل غـايـتـه لـوكــان فـــي قـمــة طـويــق يــا بـنـت جيـتـك و الثـمـن عـمـري أبــي لـيـلـة لـقــا=يـمـا كــذا و الا بـــلاش مـــن الـصـداقـه والـصـديـق و ساعـة تبسمتـي و شفـت الجـمـر والثـلـج أصـدقـا=قلت أشهد أن الموت حق و صحت لك صيحة غريق و أعتقـت دمعـي و الزعـل و الحـزن لرضـاك أعتقـا=و أغفـت عيونـي فـي عيونـك يـا عساهـا مــا تفـيـق و آمـنـت بالـلـي سـخـرك تـقـريـن صـفـحـات الـشـقـا=و أشعلـت بـردي فـي دفـاك و شبـت الساحـه حريـق

[العيناء العامريه]

نجوم الصبح

	بانت نجوم الصبح واللي في عيوني من عَصر=ما هوب دمعٍ لا تضايقت آتنهّتْ واسكبه لا والله الا حلم شيخٍ عن طموحه ما قِصَر=لو قصّرت سود الليالي من يمينه وشْنبه وانا لو اني ما تعلّمت الهزيمه والنصر=ما كان ذقت من الهوى القتّال مرّه واعذبه شاعر وعصري فاتني واعيش في أغرب عصر=لا الوقت وقتي والزمن ما بيني وبينه شبه لكن هنوفٍ مثّلتْ دور العزيزه في مصر=قدّتْ قميصي واسرفت في وصلها قبل انتبه يوم انْتبَهْتْ استشهدت ضدّي بحرّاس وقصر=قلت ارحمي عزيز قومٍ ذل وارخى منكبه ماني نبي الله اقاوم حسن خصرك لا انهصر=انا بشر عبدٍ ضعيف وكل برقٍ يجذبه قالت وهي تُوّي تثنّى كنْ ما فيها خصر=الشعر يا ضيدان ورث جدود ولاّ موهبه ؟! قلت الشعر سحرٍ يسخّر لي القلوب ويختصر=عمر المسافات الطويله والسنين المجدبه والحب شيٍ لو حصرته في ضلوعي ما انحصر=يطغي على حدْب المحاني لين ابيحه واكتبه وان علّمتني الفاتنه وشلون اسير ابلا بصر=علّمْتَها الفنجال وشلون اتحدّى واشربه وعلّمْتَها إنّي كذا طال الزمن ولاّ قصر=وان اعذب الحب اصدقه وان اعذب الشعر اكذبه

[العيناء العامريه]

الجـــــــــــــــــــــادلـــ ــ

	الجادل اللـي يمـر القلـب شارعهـا=بيـن الحنايـا تعـدّى ماتطالعنـي! تقفي مـع الـدم بعروقـي واتابعهـا=واحس كنْها علـى نفسـي توزعنـي قامت تبعثر غلا..وان جيت أجمّعهـا=أضمّهـا وآتشتت..ليـن تجمعـنـي بيـن الحنايـا تثنّـى فـي مرابعهـا=كنْها تقـول أتحـدى مـن يطلّعنـي! دام الحشـا بيتهـا وأنــا مدلّعـهـا=وش دخّل القلب يزعل يوم توجعنـي؟ وليا خـذا رمشهـا رجـلٍ يطالعهـا=لعـل رمـشٍ خذانـي مايرجّعـنـي عيونها جيـوش والنظـره طلايعهـا=غارت بصدري وجاز لسيفها طعنـي ويوم انْكفت..لين قلبي مـن قلايعهـا=والصبر عن خافقي ماعـاد ينفعنـي مدهالهـا القلب..وعيونـي مراتعهـا=أموت فيها..وهي للريـح تزرعنـي لو تدري الريح عن هـادي طبايعهـا=ماهزّت غصون قلبي..ليـن ودّعنـي ريحانتي والغـلا فالقلـب زارعهـا=تشرب عروقي وترواني..وتشبعنـي كنّ النحل من رحيق الـورد مشبعهـا=وانا شموخي من أحلى شي جوّعنـي ولياتعانـق خجلهـا مـع تواضعهـا=عانقت ليلٍ علـى مسـراه شجّعنـي لـو ينسـرى ليلها..سريـت بايعهـا=بشر...ولا الله عن الزلّـه مرفعنـي واصبحت من عقب ماني ضدّها..معها=ان ضاعت آضيع...وان دلّت تسنّعني وان شفت بالعين قلبي بين أصابعهـا=سـجـدت لله....يالله لاتضيّعـنـي وان جات للجـد واسقتنـي مدامعهـا=علّمتها الدمع للعشـاق...وش يعنـي؟ الدمع صوتٍ ليـا غـازل مسامعهـا=تشوف صوتي واذا مرّيت تسمعنـي والله ماكنت أطاوعهـا ولا اسمعهـا=لكنّـه الحب!!...سمّعنـي وطوّعنـي للجـادل اللـي شرايينـي شوارعهـا=القلـب يقتادني...والنفـس تمنعنـي