الـــزوجــه الثانيـه ،،ومـا بـعـد ذلك !!

[داعي الشوق]

المشاركة الأصلية كتبت بواسطة ابراهيم عبدالحميد

داعي الشوق

حيله ذكيه للعوده دون خسائر بشريه

إبداع رائع و راقى
سلمت يداك أخى و دمت لنا

حياك الله يالخريف الحزين

وشاكر لك ومقدر مرورك الجميل ،

وحلوه دون خسائر بشريه

لاهنت ،،،

[صعبة المنال]

المشاركة الأصلية كتبت بواسطة داعي الشوق

هذه القصيدة كتبتها بعد سماع قصة أحد الزملاء بعد أن قرر أن يتزوج بإمرأه أخرى

وعندما ذهب بجاهه ليخطب من أناس مقربين له وتقدم .. وافقوا وأعطوه ..

وبعد أن وصل الخبر لأم عياله وجد أن الأمور ما هي على خبره ،،

ثم أراد أن يتراجع عن الزواج ولكن كيف ؟؟

وخاصة بعد أن تقدم للناس وأعطوه الكلام البيّن ،،

وفعلاً تراجع و بطريقة غير عادية وسليمه ..

... بتعرفونها بالقصيدة ،،

مره حدث لى موقفٍ يالرياجيل = يوم قلت أبآخذ حرمة لي جديده
ودى اغيّر يوم شفت البهاذيل = من ذا القديمه يوم صارت جليده
من عقب ماشاروا عليّه مشاكيل = قالوا تجوز خل عنك العنيده
قلت ابشروا باللى يرد المكاييل = والصاع مدبولن وفوقه نقيده
قالوا مرادك عندنا بالتساهيل = انته تقدم والمطالب زهيده
ثم قمت انفّش كشختى فوق واشيل = مثل الحصان اللى عزومه شديده
ماهمنى لو صار بعض الاقاويل = فى نفسى احفّز مواقف سديده
صمّلت بالنيه وعزمت بالحيل = وانا اتطلع للحياة السعيده
خذنا الوعد والوقت لجل المقابيل = عند الذى ساكن بدارٍ بعيده
جينا و حيونا بذيك الفناجيل = قالوا نعرفك انت راع القصيده
قلنا نريد اللى رموشه مضاليل = على كتاب الله محصي عبيده
قالوا طلبكم والم يالحلاحيل = بليا شروط وقدم اللى تريده
لاجيت بعد اسبوع تلقى المعاميل = واتحظر المملك ويدك بإيده
عودت مع دربى بذيك المواويل = ادعى الاهى كل ما ابنى نشيده
يوم جيت لعيالى لقيت التهاويل = لقيت قدامى حرايق وقيده
البيت مقلوب وفيه الغرابيل = وقدامى الحرمه بيدها حديده
قالت علومك وصلوها المراسيل = اعلوم نبخصها وجتنا وكيده
قلت الخبر ملبوس بالقال والقيل = ما هو صحيح اللى بلغكم مكيده
معقول نرضى بالغنادير تبديل = لا لا ولا يمكن وانتى الوحيده
من بعدها والراى جاله تحاويل = ودى اتراجع مير كيف الشريده
حطيت نفسى فى ضروف ومشاكيل = ويش العمل ياهل الحلول المفيده
مضى علي اسبوع مثل المهابيل = والناس ترقب جيتى فى وعيده
فكرت واعطيت التفاكير تحليل = أبغى اتخلص مير ما أبغى النقيده
زهمت باللى ودهم بالتواصيل = اهل العروس اللى خصاله فريده
قلت العذر لو يمكم نفسى اتميل = لكن حدانى حادىٍ يالوليده
يوم رحت للمشفى بقصد التحاليل = قالوا نتايجكم هجدها هجيده
حالتك صايبها كثير العلاعيل = بالدم فيروس ومشاكل عديده
لياك تعرس دام بالدم تشكيل = حالك دمار وغير لايق وريده
اقنعتهم بالشاطحات المثاقيل = قالوا هذا المقسوم والله مريده
خلصت واتخلصت من ذا المهازيل =وكلن رضا بمقسومه اللى حديده

مو بعيدة تطلع انت المعرس يا الحافى هههههههههههه

روعة والله والقافية قوية

صح لسانك وفكرك


صعوب

أهلا بك أخي

وبالفعل الشعر الصادق مراءة لصاحبة


مرورك شرفني

[الطائر المهاجر]

ترفع لمزيد من الردود التي تستحقها
صح لسانك واعتلى شأنك
ولاهان راسك
تحياتي واحترامي

[حوريه]

قصيده جميله بس

وصف خيالي مبالغ فيه ما اعتقد توصل لهدرجه

دبغ وبالحديد بعد

المرأه دائما مغلوب على امرها

لو اني شاعره رديت عليك ياداعي...

على العمووووووووم صح لسانك ولاااااااااهنتــــ

[داعي الشوق]

المشاركة الأصلية كتبت بواسطة الطائر المهاجر

ترفع لمزيد من الردود التي تستحقها
صح لسانك واعتلى شأنك
ولاهان راسك
تحياتي واحترامي

ردك يالطائر المهاجر يسوى عندي كثير الله يسلمك

[داعي الشوق]

المشاركة الأصلية كتبت بواسطة شاعر المشاعر

صح بدنك يا شاعر المشاعر

مع التحية لك

[سعد الشقحاء]

صح لسانك
واعتلا شانك

صح صح صح الساانك

قصيده راائعه

سلمت

[صعبة المنال]

صح لسانك
التميز يجبرنا على العوودة


صعوووب